ISAI 66:5 - PATHIAN LEKHABU THIANGTHO (BSI)

⁵ Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

ISAI 66:5 ပူးပေါင်းရင်းမြစ်များ

1 LENGTE 21:29

“Ka ma-âng ah Ahab a kingainiam tak dan saw la mu em? Ka ma-âng ah a kingainiam tâk ziakin, ama dam sung sia’n siatna chu hun tung sak lo ding ka hi; himaleh, a chapa dam sung in a Inkuan ah siatna tunsak ding ka hi,” a tii, ti’n a gen tai.

2 LENGTE 22:10

Ziazaw chun, lekhazikpa Shaphan chun Lengpa chu etsak kawm in, “Thiampu Hilkiah chun Lekhabu pakhat ei la pia hen, zia hin ka hun chawi hi,” a tia. Tichun, Shaphan chun, zia lekhabu chu Lengpa ma-âng ah chun a hun sim tai.

2 KHANGTHU 34:27

zia mun thu leh a sung ah chêngte chung thu kigen haw la het ah, Pathian âng ah kisik leh kingainiam tak ah la umna ziakin, ka ma-âng ah la puante botthêk ah, la hung kâ tâk ziakin, ke’nle la ni’na chu ka la ngaitha tai, Lalpa‘n a tii.

EZRA 9:4

Ziaphatchun, saltânna’ kipat hung kile’kitte lak ah ginumlote ziakin, Israelte Pathian kamsuak ziakah lau ah kithing zosia chu, ka kiang in a hung khawm tau a, kei chule nitâk lam kithoina hun tiang in lungngai tak in ka kichu den tai.

SAM 119:120

Ka taksa hi nangma lau in a kithing in, la vaihawmnate chu ka lau hi.

SAM 38:20

Phatna, siatna ei thuk kit sekte hi, thilpha ka zui ziak ah ei do-te a hiu.

THUPILTE 13:13

Thu ngai lo mi tapo in a manthaina ding uh a kibawl un; thupiak jate chun vang kipakman chang in au.

SOLOMON LÂ 1:6

Ka vom ziakin ei musit kiu in, nisa ei hai dul ka hi. Ka suapite ka chung in a lungnau ah; grep huan vêng in ei koi un, ahi’n, keima grep huan ziang le, veng zo lo ka hi’ngal a.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 5:19

“Hung kinaw hen la, a bawl ding chu hun bawl kin hen la, vak kimu ngal leh aw! Israel Mithiangtho chu I hettheina ding un, a thil guanggal chu hun bawl zo kin leh,” tite haw, la chung uh a gik hi!

ISAI 60:15

Nangma chu nutsia leh huat ah um in, kuama a hun limsak um talo maleu, kumtuang ah lopi tak dingin, hun bawl ing ka tin, khang tam takte kipakna pen hung hita’n la.

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

JEREMIAH 36:16

Zia thute zosia chu a het phat un, gîng lep lup ah ki-entua in, Barukh kiang in, “Zia ka thu het zosiau hi lengpa kiang ah ka hil tei tei diu ahi,” a tiu a.

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

MATTHAI 10:22

Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

LUKA 13:17

Zia chu a hun gen phatin a langbawl zosia kha a hung zakcha tau a; mipite chunle zia gual ah thil lopi a bawl chu a mu ziak un, a kipak suak kêi tau hi.

JOHAN 16:2

Sunagog ah kipatte’n hun kaidok intiu in; ahi, kuale nangmau hun that tapo chu Pathian ho in kingai in au, zia tawhbang hun chu hung tung pai ding ahi.

JOHAN 9:34

Amau chun a kiang in, “Nang la pumchang ah gilo ah piang hin kei uh ei hil gua la hi maw?” a tiu a; tichun, ama chu a nawdok tau hi.

2 THESSALONITE 1:12

Chutichun, I Pathian leh Lalpa Jesu Khrista hepina dungzui in, I Lalpa Jesu min chu nangmau ah suklopi ah a umtheina ding leh, nangmaule ama ah suklopi ah la umtheina ding un.

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

1 JOHAN 3:13

Suapite haw, khawvel in a hun huat hi maksa kiu in.