ISAI 66:4 - PATHIAN LEKHABU THIANGTHO (BSI)

⁴ Ka ko phat leh kuama’n ei dawnhu puau ah, ka ho phat leh a kihiat losak sek un, keima mit mu ngei in thil phalo a bawl un, ka lemsak lo lam lam chu a bawl sek ziak un, a chung un sukgentheina hun tunsak ing ka tin, a lau pen uh a chung un tunsak ding ka hi.

ISAI 66:4 ပူးပေါင်းရင်းမြစ်များ

2 LENGTE 21:2

Ama hin Lalpa mit mu ah thil diklo tak a hun bawl ah, Israel chate lak ah kipat Lalpa‘n a la nawdawte umchan chu a la zui ta ahi.

2 LENGTE 21:6

A chapa chu mei ah kithoina’n a mang ah, hunte a chansak ah, âisânte leh ho in a nei sek ah: Lalpa mit mu ah chun nunsiatna huaisia tak takte chu a hun bawldok ta’n, a lungnatna chu a hun chok puang tai.

SAM 81:12

Tichun, a lungthim nop gual gual ua um dingin, ka thathawt ta ahi.

THUPILTE 1:24

Ka ko le la lei dawnhu puau a, ka khut ka jak inle, kuama’n lei ngaisak puau hi,

THUPILTE 10:24

Mi nunsiate chun a lau pen uh a tuak sek un; ahi’n, midikte chu a duthusam pen uh piak in a um sek ui.

ISAI 50:2

Ka hung lai ah khan bang ding ah pakhat chale, a la umlo la hiu em? Ka hun ko lai ah khan bang ding ah, pakhat cha’nle ei dawnhu lo la hiu em? Hukdok theilo ding khop ah ka khut chu, sukchom in a um ah a hem? Ahiloleh, hukdok zo lo ding ah, thahâtna neilo ka hi em? Ka vau leh tuisuagiat le a kang mai a, luipite le gamkeu ka suaksak a; tui tâksap ziakin a sung ah sangate le, a ui veng vung un, dangchâk ziakin a thi zo tau hi.

ISAI 59:15

Thutakna chu a lawsam ta’n, gitlo’na kipat kiheimang taphot chu, khut thuak ding ah kipia gual a hiu. Lalpa chun a la mu ta’n, vaihawmna dik a um tâk lo ziakin, a lung a dam ta puai.

ISAI 59:7

A keng uh thil phalo bawl dingin a chan-gang un, bangma bawlselote thisan sua dingin a kinaw he huu ah; a ngaituanau zosia chu khawlona ngen ahi’n, manthaina leh suksiatna chu a lampiu ahi.

ISAI 65:12

chemjam ah thâgam dingin hun khêk ing ka tin, thâlup dingin hung khûn chiat in la tiu in; ka hun ko leh lei ngaisak lo ziak uh leh, ka hun ho leh lei limsak tâk lo ziak un, ka mit mu ah thil phalo la bawl un, ka thil kipakpi lou lam tak la têl zaw tau hi, ti in.

ISAI 65:2

Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

ISAI 65:3

ka maichang ngei ah ei cho lungna zing un, chêktang kilem khawm chung ah gimtui hâl ah, huan sung tincheng ah kithawi mai mai sekte a hiu in;

ISAI 65:7

amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

JEREMIAH 35:17

A kiang ua ka thu gen a ngai lo ziak leh, ka kona ei dawnhu nop lo ziak un, Judai gam leh Jerusalem khua chêng zosiate chung ah thil phalo, a chung ua tung ding ah ka la gensa chu a chung un hun tunsak ding ka hi.

JEREMIAH 7:13

Chuleh, tu’hin nanghaw’n le zia thil phalo zosia chu la bawl tau ah, la kiang ua thu gen tun tun malengle lei ngaisak puau ah, ka hun ko leh le lei dawnhu nuam diak puau hi, Lalpa‘n a tii;

JEREMIAH 7:30

Ka min ah kisa In chu subuak dingin, ki’dak um tak thilte a sung in a koi un; Judai gam ah mite chun ka mit mu in thil phalo tak a bawl ta’ngal un, Lalpa‘n a tii.

EZEKIEL 11:8

Chemjam la ki’chau a; ahi’n la, chemjam hun thâsak ding ka hi, Lalpa Pathian in a tii.

EZEKIEL 14:4

Ziaziakchun, a kiang un zia gual hin gen in, Lalpa‘n zia gual hin a gen hi: Israel Inkuante lak ah a lunggil ua a milimteu koidet ah, a dukdak lonau a kipalna ding ua koi zo kei ah, jawlnei kiang ah hung,

EZEKIEL 20:25

Zia lo chun, dan phalo takte leh a hintheilo’na ding uh thuguatte ka pia zaw tai.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

1 SAMUEL 8:19

Himaleh, mipite chun Samuel thugen chu a ngaisak puau ah, a kiang in, “Hilo e! ka chung ua leng ding ka nei ding uh ahi;