ISAI 66:24 - PATHIAN LEKHABU THIANGTHO (BSI)

²⁴ Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

ISAI 66:24 ပူးပေါင်းရင်းမြစ်များ

SAM 110:6

Namtin lak ah vaihawm intin, kidona phual chu mithiluang ah hi’dim in, lei chung zosia lengte luchang chu tan piak in a.

ISAI 1:28

Ahi’n, migilote leh thil hikhial te chu, hisiat khawm in um ta’n tin uh; chuleh, Lalpa ngaisaklote chu, sukchimit in um in au.

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 14:11

La lopina zosia tawh la thil githei git zosia husa tawh, Sheol ah pai lut ahi tai; thante chu la puanpha hi’ntin, than hon chu la puansil hita’n a.

ISAI 24:20

Zukham gual in lei hi a hoi dong dong in, bûkcha gual in lei hi a kilâwng hi; a bawsiatna a chung in a gik ma ma in, hung kipûk intin, thodok kit ta pua’n a.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 34:10

A sun a jan in mit ni um pua’n tin, a meikhu chu kumkhua’n jam to ta’n a. A khang a khang in kuama chên theilona’n um ta’n tin, kumtuang, kumtuang in, kuama’n vahaw ta pua’n au.

ISAI 34:3

A lak ua thâlup ah umte chu paidaw hi’ntin uh, a mithi ui gim uh kikhawdok intin, mualte chu a thisan un luan khum in a.

ISAI 48:22

“Mi nunsiate â dingin, thamuanna him him a um puai,” Lalpa chun a tii.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

ISAI 51:8

Nget in puan gual in ne zo intin, lung in samul a nêk zaw gual hiding ahi ngâl un. Himaleh, ka hukdamna chun kumtuang dai intin, ka hukdamna chun suan zosia tiang dai in a.

ISAI 65:15

La min uh chu hânsia lawkhum dingin, ka mi têlchuam kiang in nusia in la tiu in, tichun, Lalpa Pathian in hun that intin; maleh, a suakte chu vang min dang khat in ko in ah.

ISAI 66:16

Lalpa‘n a vaihawmna chu, meikuang in vai hun hawmsak ding ahi’n, mi zosia chung in a chemjam vaihawm sak ding ahi ngal a; tichun, Lalpa‘n a thâlup chu tam ma ma ding a hiu.

DANIAL 12:2

Mi tam tak leivui a la suak ta, a la ipmusate chu hung khanglo ta’n tiu in; khenkhatte kumtuang hinna chang ding leh, khenkhatte kumtuang jachakna leh mualpho’na chang ta’n au.

ZEKARIAH 14:12

Jerusalem do’tu mipi zosia chung ah gawtna Lalpa‘n a tunsak dingte chu zia gual hi hi’n a: A keng ua a din zing lai un a taksau chu muat tha’n tin, a mitkhuk sung un a mitchang uh muat ngâl intin, a kam sung ua a lei uh chule muat tha ngâl ta’n a.

MATTHAI 3:12

A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.