ISAI 66:23 - PATHIAN LEKHABU THIANGTHO (BSI)

²³ Thathak ah kipat thathak kit tiang, sabbath ni kipat a sabbath ni kit tiang in, keima ei ho dingin mi zosia hung ta’n au, Lalpa‘n a tii.

ISAI 66:23 ပူးပေါင်းရင်းမြစ်များ

2 LENGTE 4:23

Ama chun, “Bangziak ah, tu’ni chia gua la hem? Tha thak ni a hem, sabbath a hem le ahi diak pua’n,” a tia. Amanu chun, “A khawk puai,” a tia.

SAM 22:28

Chungnunna chu Lalpa â ahi’n, nam tin chung ah vaihawmpa ahi ngal a.

SAM 65:2

Aw, pauchapna ngaithapa! La kiang ah mi zosia hung tau hen.

SAM 65:3

Ka thulimlonate chup mang ah ka um lai unle, nang in ka hi’khelna zosiau ei ngaidam ding la hi.

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

ISAI 19:21

Aiguptate kiang in Lalpa chu kihiatsak ta’n a; ziaphat chuleh, Aiguptate’n Lalpa chu he ta’n tin uh, kithoina leh hâlmang thilpiak in ho ta’n tin uh, Lalpa kiang ah thutiamte bawl intiu in, a thutiam uh mualsua in au.

ISAI 19:23

Zia ni phat chuleh, Aigupta ah kipat Assuria zotna lamlian hung kithung ta’n tin, Assuriate chu Aigupta gam ah hung intiu in, Aiguptate le Assuria gam ah chia ta’n au; tichun, Aiguptate tawh Assuriate chun Pathian ho khawm ta’n au.

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

ISAI 27:13

Chuleh, zia ni phat chuleh, pengkul lian tak chu mût hita’n a. Ziaphat chuleh, Assuria gam ah matsua ah umte leh, Aigupta gam ah nawmang ah um zosia chu hung khawm in, Jerusalem ah tâng Thiangtho ah chun Lalpa hung ho ta’n au.

ISAI 49:7

Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

EZEKIEL 20:40

Ka tâng thiangtho, Israel tângsip ah chun Israel mipi zosia’n, zia gam ah chun ka na sêm ding ahi ngal un; zia mun ah chun amau pom ta’ng ka tin, la thawlawmteu leh la thilpiak lûl takteu chu, la thilzek thiangthoteu tawh a la dawi ta’ng ka, Lalpa Pathian in a tii.

EZEKIEL 45:17

Israel Inkuante â ding ah nibîk zosia, kût nite, tha thak nite, sabbath nite ah hâlmang thillat ding, thâi thillat ding, dawnchi thillat ding zosia chu, vaihawm lengpa mawpuakna ahi. Ama’n a gitlo thoina ding, thâi thillat ding, hâlmang thillat ding leh kichamna thillat ding zosia tuak in, Israel Inkuante zosia kitatna a bawl ding ahi.

EZEKIEL 46:1

Lalpa Pathian in zia gual hin a gen hi: Indan sungnung lûtna kotkhak, sualam nga chu nasepna hun ni guk sung khâk hi’ntin, sabbath ni tawh thathak ni bep leh hon sek ding ahi.

EZEKIEL 46:6

Tha thak ni si’n leh bawngchal tuai pakhat, belamno paguk tawh, belamchal pakhat, demna bei ngen a lat ding ahi.

ZEKARIAH 14:14

Judah inle Jerusalem ah chun gâldo ta’n a. Tichun, a kîmvêl ah nam zosiate sum leh pâi, sanate, dangka thikte, sil leh chênte chu tam tak la khawm ta’n au.

ZEKARIAH 14:16

Ziaphat chuleh, Jerusalem hun do namtin lak ah hing leh dam nalai sunte chu kumsin ah Bawkcha Kût mang ding leh Lalpen, sepai honte Lalpa chibai bûk dingin chia to zing ta’n au.

ZEKARIAH 14:18

Aigupta gam mite lak ah kua Inkuan le a chia to lo a um chun, Bawkcha Kût mang ding ah chia lo namte, Lalpa gawtna hipi chu a chung un tung ding ahi.

ZEKARIAH 14:19

Zia gual ah chun Aigupta gam ah mite leh Bawkcha Kût mang ding ah chia to lo zosia chung ah gawtna chu hi’n a.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

JOHAN 4:23

Ahi’n, a hun tung ding ahi tai, tu’hin le a tung ma ahi tai, zia hun tak chuleh Pathian be tak takte chun, Pa chu Thagau leh thutak in ho ding a hiu; Pa’n zia tawhbang mi chu ama ho dingin a hawl hi.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.