ISAI 66:22 - PATHIAN LEKHABU THIANGTHO (BSI)

²² Tichun, lei thak leh van thak, ka siam dingte chu ka ma-âng ah, umzing ta ding a hiziak un; zia gual ma chun, la suan leh pâkte leh, la min chule umden ta’n a, Lalpa‘n a tii.

ISAI 66:22 ပူးပေါင်းရင်းမြစ်များ

ISAI 48:19

la hin la choite chu piaunêl gual ah tam in, la suan leh pâkte chule suangchang jat hita’n au; a min uh thaimang in um ngai pua’n tin, ka ma-âng ah kipat hi’mangthai in, umlo ding hive’n.

ISAI 51:16

Ka thute chu la kam ah ka koi ta’n; chuleh, ka khut lîm ah chun ka hun sêlgu tai. Vante khi ka kaipal ah, khawvel kingaknate hi ka lem in, chuleh, Zion kiang in, “Ka mipite la hiu,” ka ti tai.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

ISAI 56:5

Ka Insung, ka bâng in a ûm kîmvêlna sung ma ma hin, chapate leh chanute sâng ah phazaw, amau hetzingna ding pia’ng ka; kumtuang ah a min ding uh pia’ng ka tin, tichun, bangmatik in pai thâk hita pua’n a.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

ISAI 61:8

Keima Lalpa hin vaihawmna dik ka ngaina ngal ah, a gûk ah kilâk piak leh, vaihawmna diklo chu ka huat lam tak ahi; a sep dan uh tawh kiphu tawk tak in, thuk ing ka tin, amau tawh ka kikâl un, kumtuang thuthung siam ding ka hi.

ISAI 61:9

A tu leh chateu chu, namtin lak ah minthang tak in um intiu in, a suan leh pâkteu chu, mi tin lak ah challang tak hung hita’n au; amau mu kha zosia chun, ziate hi Lalpa maljawlna dongte kha a hiu, ti he ziang thei in au.

ISAI 65:17

Ngaitia, van thak leh lei thakte chu ka siam in, thil masate chu het zing hita pua’n tin, ngaituana’nle lut ta pua’n a.

ISAI 65:22

Midangte chênna ding bep in Insa ta pua’n au; midangte nêk ding bep in thâi chîng ta pua’n au; ka mipite dam kum chu thing dam chan hita’n a; tichun, ka mi têlchuamte chun a khut sepgimna man uh, sawt tak tak chên ta ding ahi ngal un.

ISAI 65:23

A thawn in sêmgim pua’n tiu in, a chateu chule buaipi ding bep in piang pua’n au; amau leh a chateu chu Lalpa maljawlna chate, hita ding ahi ngal un.

JEREMIAH 33:20

Zia gual hin Lalpa‘n a hun gen kit a: La lak ua kua’nle sun leh jan ah ka thuthung bawl la bawsiat khâk ua, zia sun leh jan chu a hun dung zui ah a hung um theilo chun;

JEREMIAH 33:21

zia gual ma chun, ka suak David kiang ah ka thuthung le bawsiat hita’n a; tichun, a lal chutpha kichu ding chapa nei pua’n tin; chuleh, ka nasêmtu Levite kiang ah ka thuthung chule bawsiat hi ta’n a.

ZEPHANIAH 3:20

Ka hun lak khawm phat leh In lam ah hun pui tung ta’ng ka; lei chung ah mi zosia lakah chawihoi leh, minthang ah ka hun bawl ding ziakin la mit mu ngei un, la saltânnau ah kipat ka hun tundin kit tak leh, Lalpa‘n a tii.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

2 PETER 3:13

Himaleh, a thutiam gual in van thak leh lei thak, a sung ah dikna um chu I ngâk zing ui.

THUPUAN 21:1

Van thak leh lei thak ka mu’n; van masa leh lei masa kha a bei tau a; tuisuagiat le a um ta puai.