ISAI 66:18 - PATHIAN LEKHABU THIANGTHO (BSI)

¹⁸ A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

ISAI 66:18 ပူးပေါင်းရင်းမြစ်များ

JOB LEKHABU 42:2

Bangkim la bawlthei hi ti ka hia’i, la thilbawl guat taphot chu, a dâl thei bangma a um puai.

SAM 139:2

Nang in ka chut leh ka din la hia’n; gamla tak ah kipat in ka ngaituanate la hia’i.

SAM 67:2

la lampi chu lei chung zosia het hi hen la, la hukdamna thilhitheina chule, namtin lak ah het a hi’theina dingin.

SAM 72:11

Leng zosia a ma’n hung khiangkho uh hen la; nam zosia’n a na hung sêm uh hen.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

SAM 82:8

Aw Pathian, hung kipan inla, leilung vai hung hawm tiam in; namtin hi nang â ahi ngal un!

SAM 86:9

Aw Lalpa, la siamsa nam dang zosia chu, hung intiu in, la ma’n hung kûn intiu in, la min hun chawihoi ta’n au.

SAM 94:11

Lalpa‘n mihing ngaituanate hi bangmalo mai mai ahi, ti a he ma ma ngal a.

SAM 97:6

Vante khin a dikna a puangjak ui; tichun, mi zosia’n a lopina a mu tau hi.

ISAI 11:9

Ka tâng thiangtho ah chun, kuama a kisusia leh kihi’na um ta pua’n a; tui in tuisuagiat a chup gual hin, lei chu Lalpa hetna’n hung dim ding ahi ta’ngal a.

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

ISAI 37:28

La din, la chut, la kuan leh la tun, ka chung ah la lungnat dante chu, ka he sik sek hi.

ISAI 40:5

Ziaphat chuleh, Lalpa lopina chu hung kilang ta’n tin, mi zosia’n zia chu hun mu chiat ta’n au, ti’n Lalpa kam in a la gen ta’ngal a.

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 55:8

Ka ngaituanate hi la ngaituanateu tawh a kibang pua’n, ka lampite chule nang uh lampite gual ahi puai, Lalpa‘n a ti’ngal a.

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

ISAI 59:7

A keng uh thil phalo bawl dingin a chan-gang un, bangma bawlselote thisan sua dingin a kinaw he huu ah; a ngaituanau zosia chu khawlona ngen ahi’n, manthaina leh suksiatna chu a lampiu ahi.

ISAI 65:2

Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

ISAI 66:10

Nanghaw, Jerusalem ngainate haw, kipakpi unla, ama ziakin lim tau in; ama a la sûnte haw, lim tak in kipakpi tau in;

JEREMIAH 16:17

Ka mit in a um dan zosiau a mu suak ah, ka mu lona ding ah sêl mang thei ahi puau ah, a khawlonateu chule ka mulo ding ah sêlgûk thei a hipaw ngal a.

JEREMIAH 3:17

Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

EZEKIEL 38:10

Lalpa Pathian in zia gual hin a gen hi: Zia ni chuleh, thil phalo hun ngaitua inla tin, phalo tak ah bawl ding dan hun guanggal ding la hi.

EZEKIEL 39:21

Chun, ka lopina namtin lak ah tâklang kit ta’ng ka; tichun, nam zosia’n a chung ua ka vaihawm dan leh, a chung ua ka khut ka thâk dan zosia chu mu ta’n au.

JOEL 3:2

nam zosia Jehoshaphat phâijawl ah pui khawm ing ka tin; ka go leh ka mipi Israelte, namtin lakah a la the’chek ziak un a chung un vaihawm ding ka hi. Ka gam chu a la kihawm jak tau in,

AMOS 5:12

La bawsiatnau a tam dan, la gitlonau a nasat dante, mi diktatte la sugenthei un, golgûkna la lau ah, vaihawmna kotkhak bul in mi tasamte la sawndok ui, ti ka he ngal a.

ZEKARIAH 14:16

Ziaphat chuleh, Jerusalem hun do namtin lak ah hing leh dam nalai sunte chu kumsin ah Bawkcha Kût mang ding leh Lalpen, sepai honte Lalpa chibai bûk dingin chia to zing ta’n au.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MATTHAI 12:25

Jesu’n a lungthim ua a ngaituateu chu a hia’n, a kiang un, Kua gam hilehle a kikhen ua leh siatna a tung sek hi; kua khua hi’n, kua Insung hilehle a kikhen ua leh dingdok ngai pua’n a.

MATTHAI 9:4

Jesu’n a ngaitua nau chu a het phat in, “Bangatia, la lungthim ua thil gilo ngaitua la hiu em?

LUKA 5:22

Himaleh, Jesu’n a lungthim ua a ngaituau chu a het phat in a kiang un, “Bang ding ah zia gual lungthim chu nei la hiu em?

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

JOHAN 5:42

Himaleh, nangmau ah Pathian hepina a um puai, ti ka hia’i.

ROMTE 16:26

ahi’n la, tu’hun ah hung kipuangdok leh kumtuang Pathian thupiak dungzui ah, jawlneite’n lekha zik mang ah, ginna thuzopna um dawsak theina ding a ti, Jentelte kiang ah hiatsak ah um, a hun hi’hat thei Pathian–

1 KORINTH 3:20

Chuleh, “Lalpa‘n mipilte ngaituana chu bangmalo ahi ti a hia’i,” ti zik gual in.

DAN LEKHABU 31:21

Buaina huaisia tak a chung ua a hung tun phat leh, zia La hi a hetdawsaktu hung hita’n ah; a suanteu kam ah kipat hetmil ziang thei hilo ding ahiziak in. Tu’hun ziang ah hinle, ka tiamna gam ah ka puilût masang ziang hinle, a ngaitua danteu chu ka hiatsa him ahi ngâl ah,” a tia.

HEBRAITE 4:12

Pathian thu hi a hing ah, thil ahi’thei ah, chemjam hiamtua zosia sâng inle a hiam zaw’n, hinna leh thagau, gutua leh theng kikhen khop hial ah sun thei ahi; lungthim ah ngaitua leh tupte chu a hethei ngal ahi.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 2:13

La thil hi zosia leh la chênna munte, chuleh, Setan chutpha umna natiang ka hia’i; ka min chu det tak in la vop zing a, Antipas hun lai ah ka palai ginum, Setan chênna la lak ua a tha lai khan le, keima lei ginna chu la haisan diak puai.

THUPUAN 2:2

La nasep dante, la sepgim dante, la thok gunchu dante, migilo haw la la ngai theilo dante kha ka hia’i. Sawlchâk hilo pi ah ka hi kitite la la patep ah, juauthei a hiu ti la he tai.

THUPUAN 2:9

La thil hi dante, la genthei dante leh la vaichâk dante (ahi’n la, la hausa nai) ka hun hia’i; Juda mi hilo ah ka hi hung kitite, Setan kikhopna In hizaw te hun gensiatna chule ka hia’i.