ISAI 66:16 - PATHIAN LEKHABU THIANGTHO (BSI)

¹⁶ Lalpa‘n a vaihawmna chu, meikuang in vai hun hawmsak ding ahi’n, mi zosia chung in a chemjam vaihawm sak ding ahi ngal a; tichun, Lalpa‘n a thâlup chu tam ma ma ding a hiu.

ISAI 66:16 ပူးပေါင်းရင်းမြစ်များ

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 27:1

Zia ni phat chuleh, Lalpa chun a chemjam hiam tak, thupi tak leh hat tak chu mang in, gulpi lengthei Leviathan gulpi kikual ngiau nguau chu hun gawt intin; chuleh, tuisuagiat ah dragon chu hun that in a.

ISAI 3:13

Thupi gen dingin Lalpa a kipan tai; a mipite chung thu tan dingin a dingdok hi.

ISAI 30:30

Ziaphat chuleh, Lalpa chun lungna tak in mi kângtum thei meikuang tawh, têk leh van-gi tawh gial kithua in hung intin; a aw lopi tak chu het in um in tin; mu dingin a khutbân hun vai suk ding ahi.

ISAI 31:8

“Ziaphat chuleh, Assuriate chu mihing chemjam hilo, chemjam in thi’n au; mihing chemjam hilo, chemjam in ne zo in a; chuleh, chemjam ah kipat tai mang in, a tangvalteu chu midangte suak in pang ta’n au.

ISAI 34:2

Lalpa chu namtin chung in a lungna ta’n, a sepai hon zosia chung in a thangtawmna a kuangjak tai; siatna tuak dingin a tiam ta’n, thâgam dingin a pedok ta’ngal a.

ISAI 65:12

chemjam ah thâgam dingin hun khêk ing ka tin, thâlup dingin hung khûn chiat in la tiu in; ka hun ko leh lei ngaisak lo ziak uh leh, ka hun ho leh lei limsak tâk lo ziak un, ka mit mu ah thil phalo la bawl un, ka thil kipakpi lou lam tak la têl zaw tau hi, ti in.

JEREMIAH 25:31

Lalpa‘n nam tinte chung ah lung damlo na a nei ziakin, a kiko husa chun lei kil zosia thawng pha hial in a; mitin chung ah vaihawm di’n a kisa’n, thiamlo chang taphot chu, chemjam in that in a, Lalpa‘n a tii.

JEREMIAH 25:33

Zia ni Lalpa‘n a thalupte chun lei mong langkhat ah kipat a tawp lam tiang lua in au. Sûn lo, chomkhawm lo leh vui lo in um in tiu in, mun tin ah êk denchek bang ta’n au.

JEREMIAH 45:5

Nang in, nang â ding ah thil thupi tak hawl la hi em? Zia gual chu hawldâ mai in; mi zosia chung ah siatna hun tun ding ka hi’ngal a, Lalpa‘n a tii; himaleh, mun tin ah la chiana taphot ah, nangma â ding ah la phatna dingin la hinna hun pia’ng ka,” ti in a gen tai.

JEREMIAH 46:15

Bang ding ah la pathian uh Apis jamsia a hem? Bang ding ah la bawngchal pathian uh, pang zo talo a hem? Lalpa‘n a vok pâi ziak ahi.

EZEKIEL 28:18

La nunsiatna a tam bêk ziak leh, la kiveidan a diklo ziakin, la mun thiangthote la subuak tai. Chutichun, la sung in mei ka hun sêm ah, a hun hâltum tai; nang hun mu zosiate mit mu in, lei tual ah vut la suak tai.

EZEKIEL 38:17

Lalpa Pathian in zia gual hin a gen ah: Masang lai ah ka suak, Israel jawlneite’n a la gen uh, tu’nung leh amau hun do ding ah ka pui ding, a la titeu chu nang uh la hiu em?

EZEKIEL 5:15

Chuleh, lungna leh thangtawm tak ah la chung ua vai ka hawm ah, hachangthak tak ah ka hun gawt phat leh, la kîmvêl ua nam dangte nuizatbûk leh engho, dipchâk um leh kihilna’n hun mang ta’n au, ti’n, Keima, Lalpa hin ka gen ahi; a tia.

JOEL 3:2

nam zosia Jehoshaphat phâijawl ah pui khawm ing ka tin; ka go leh ka mipi Israelte, namtin lakah a la the’chek ziak un a chung un vaihawm ding ka hi. Ka gam chu a la kihawm jak tau in,

AMOS 7:4

Zia hi Lalpa Pathian in ei etsak chu ahi: Lalpa Pathian in mei a ko ah, zia mei chun tuisuagiat leh gam chu a kâng tum tai.

NAHUM 3:15

Zia tak ah chun mei in kâng tum intin, chemjam in hun sâttan in a. Khaubepi nêk zaw gual in hun ne zo in a. Khaubepi leh khauphâk gual ah, tam in kisupung un.

NAHUM 3:3

Sakol naw’na husa, chemjam te zawt zawt tawh, cheicha val lik lek kivai tawl te, mithiluang kizam lem lum leh kisia vûm te, mithiluang kil tin ah um, simsên lo mithiluang ah kipalpâi theina hial chu!

ZEKARIAH 14:5

Chun, Lalpa tâng kikâl ah phâizawl ah chun tai mang inla, zia tâng kikâl ah phâizawl chun Azal tiang tung in a; tichun, Judai gam ah Lengpa Uzziah dam lai ah linlîng ziak ah la jamsiat gual uh khan jam ta’n lau. Tichun, Lalpa ka Pathian chu a mithiangtho zosia tawh hung ta’n a.