ISAI 66:15 - PATHIAN LEKHABU THIANGTHO (BSI)

¹⁵ Ngai tiam u, a lungnatna chule hachangthak tak in, meikuang sunkhum gual ah vauhil dingin, Lalpa chu meikuang ah hung intin, a sakol kângtalaite chule, thigawpi gual hi’n a.

ISAI 66:15 ပူးပေါင်းရင်းမြစ်များ

SAM 11:6

Mi nunsiate chung in mei leh kât zuksak intin; mi kâng keugawp thei hui lum chu amau chantum hita’n a.

SAM 18:9

Ama’n vante kûnsak in, a hung kum suk ta’n; a keng nuai ah chun thimna sâ tak a um hi.

SAM 21:9

La hung kilat phat leh amau chu, hâltuina meipi gual in hâl kuang ding la hi. Lalpa‘n a lungnatna’n val zo intin, mei chun kâng tum ding ahi.

SAM 50:3

I Pathian uh a hung in, thipbek in a um puai; a ma lam in kâkmang mei leh, a kîmvêl ah huipi nasa tak a hâng hi.

SAM 68:17

Pathian kângtalai chu a sîng ah sîng, a sâng ah sâng ah tam ahi; Lalpa chu Sinai tâng ah kipat in, a mun thiangtho in a hung hi.

SAM 97:3

A malam in meipi a chia in, a kîmvêl ah a mêlmate zosia a kâng tum malam pek hi.

ISAI 10:17

Israelte Vâk chu mei gual hung hi’ntin; a Mithiangtho uh chule meikuang gual hung hi’n a; tichun, a ling leh a khauguite chu, ni khat sung in hun kâng tum ta’n a.

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 30:30

Ziaphat chuleh, Lalpa chun lungna tak in mi kângtum thei meikuang tawh, têk leh van-gi tawh gial kithua in hung intin; a aw lopi tak chu het in um in tin; mu dingin a khutbân hun vai suk ding ahi.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

ISAI 31:9

A kulpi detdo takteu chu, tizat umna ziakin chim intin; sepai hotute’n le a panmunteu chu, lauthawng tak in nusia ta’n au,” ti’n, Zion ah meikuang leh, Jerusalem ah tummeipi Lalpa chun, a gen ta’ngal a.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

ISAI 5:28

a thalchangteu a hiam in, a thalpiteu chu puaikonsa um in, a sakol tinteu chu meisuang a bang in, a kângtalai kengteu chule chîmpei gual hi’n a.

ISAI 51:20

La chate a basam zo tau ah, sazukchal lênthâng ah awk thachau gual in, khawlai kotzing tin ah a kitâl tek tuk tau hi; Lalpa lungnatna huitung tak tuak in, la Pathian vauna awsia pua a hiu.

JEREMIAH 25:37

Lalpa lungnatna huaisia tak ziakin, huang nuam tak te chule suksiat ahi tai.

JEREMIAH 4:13

En un! Sûmpi gual in a hung kuandok hi, a sakol kângtalaiteu chule chîmpei a bang hi; a sakolteu chule mupi sâng in, a chan-gang zaw’n, I chung uh a gik na e! Suksiat I hi ta’ngal un.

JEREMIAH 4:3

Judai gam ah mipite leh, Jerusalem khua chêng zosiate kiang in, Lalpa‘n zia gual hin thu a gen ngal a: La pâmtûl lei uh chu khên nawn unla, ling lak in thâichi chîng kiu in.

JEREMIAH 46:15

Bang ding ah la pathian uh Apis jamsia a hem? Bang ding ah la bawngchal pathian uh, pang zo talo a hem? Lalpa‘n a vok pâi ziak ahi.

EZEKIEL 38:17

Lalpa Pathian in zia gual hin a gen ah: Masang lai ah ka suak, Israel jawlneite’n a la gen uh, tu’nung leh amau hun do ding ah ka pui ding, a la titeu chu nang uh la hiu em?

EZEKIEL 5:15

Chuleh, lungna leh thangtawm tak ah la chung ua vai ka hawm ah, hachangthak tak ah ka hun gawt phat leh, la kîmvêl ua nam dangte nuizatbûk leh engho, dipchâk um leh kihilna’n hun mang ta’n au, ti’n, Keima, Lalpa hin ka gen ahi; a tia.

DANIAL 11:40

Hun tawp ding phat leh, simlam chun ama hun do ta’n a. Himaleh, mallam chun a kângtalaite, a sakolte leh a longte mang in chîmpei gual in ama do dingin kuandok ta’n a. Gam tin zo in, tuisânglet gual in paltheng pek ta’n a.

DANIAL 7:10

A ma-âng ah kipat in mei a hung pawtdok in; a sâng ah mun sâng tam takte’n a na a sep piak un, a kiang in a sîng ah mun sîng tam takte a ding kîmvêl ui. Thutanna hun a pan un, lekhabute a phêt tau a.

HOSEA 8:7

Hui a tû ziak un chîmpei ât ding a hiu. Buvui in ga a sua pua’n, nêk ding piang pua’n a; ga sua ta mawng leh le, gam dang mite’n ne zo in au.

AMOS 7:4

Zia hi Lalpa Pathian in ei etsak chu ahi: Lalpa Pathian in mei a ko ah, zia mei chun tuisuagiat leh gam chu a kâng tum tai.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

HABAKKUK 3:8

Aw Lalpa, luite chun a hun hi’thangtawm la hem? La sakol chung ah chuang ah, la sakol kângtalai gâl zo ding ah la chuan lai ah khan, luite chung ah lungna la hem, ahiloleh, tuisuagiat chung ah lungna la hi tam?

ZEKARIAH 6:1

Chun, ka et to kit leh, tâng pani kikâl ah sakol kângtalai pali hung kitawldok ka mu’n; zia tângte ni chu sum-eng ngen a hiu a.

MATTHAI 22:7

Zia thu chu lengpa’n a la het phat in a lungna ma ma ah; a sepaite a sawl ah, zia mithatte chu a vasuchimit tau ah, a khuau le a hâltum piak tau hi.

DAN LEKHABU 28:20

La thilbawlteu a phatlo ziak leh keima lei kiheisan tâk ziak un, hisiat dim dem la hiu ah, kin tak ah sukmanthai la hung hi masang un Lalpa‘n la chung un siatna, buaina leh la thilbawl guatnau taphot ah beidonnate la chung un hun tunsak ding ahi.

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.