ISAI 66:14 - PATHIAN LEKHABU THIANGTHO (BSI)

¹⁴ Hun mu ta’n la tin, tichun, la lungthim chu kipak ma ma ta’n a; la gûte chu hampa gual in haldok kit ta’n a; Lalpa khut in a suakte a umpi zing hi ti het hi’ntin, a lungdam lona chu a mêlmate chung in tung ta’n a.

ISAI 66:14 ပူးပေါင်းရင်းမြစ်များ

EZRA 7:9

A tha khatna a ni khat ni chun Babulon in a kipandok ua; a Pathian doisakna a chan ziak un, a tha ngana, a ni khatna chun Jerusalem a hung tung tau a.

EZRA 8:18

Pathian doisakna ka chung ua a um ziakin, hiatthiamna fel tak nei mi Israel suan ah mi, Levi phungah Mahli chapa a min Sherabiah chu a chapate tawh a Inkuan un, mi sawm leh giat chu a hung tau a;

EZRA 8:22

Lengpa kiang in, ka Pathian uh doisakna khut chu ama hawlte zosia chungah um sek leh, ama dodâl leh nusia zosiate chungah a thilhitheina leh a lungnatna chu sek ahi ti ka la hil tâk ziak un, lam kâl ah mêlma ei hung do dingte lak ah ei vêng ding sepai hi’n, sakol chungchuang mi bang a hem jat vêl lengpa kiangah dot ding chu la ka zak a cha ta’n.

EZRA 8:31

Chutichun, Jerusalem lam ah chia dingin a tha khatna, ni sawm leh ni ni chun, Ahava ah kipat in ka kipandok kit tau a; ka Pathian doisakna khut chu ka chung un a um ziakin, mêlmate leh ei lamchânte khut ah kipat chun ei vêng bit ta ahi.

SAM 107:42

Mi diktatte’n zia chu a muu ah, a kipak sek un; migilote vang thipbek in a um tau hi.

THUPILTE 17:22

Lungthim kipakna chu damdawi pha tak ahi’n, lungthim thasia chun vang gu leh châng a hikeu hi.

THUPILTE 3:8

Chutileh, la phe leh vo â ding ah damna hi’ntin, la taksa â ding ah halthakna hung hi’n a.

ISAI 10:5

E he, Assuria chu ka lungnatna moltum, a khut ah khetbûk chu, ka hachang thakna ahi.

ISAI 13:5

Gamla tak tak, lei kil langkhat lam ah kipat hung kuan a hiu; Lalpa leh a lungnatna matchâkte chu, lei pumpi susia ding ah hung a hiu.

ISAI 26:19

La mithite chu hung hing kit intin uh, a luang damsau chu hung thodok kit in au. Aw nang uh, leivui chang zo sate haw, hung hal unla, kipak in La sa tau in! La daitui chu daichîm ahi’n, kum sawtpi a la thi tate chu, lei in hun hinsak kit in a.

ISAI 26:20

Hung un, ka mite haw, la pindan un lut unla, kot kikhak khum tau in! Lungnatna hun a bei masia, hun chomkhat vakisêl mang tau in.

ISAI 30:27

Ngai un, Lalpa thilhitheina chu a lungnatna kuang tawh, meikhu kitung luai luai kawm in gamla tak ah kipat in a hung hi; a mûkte chu lungnatna’n a dim in, a lei chu mi kângmang ziang thei mei gual ahi.

ISAI 33:20

I nunnop bawlnau khawpi Zion chu en tiam un! La mit un Jerusalem leh, a sung ah thamuang tak ah chêngte leh, chawn mang theilo ding puanbûk khat, a hênna molte bangtik ah le bawdaw lo ding leh, a khauhual tele sia ngai lo ding chu mu ding ahi ngal a.

ISAI 34:2

Lalpa chu namtin chung in a lungna ta’n, a sepai hon zosia chung in a thangtawmna a kuangjak tai; siatna tuak dingin a tiam ta’n, thâgam dingin a pedok ta’ngal a.

ISAI 35:2

thupi tak in hung lûn kit intin, kipak tak ah La sa’n lim ta’n a. Lebanon lopina chu, Karmel leh Sharon lalna chu tawh, a kiang ah piak hita’n ah. Lalpa lopina, I Pathian uh lalna chu mu ta’n au.

ISAI 41:20

tichun, mite’n zia chu Lalpa khut in a bawl ahi ti leh, Israel Mithiangtho siamdaw ahi ti a muu ah, a het ua, a ngaituau ah, a hetchian theina ding un.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

ISAI 58:11

Lalpa‘n hun pui huai zing ta’n tin, tâng gawchâk mun inle, la tâksap zosia hun tua intin, la gu leh châng zosia hihat in a. Tichun, tui in a chapno zing, huan tawhbang ta’n la tin, tuinâk pha tak, a tui kang ngai lo gual chu, hung hita’n la.

ISAI 59:18

A thilbawl uh tawh kigûn in dit kit in a; ama dodâlte chung ah lungnatna, a mêlmate chung ah thukna leh, tuikual gam zosia chule hun thuk kit in a.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

ZEKARIAH 10:7

Ziaphat chuleh, Ephraim mite chu, gâlhat tak gual ah um in, uain a dawn lai ua a lungthim uh, a kipak gual in kipak ta’n au. A chateu in zia chu mu’n, lim ma ma intiu in; Lalpa ah chun a lungthim uh kipak ma ma ta’n au.

MALAKI 3:18

Zia tak chuleh, midik leh migilo kikhiak dan leh, Pathian nasêm leh sêmlote kikhiakna mu chian ta’n lau.

JOHAN 16:22

Zia gual ah chun, tu’hin nang uh le la lungngai tadiu ahi; himaleh, nang uh hung mu kit ding ka hi, zia tak chuleh la lungthim uh kipak ta’n a; kuama’n la kipaknau chu lak piak thei talo ding ahi ngal a.

HEBRAITE 10:27

vaihawmna lau um tak leh a dote kâng ding lungnatna mei chu um zaw ta’n a.