ISAI 66:12 - PATHIAN LEKHABU THIANGTHO (BSI)

¹² Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

ISAI 66:12 ပူးပေါင်းရင်းမြစ်များ

ISAI 14:2

Chuleh, namtin a mun un hun pui khawm kit intiu in; tichun, Israel Inkuante chun Lalpa gam ah chun, namtin ah mite chu suak numei leh suak pawsal in nei ta’n au; amau sal ah a la mante kha sal in man zaw ta’n tin uh, amau a la tawdente kha hun tawden ta’n au.

ISAI 26:3

A lungthim nangma chung bep ah nga’n, nang bep hun taksangte ngei chu, thamuanna dik tak piak hi’n au.

ISAI 33:21

Ziaziakchun, lopi tak ah um Lalpa chu, mêlmate pum jap thaw leh, long thupi takte’n a haw khak lo, ei uh â ding ah luipi leh, lui lian tak umna gam lian tak hung hita’n a.

ISAI 45:14

Zia gual hin Lalpa‘n a gen a: Aigupta gam ah hausakna leh, Ethiopia gam ah sumkawlveina thil zosia, mi duangting tak tak Sabeante chule, la kiang ah hung intiu in, nang uh chang ta’n la tiu in, la nung uh hun zui ta’n au; thîkkol but kawm ah hung in, la mau ah hung khiangkho ta’n au. La kiang ua la jangainau don in, “Nang uh kiang bep hin Pathian a um in, kuama dang kiang in a um puai; ama tilo ngâl Pathian dang him him a um puai,” hun ti ta’n au.

ISAI 48:18

Ka thupiakte kha a la ngaisak hitama lechin aw! La vangphatna chu luipi luang gual leh, la lawtinna chule tuisuagiat kinawk gual in um ta’n tin;

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

ISAI 54:3

Changlam leh veilam ah, hung kikêk lian ding la hi’n, la suan leh pâkte’n namtin chung ah vaihawm in, khawpi a hawm ah nutsiasate chu, hun lua dim kit ding ahi ngal un.

ISAI 59:19

Tichun, tumlam ah mite chun, Lalpa min hun kicha ta’n tiu in, sualam ah mite chunle, a lopina hun kicha ta’n au; luicha tuilian leh Lalpa hui in a mût, gual in hung ding ahi ngal a.

ISAI 60:16

Nam tinte hausakna leh, leng leh lalte nei leh lam zosia chomgam ta’n la; zia tak chuleh, Jakob, Mihatpa, nangma hun Tanpa, la Hukdampa chu, Keima Lalpa hi ka hi ti hun he ta’n lau.

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

ISAI 66:11

a nawitui chu chêp ah, thamuanna awmtâng ah lungkim tak ah la umtheina ding un; a lopina nasa tak chu chên ah, lungdam tak ah du’tawk ah la chêp theina ding un.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

HAGGAI 2:9

Zia In lopina nunung zaw chu a masa zaw sâng in nasa zaw’n ah, ti’n sepai honte Lalpa chun a gen hi; chuleh, zia mun ah hin vangphatna hun pia ding ka hi, sepai honte Lalpa chun a tii.