ISAI 65:8 - PATHIAN LEKHABU THIANGTHO (BSI)

⁸ Lalpa‘n zia gual hin a gen ah: Grep bawk lak ah a pha khen khat a um ziakin, min, “A lak ah pha khenkhat a um ziakin, susia sik sek ziang kin?” a tiu a; tichun, zia gual chun hawi ing ka tin, a leng in hise suak ziang pua’ng ka.

ISAI 65:8 ပူးပေါင်းရင်းမြစ်များ

THILSIAM THU 18:26

Ahi’n, Lalpa chun, “Sodom khawpi sung ah midik sawmnga ka mu chun amau ziakin khawpi pumpi chu hawi mai ing ka,” a tia.

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 10:21

A thibang sunte, Jakob Inkuante lakah a thibang sunte chu, Hatchungnung Pathian lam in hung kihei kit ta’n au.

ISAI 10:22

La chipi Israelte chu tuisuagiat ah piaunêl jat ah tam himaleu, a thibang sunte bep hung kile’kit in au. A chung ua siatna tung ding ah tiamsa a hita’n, diktatna luanglêt ahi.

ISAI 48:9

Keima min ziakin ka lungnatna chu, ka tutâng tadi in, nangma ka hun paithâk lona ding in, la chung ah pâkchatna ka law khâk leh ti’n, ka kisûm tadi ahi.

ISAI 6:13

Thinghi thing a hem, gangpi thing a hem, a kiphûk nung ah le a bulsum a um gual in, a lak ua mi sawm lak ah khat ziang le, nutsia a um nâk lai chun, mei ah hâl tum hi nalai in au; chi thiangtho chu a bulsum gual in, um nalai in a,” ti in.

JEREMIAH 30:11

A hun hukdam ding ah hun umpi zing ka hi, Lalpa‘n a tii. A lak ua ka hun thejakna nam tinte chu, subei ing ka tin, nanghaw vang hun subei lo ding ka hi. A kilawm tiang bep in hun gawt ing ka tin, gawt lo ah vang hun nusia ziang lo ding ka hi.

JOEL 2:14

Lalpa la Pathian un maljawlnate ei pia’n, thâi thillat leh, dawn ding thillatte ei pia’n, a lungnatna juk kit ah, kihei kit lo mawng mawng ding ahi, ti kua a hem he thei?

MATTHAI 24:22

Zia ni chu sukchom hilo vang leh, mihing kuama a suakcha umlo ding ahi; himaleh, têlchuamte ziakin zia ni chu sukchom hiding ahi.

MARKA 13:20

Lalpa‘n zia hun chu hi’chom lo vang leh, mihing him him dam in suakcha pua’n au; himaleh, ama’n a têldawte ziakin a hun chu a sukchom ahi.