ISAI 65:7 - PATHIAN LEKHABU THIANGTHO (BSI)

⁷ amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

ISAI 65:7 ပူးပေါင်းရင်းမြစ်များ

1 LENGTE 22:43

A pa Asa lampi zosia a haw ah; zia chu pêtsan lo in, Lalpa mit mu ah thilpha a bawl hi; ahi’n la, thoimualte chu lakdaw ahi pua, mipite chun thoimualte ah chun gimtui lân in a kithawi zing nalai ui.

1 LENGTE 22:44

Jehoshaphat in Israelte lengpa tawh kichamna le a bawl hi.

2 LENGTE 12:3

Himaleh, thoimualte chu phiatnâm a hipua’n; mipite chun thoimualte ah chun kithoina leh thillatte a bawl zing nalai ui.

2 LENGTE 14:4

Himaleh, thoimualte chu phiatnâm ahi puau ah; mipite’n thoimualte ah chun kithoina leh thillatte a bawl zing nalai ui.

2 LENGTE 15:35

Himaleh, thoimualte chu sukbei in a um diak pua, tichun, mipi chu zia thoimualte chun a kithawi zing tho ua, gimtuite chu zia mun chun a hâl zing sek ui. Ama chun, Lalpa In kêlkot saknung zaw chu a hun siamdok hi.

2 LENGTE 16:4

Tichun, thoimualte, tâng chungte leh thinghing buk nuaite chun a kithawi sek ua, gimtuite le a hâl sek ui.

2 KHANGTHU 21:11

Zia bep chule hilo in, Judai tânggam ah chun thoimualte a siam ah, Jerusalem khua chêngte chu thanghuai tak in a pui chavai ah; tichun, Judai gam ah mipite chu a pui mang tai.

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

ISAI 10:12

Lalpa‘n Zion tâng leh Jerusalem chung ah a thilbawl ding cheng a bawl zaw phat leh, Assuria lengpa kisaktheina leh kiletsak takah a kilopisak ziakin hun gawt ding ka hi.

ISAI 13:11

Khawvel chu a gitlona ziakin gawt ing ka tin, mi nunsiale a thilbawl siat ziakin gawt ta’ng ka; chuleh, mihuhamte kisaktheina le hitawp ing ka tin, leng gilo leh lungpawngte chu koi niam ding ka hi.

ISAI 22:14

Sepai honte Lalpa ma ma chun, ka nakhang ah ei hun hil a: “Matheilo in, la thi masiau, la thil bawl khial uh ngaidam hita pua’n a,” ti’n sepai honte Lalpa Pathian in a gen hi.

ISAI 26:21

Zia lei chung ah chêngte bawsiatna gawt dingin, Lalpa chu a umna kipat hung pawtdok ding ahi ngal a; lei hin a chung ah thisan kisua chu hun tâklang ta’n tin, a mi tha’lupte chu sêlgu ta pua’n a.

ISAI 28:21

Lalpa chun lamdang tak ah thil a bawlna ding leh, thil lamdang takte a bawl mualsuana dingin, Perizim mual ah gual khan hung kipan intin, Gibeon guam phâi ah gual khan, hung lungna kit ding ahi. A thilbawl ah lamdang! A thil hi ah lamdang tak chu ahi’pitin theina dingin, Lalpa chu Perazim tâng ah a kipat gual khan, hung kipan kit intin; Gibeon phâijawl ah a lungnat ma ma gual ah khan, hung lungna kit ding ahi ngâl a.

ISAI 29:14

ziaziakchun, ngai un, zia mite chung ah hin, thil kidang leh mak tak, thil lamdang tak chu hun bawl nalai ding ka hi; a mi pilteu pilna chu bei ta’n tin, lem hete lem hetna chule, sêlgûk hi zo ta’n a,” ti in.

ISAI 3:11

Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

ISAI 30:13

ziaziakchun, nunsiatna chu, nang uh â dingin bâng sâng khikêk, kikêusa chimtha vang vang, hung chimtha phut ziang thei gual chu hi’n a.

ISAI 30:14

A kêk kâl chu bêlvêlte bêl kêk jak dim dem, a hal meiâm luakna ding leh, tuibêl ah tui thâlna thei le, um talo gual hiding ahi.

ISAI 57:12

La diknau leh la thil bawlteu hun tâklang ding ka hi; maleh, ziate chu phachuam pua’n a.

ISAI 57:7

Mual leh tângsâng leh lian zosia chung in, la jalkhunteu la dawu in; zia vûm tiang ah chun, kithoina lân dingin la kal to sek un.

ISAI 59:18

A thilbawl uh tawh kigûn in dit kit in a; ama dodâlte chung ah lungnatna, a mêlmate chung ah thukna leh, tuikual gam zosia chule hun thuk kit in a.

ISAI 65:6

Ngaitia, ka ma-âng in zia gual hin zik ahi: “Thipsan pua’ng ka tin, thuk kit tei ding ka hi; ahi, a pheichung un thuk kit ing ka tin,

ISAI 66:4

Ka ko phat leh kuama’n ei dawnhu puau ah, ka ho phat leh a kihiat losak sek un, keima mit mu ngei in thil phalo a bawl un, ka lemsak lo lam lam chu a bawl sek ziak un, a chung un sukgentheina hun tunsak ing ka tin, a lau pen uh a chung un tunsak ding ka hi.

JEREMIAH 13:25

Keima ei hemil in zuau thu la taksan zawk ziak un, zia chu la âi ua kia, keima ah kipat la chanvo ding ua ka guat piak chu ahi, Lalpa‘n a tii.

JEREMIAH 13:27

Gamlak tâng chung tin ah la thanghuainateu, la ângkawmnate leh la hûk hâm gite leh, ja lam helo ah la kizoknate chu, ka mu suak hi, Aw Jerusalem, la chung a gik na e! Sukthian la hi’na ding chu, bang chan hi nalai ding a hem?

JEREMIAH 16:18

A milim ki’dak um takteu luang chun ka gam a pum ah a la sukpolche tak ziak uh leh, ka gochan chule a ki’dak umnau ah a la sundim tak ziak un, a khawlonau leh a gitlonau chu a le’ni in thuk ding ka hi.

JEREMIAH 5:29

Zia thilte ziak ah hin, gawt lo ding ka hem? Zia gual thilbawl namte chu, thuk lo ah koi mai ding ka hi em? Lalpa‘n a ti ahi.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

EZEKIEL 18:6

thoimual ah sate ne lo ah, Israelte milim lam a ngat lo nâk ah, a Invêngte ji a hem, numei a buak lai ah a kihibuak lo nâk ah,

DANIAL 9:8

Aw Lalpa, la chung ah thil ka la bawlkhial tâk ziak un, kei haw leh ka lalteu, ka milian milalteu leh, ka pu leh pateu zosia chung ah mualpho’na huaisia tak a tung ta ahi.

HOSEA 11:2

Ka hâ ko po leh ei gamlat diak un; Baalte kiang in a kithawi zing un; milimte kiang in gimtui a lân zing nalai ui.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

THIAMPUTE LEKHABU 26:39

La lak ua suakcha sunte chule nangmau gitlo ziak leh, la pu la pateu gitlona ziakin la mêlmateu gam ah chun lungthim chinchai bei in um in au.

KISIMNA LEKHABU 32:14

Chuleh, tu’hin Israelte chung ah Lalpa lungnatna belap dingin, la pateu dungsûn ah nanghaw migilo haw ma ma hi la hung piang un!

LUKA 6:38

Piau in, tichun nang uh le piak in um in lau; phatchuamngai tak ah te’piak in, a sawt ah sawnchak in, a law ah lawchak in, a dimlêt hial in la ângsung ua sun piak in um ding la hiu, mi la te’piaknau ngai ma a chun nangmaule te’piak ah um ding la hiu, a tia.

1 THESSALONITE 2:16

amau chun, Jentelte kiang ah hukhin a hitheina ding ua thu gen ei khâm ui. Tichun, a gitlo te’nau a hi’dim zing un; himaleh, Pathian lungnatna chu a chung un a hung tung tai.