ISAI 65:4 - PATHIAN LEKHABU THIANGTHO (BSI)

⁴ thân ah kitungden in, thoimual tincheng ah jan khawvak vak ah umte a hiu a; voksa a neu ah, a bêl sung un thil ki’dak um tincheng, a huan khawm sek un;

ISAI 65:4 ပူးပေါင်းရင်းမြစ်များ

PAWTDAWNA THU 23:19

La gam ah ga masa doichuam bikte chu Lalpa la Pathian In sung ah la hun puak lut ding uh ahi. Kelno chu a pi nawitui in la huan lo ding ahi.

PAWTDAWNA THU 34:26

La lou ah thâiga masa pen lak ah a pha pente chu, Lalpa la Pathian In ah la hun choi ding ahi. Kêlno chu a pi nawitui ah la huan lo ding ahi, a tia.

ISAI 66:17

Huan tincheng ah lût ah, a lailung tiang tiang ah zui lut ah, voksate leh ki’dak um tak tak, santhîm sa nasan ne ah kihithiangtho ah kithianthosak ma ma te chu, sukmangthai khawm sik sek hung hita’n au, Lalpa‘n a tii.

ISAI 66:3

Bawngchal that tapo chu mihing that gual hi’ntin; belamno kithoina ding ah lân tapo chu, uicha gawl ât tan gual hi’n a; thâiga ah kithoina bawl tapo chu, vokcha thisan ah kithawi gual hi’n a; gimtui hâl ah hetzingna ding ah thilpiak lân tapo chu, milim âng ah maljawlna don gual hi’n a. Zia gual mite chun amau bawldan bep pha a sau ah, a thil ki’dak um bawl uh chu, a lungthim un thâtnop um a sau hi.

EZEKIEL 4:14

Ziaphatchun, keima’n, “Katei, Lalpa Pathian! Ka taksa ka hi’buak ngai puai; ka neu ah kipat ah sapûl leh sapêlup a hem leh sa ui him him ka ne kha puai,” ka ti tai.

THIAMPUTE LEKHABU 11:7

Vokcha hi a tin kika’n, kikâ theng ziang maleh, annêlthâi lo ahiziak in la nêk lo ding uh ahi.

ZEKARIAH 9:7

A kam ua kipat in a thisan uh leh, a ki’dak umnau a ha kâl ua kipat in lamang ing ka; amau chu I Pathian uh â ding ah a um nalai sunte hung hita’n au. Judah nam ah phung khat gual hi’n tiu in, Ekron chule Jebus mite gual hita’n au.

KISIMNA LEKHABU 19:11

Kua hitaleh, mithiluang sukha taphot chu, ni sagi sung a buak ding ahi.

MATTHAI 8:28

Gâl langkhat lam Gadarin gam chu a tun in, thitha mat pani, thân ah kipat hung pawt tawh a kituak un. A lau um ma ma ziak un zia lampi chun kuama a chia ngam puau a.

LUKA 8:27

Khawmual a kaidaw phat un, khawpi kipat thitha vop pakhat in a la lamtua ah, ama chu sawt tak puan him him sil talo, In him him ah le um talo ah thânte ah um ziang a hita’n.

DAN LEKHABU 14:21

Bang sa le a pûlthi taphot chu la nêk lo ding uh ahi; ziate chu la lak ua gam dang mite nêk dingin pia thei in la tiu in; ahiloleh, gam dang mite kiang ah zuak thei in lau. Nanghaw vang Lalpa la Pathian uh â dingin mithiangtho la hi’ngâl un. Kêlno chu a pi nawitui in huan kiu in.

DAN LEKHABU 14:3

Thil ki’dak um him him ne kiu in.

DAN LEKHABU 14:8

Chun, vokcha hi a tin kikâk ma leh, a kha thâi lo ahi ziakin, nang uh â ding ah thianglo ahi. A sa la nêk lo ding uh, a luang le la sukkhak lo ding uh ahi.

DAN LEKHABU 18:11

âisân chîngte, thitha leh dawi ho-te leh mi thisate thu dong sekte him him chu la lak un a um lo ding uh ahi.