ISAI 65:2 - PATHIAN LEKHABU THIANGTHO (BSI)

² Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

ISAI 65:2 ပူးပေါင်းရင်းမြစ်များ

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

SAM 36:4

A khum laizawl un thil phalo a suangtuau ah; thil sia bawlna lampi chu a zui un, thil phalo a haw puau hi.

SAM 36:5

Aw Lalpa, la ngilneina chun vante khi a huap in; la ginumna’n van sûm a tung hi.

THUPILTE 1:24

Ka ko le la lei dawnhu puau a, ka khut ka jak inle, kuama’n lei ngaisak puau hi,

THUPILTE 16:29

Mi thagum suang mi chun a Invêngte a til sia sek in, lam diklo in a pui kawi sek hi.

ISAI 1:2

Aw vante, hiau inla, aw lei chung, ngai in; Lalpa‘n thu a gen ta ngâl a: Chate ka hing ah, ka dontei ta’n, ahi’n, ei do in a hung pang tau hi.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 30:1

Aw naupang thukhelte haw, ka ti lo gual ah thil guanggal ah, ka lung lo lam lam ah kithukoppi ding siam ah, gitlona a thua thua ah bawlte chung chu a gik na e! Lalpa‘n a ti’n.

ISAI 30:9

Amau chu mithukhel, chapa lepchia, Lalpa hilna thu ngai nuamlote ahi ngal un.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 55:8

Ka ngaituanate hi la ngaituanateu tawh a kibang pua’n, ka lampite chule nang uh lampite gual ahi puai, Lalpa‘n a ti’ngal a.

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

ISAI 66:18

A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

ISAI 66:3

Bawngchal that tapo chu mihing that gual hi’ntin; belamno kithoina ding ah lân tapo chu, uicha gawl ât tan gual hi’n a; thâiga ah kithoina bawl tapo chu, vokcha thisan ah kithawi gual hi’n a; gimtui hâl ah hetzingna ding ah thilpiak lân tapo chu, milim âng ah maljawlna don gual hi’n a. Zia gual mite chun amau bawldan bep pha a sau ah, a thil ki’dak um bawl uh chu, a lungthim un thâtnop um a sau hi.

ISAI 66:4

Ka ko phat leh kuama’n ei dawnhu puau ah, ka ho phat leh a kihiat losak sek un, keima mit mu ngei in thil phalo a bawl un, ka lemsak lo lam lam chu a bawl sek ziak un, a chung un sukgentheina hun tunsak ing ka tin, a lau pen uh a chung un tunsak ding ka hi.

JEREMIAH 18:12

Himaleh, amau chun, “Bang dukdak ahi puai! I lungtup gual gual un um hitiu in, lu’lul tak ah I thil tup uh phalo dungzui chiat ah I um ding uh ahi,” a tiu a.

JEREMIAH 3:17

Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

JEREMIAH 5:23

Zia mite hi vang mi lu’lul leh, lungchang ah helmang a hiu; a kihei un, a kigêl mang zo tau hi.

JEREMIAH 7:24

Ahi’n la, ka thu a ngai puau a, a bil uh le a daw puau hi; zia malak sâng ah chun a ngaituanau lu’lul leh phalo tak dungzui in, amau phasak lam ngen zui in, a ma lam uh en lo in, a nung lam ngen uh a en zaw tau hi.

KISIMNA LEKHABU 15:39

Zia puanmong kihual chu la bawlphat si’n uh leh, nang uh â ding ah Lalpa‘n thu a hun piak zosia la hetdawna ding uh leh, la zui ding uh a hi’dan la hiattheina ding uh hi’ntin; tichun, la lungthim un a doidan leh la mit un a dawi dan dan chu la bawl ziang lo ding uh ahi.

MATTHAI 15:19

Lunggil sung ah kipat chun tupgûkna phalo gilonate, tualthanate, ângkawmnate, tatsualnate, gûkchâknate, zuau gennate, mi hêknate leh gensiatnate hung pawt sek ahi.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

LUKA 13:34

Aw Jerusalem, Jerusalem, jawlneite that ah, la kiang ua hun kisawlte suang ah sep sekte haw! Akpin a note a tha nuai ah a awp khum gual in, la chate tamvei tak awp khum ka nuam in; himaleh, la nuam puai!

ROMTE 10:21

Himaleh, Israel mite thu ah chun, “Thununglote leh nialhatte ziakin sun nitum in ka bân ka jak sek hi,” ti’n a la gen kit hi.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

DAN LEKHABU 29:19

Tu’ni la kitiamnau thute heta ngâl ah, a lungthim ah, “I lampiteu ah lochal tak in a la chia ta maleu hinle, a pha lam ngen in hung um jel na’n ah,” ti la um uh chun, (la lak ua mipha leh mi phalo kibang tak in la leng un manthai khawlaw mai ding la hiu.)

DAN LEKHABU 31:27

La kiphin nop dan uh leh la lochal dan uh ka he ngâl a. Tu’ni la kiang ua dam ah ka um lai ah bawn, Lalpa chung in la hel ua; ka thi’nung vang vang leh bang gual bep ah khawk in la hung hel ta bep ding awm maw!

DAN LEKHABU 9:7

Gamthip ah Lalpa la Pathian uh bang gual tuk ah a la hi’lungna la hiu em ti hezing unla; Aigupta gam ah kipat la hung pawt daw ua kipat, tu’ni zia tak mun la hung tun tiang ua Lalpa chung ah hel zing nalai la hiu hi.