ISAI 64:8 - PATHIAN LEKHABU THIANGTHO (BSI)

⁸ Himaleh, aw Lalpa, nang chu ka pau la hi tho tho hi; keihaw vang tungman mai mai ka hiu a, nang chu a bêlsêkpa la hi; ka leng un la khutsuak ka hiu hi.

ISAI 64:8 ပူးပေါင်းရင်းမြစ်များ

JOB LEKHABU 10:3

La khutsuak hi tawden in, la musit ah, mi nunsiate thil guanggal la doisak hi, la ngai ah thil kilawm a hem?

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

SAM 119:73

La khut in lei siam in, lei guanggal ta’n; la thupiakte ka ziltheina dingin, hiatthiamna ei pia’n.

SAM 138:8

Lalpa‘n kei ding ah a thiltup chu, mualsua têi intin; aw Lalpa, la ngilneina det chun kumtuang dai in a. La khut nasepte haisan kin.

SAM 74:1

Aw Pathian, bang ding ah ei pâm pai zing la hem? Bang ding ah la gantatna mun ah la belamte chung ah, la lungnatna so zing a hem?

SAM 95:6

Aw hung unla, a ma-âng ah bokkhup in ho hitiu, Lalpa ei Siampa ma ah hin khiangkho hitiu!

PAWTDAWNA THU 32:12

Bangatia a hem Aiguptate chun, ‘Siatna huaisia tak tuak dingin a puidaw, tâng ah te amau that ding leh lei chung zosia ah amau nuaimang ding leh kâk tumsak vek dingin a puidaw ahi’, a ti ding uh? La lung natna huaisia tak hi daisak inla, la mipite chung ah thil phalo bawl ding la guat chu haisan mai ta’n.

PAWTDAWNA THU 4:22

Ziaphat chuleh, Pharaoh kiang in, Lalpa chun: ‘Israel hi ka chapa upa pen chu ahi:

ISAI 19:25

sepai honte Lalpa‘n a maljawlte kiang ah chun, “Ka mipi Aiguptate, ka khutsuak Assuriate leh ka gochan Israelte chu maljawl in um tau hen,” a la ti ta’n a.

ISAI 29:16

Bangkim la le’bul zo tau in! Bêlsêkpa chu tungman gual ah ngai thei ding a hia hem? A khutsuak in a siamtu kiang in, “Nang siam ka hi puai,” a ti ngai em? Ahiloleh, bêl chun bêlsêkpa kiang in, “Bangma la hepuai,” a ti ngai em?

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 43:7

ka min ah kiko mimal tin chu, ka lopina ding ah ka siam leh, ka la bawlsa la hiu,” hun tiding ka hi.

ISAI 44:21

Aw Jakob leh Israel, zia thilte hi a la hezing un, ka suak la hi’ngal a. Nangma hi ka hun siam la hi’n, ka suak la hi; aw Israel, hun hemil him him lo ding ka hi.

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:11

Lalpa, Israel Mithiangtho leh, amau Siampa chun zia gual hin a gen hi: Ka chate chungchâng thu leh, ka bawl ding leh bawl lo ding thu in, hung kikum ding la hem?

ISAI 45:9

Nanghaw, a hun Siampa kido-pite haw, la chung uh a gik hi! Lei bêl a siampa tawh kido gual bep la hiu! Tungman chun a siampa kiang in, “Bang a hem la siam?” a ti ngai in, “La thilbawl chu a liang bei ahi,” a ti ngai em?

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 31:9

Kap kawm in hung kit intiu in, thamuan kawm pek in hun pui kit ding ka hi. Luicha tui luanna munte hawsak ing ka tin, kisui lo in lamzang tak in chia in au; Israelte â ding ah pa ka hung hi’n, Ephraim hi ka cha upa pen ahi tak ziakin, ti in.

HOSEA 1:10

Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

MALAKI 2:10

I leng un pa pakhat nei chiat I hipuau em? Pathian khat in ei siam hichiat lo I hiu em? Bang ding ah I pu leh pateu kiang ah thuthung botsia, I suapi chung ah ginum lo tak ah um chiat ziang I hiu em?

JOHAN 8:41

La pau nasep chu la sêm uh ahi hilam,” a tia. Ziaphatchun, amau chun, “Keihaw hi jaucha mai mai ka hi puau in, pa pakhat ka nei ui, Pathian ngei chu,” a tiu a.

GALATIA 3:26

Khrista Jesu gin ziakin Pathian chate la hung hi chiat tau hi.

GALATIA 3:29

Chuleh, Khrista â la hiu chun, Abraham suan, thutiam dungzui ah golua dingte chu la hitau hi.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

DAN LEKHABU 9:29

La thilhitheina lopi tak leh la ban jak ah la puidaw, la mite leh la gochante chu ahi ngâl un,” ka tia.