ISAI 64:7 - PATHIAN LEKHABU THIANGTHO (BSI)

⁷ La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.

ISAI 64:7 ပူးပေါင်းရင်းမြစ်များ

JOB LEKHABU 10:9

Nang in tungman gual in, lei siam ahi ti hezing inla, leivui ei suaksak kit mai ding la hem?

JOB LEKHABU 8:4

La chate’n a chung ah thil a hi’khial uh chun, a bawsiatnau dungzui ah gawt a hiu.

SAM 100:3

Lalpa chu Pathian ahi ti he tau in. Ama chu ei siampa ahi’n, ama â I hiu; a mite leh a gantatna mun ah a belamte chu I hiu.

SAM 14:4

Vaithum nêk gual ah ka mipite ne zo mi nunsiate chun, hetna him neilo a hiu em? Chuleh, Lalpa ko ngai lo a hiu em?

PAWTDAWNA THU 32:12

Bangatia a hem Aiguptate chun, ‘Siatna huaisia tak tuak dingin a puidaw, tâng ah te amau that ding leh lei chung zosia ah amau nuaimang ding leh kâk tumsak vek dingin a puidaw ahi’, a ti ding uh? La lung natna huaisia tak hi daisak inla, la mipite chung ah thil phalo bawl ding la guat chu haisan mai ta’n.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

ISAI 27:5

Ahiloleh, a bitna ding un, ei hung bêl vânglak ziang uh hen la; Ka kikâl un kilemna hung bawl uh hen.

ISAI 45:9

Nanghaw, a hun Siampa kido-pite haw, la chung uh a gik hi! Lei bêl a siampa tawh kido gual bep la hiu! Tungman chun a siampa kiang in, “Bang a hem la siam?” a ti ngai in, “La thilbawl chu a liang bei ahi,” a ti ngai em?

ISAI 50:2

Ka hung lai ah khan bang ding ah pakhat chale, a la umlo la hiu em? Ka hun ko lai ah khan bang ding ah, pakhat cha’nle ei dawnhu lo la hiu em? Hukdok theilo ding khop ah ka khut chu, sukchom in a um ah a hem? Ahiloleh, hukdok zo lo ding ah, thahâtna neilo ka hi em? Ka vau leh tuisuagiat le a kang mai a, luipite le gamkeu ka suaksak a; tui tâksap ziakin a sung ah sangate le, a ui veng vung un, dangchâk ziakin a thi zo tau hi.

ISAI 54:8

Ka lungnatna huaisia tak ziakin, chomkhat ka hun kisêl mangsan ah; maleh, kumtuang hepina ziakin, hun lainat zing ta’ng ka, ti’n Lalpa, nangma hun Tanpa chun a gen hi.

ISAI 56:4

Mikiget, ka cholni chang ah, ka lung lam thilte têl ah, ka thuthung tudet mite kiang ah chun, Lalpa‘n zia gual hin a gen a:

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

ISAI 59:2

La khawlonau chu Pathian tawh la kikâl ua, daidanna’n a hung pang zaw ta’n, a mêl a lia tâk ziakin a hethei talo a hizawi.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

JEREMIAH 9:7

Ziaziakchun, sepai honte Lalpa‘n zia gual hin a gen a: Tu’hin amau chu ka thît thiantho ah, ka patep lo ngal leh, zia ka mipi gilote chung ah hin, bang dang le bawl ding ka nei em?

EZEKIEL 22:30

A gam ka hi’siat lona ding ah, gam thasang ah ka ma-âng ah ding ah, a bâng siampha ding leh, a siatna mun ah pang ding a lak un mi ka hawl ah; himaleh, ka mu zo puai.

EZEKIEL 24:11

Sumbêl a hung sat ah, a khîk leh a tuiêk a kat tum ah, a bêl a val theina dingin, meihol âm chung in suang un.

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

HOSEA 7:14

A lunggil tak un ei ko puau a, a lupna chung ua thûm mai mai a hiu; a bu leh uain â ding ah amau kisuliam ahi zawu hi; ka chung in a hel zing ui.

HOSEA 7:7

Thukkhûk gual in a sa chiat un, a vaihawmteu a ne gam ui. A lengteu zosia a puk tau a, pakhat cha’nle ei ko puau hi.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MALAKI 2:10

I leng un pa pakhat nei chiat I hipuau em? Pathian khat in ei siam hichiat lo I hiu em? Bang ding ah I pu leh pateu kiang ah thuthung botsia, I suapi chung ah ginum lo tak ah um chiat ziang I hiu em?