ISAI 64:3 - PATHIAN LEKHABU THIANGTHO (BSI)

³ Ka ginchâk lo gual tak uh thil thupi tak, bawl ding ah la hung suk phat leh, la ma-âng in mualte a kithing sek ui.

ISAI 64:3 ပူးပေါင်းရင်းမြစ်များ

2 SAMUEL 7:23

La mipi Israelte tawhbang kua dang a um em? Lei chung ah kua nam le a Pathian, amau hukdok ding ah pui huai, ama min ding ah kisiam thil lopi leh tizat um takte bawl piak, amau â ding ah nam dangte leh a pathianteu nawdaw piak kua a um ah a hem?

SAM 106:22

Ham gam ah thilmak a bawlte leh, Tuipi San pang ah thil tizat um takte bawlpa ngei kha.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

SAM 66:5

Hung unla, Pathian thil bawlte hi hung en ma tiam un: mihingte chung ah a thilbawl hi a huaisia ngal a.

SAM 68:8

lei hi a kithing dul dul in, vante khin le Pathian ma’n, Sinai Pathian leh, Israelte Pathian ma ah chun gua a zuksak hi.

SAM 76:12

ama’n lengte hinna sât tan in a, lei ah lalte â dingin a lau um hi.

PAWTDAWNA THU 34:10

Ama’n a kiang in, “Ngai in, thuthung ka siam hi. Khawvel pumpi leh kua nam lak ah le kibawl kha ngai lo, la mite zosia mit mu ah hin thilmak kidang hun bawl ding ka hi; tichun, la kiang la kîm ah um zosiate hin Lalpa thilbawl chu mu’n tin uh, nang â ding ah ka thilbawl guat hi huaisia tak ahi ngal in,” a tia.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

ISAI 64:1

Aw, la mêlmate kiang ah la min tâklat ahi’n, namtin in a hun lau ua, la ma-âng ah a hung kithin theina ding un,

HABAKKUK 3:3

Teman gam ah pat in Pathian a hung in, Paran tâng ah kipat in Mithiangtho chu a hung hi. (Selah) A lopina’n vante khi a tuam in, a pâkna aw’n lei chung a dim hi.

HABAKKUK 3:6

A ding ah, lei a thing ah, a en ah, namte chu a kithing tau hi. Kumtuang tângte a kai chim in; kumtuang lampite ah chun kumtuang mual leh, tângte chu a niam tau hi.

DAN LEKHABU 10:21

Ama chu pakchau in; la mit muu ah thil kidang leh tizat um tak tak te a la bawlpa, la Pathian uh ahi ngâl a.

DAN LEKHABU 4:34

Ahiloleh, nam dangte lak ah patepnate, teptênate, thilmakte, kidona ah a khut thahât takte bânjak ah, tizat um tak ah Aiguptate khut ah kipat Lalpa la Pathian un la mit mu ngei ua, ama â ding bîk ah a hun kipui daw gual ah hin, Pathian dang, zia gual bawlthei leh bawl kha hi la he’kha ngai him him awm?