ISAI 61:7 - PATHIAN LEKHABU THIANGTHO (BSI)

⁷ A zachatna thok uh a le’ni a hiziak leh, mualphona chu a chantum uh ahi, ti ah genjak a hita’n; ziaziakchun, chantum a thua ah chang ta’n tin uh, kumtuang kipakna chu chang ta’n lau.

ISAI 61:7 ပူးပေါင်းရင်းမြစ်များ

2 LENGTE 2:9

A gâlkâi phat un, Elijah in Elisha kiang in, “La kiang ah kipat lakmang ah ka um masang in, bang hun bawl piak leng la nuam em ei gen in,” a tia. Elisha chun, “Lungsiat tak in la thagau chan a le’ni ei gosia in,” a tia.

JOB LEKHABU 42:10

Chun, Job in a gualte â ding ah a pauchap zaw phatin, Lalpa‘n Job vangphatna a pia kit ah; tichun, Job kiang in Lalpa‘n a nei masak le’ni a pia tai.

SAM 126:5

Mitthi pum ah tûte chun lim tak ah, kiko kawm in lakhawm in au.

SAM 16:11

Nang in hinna lampi lei kawk mu hi. La umna phot ah kipakna bukim a um ngal ah; la changlam khut in kumtuang kipakna a um hi.

ISAI 35:10

Tichun, Lalpa tatsate chu, hung kile’kit intiu in, La sa kawm in Zion ah hung intiu in, a luchung un kumtuang kipakna chu khuk ta’n au; kipakna leh nopna chang ta’n tiu in, lungngaina, thûm leh mauna chu lêng mang ta’n a.

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

ISAI 51:11

Tichun, Lalpa tatsate chu hung kile’kit in, La sa kawm in Zion ah hung in au; a luchung ua kumtuang kipakna khuk in, limna leh kipakna chang in, lungngaina leh lusûnna zosia bei ta’n a.

ISAI 54:4

Lau kin, mualpho lo ding la hi’ngal a; lungthuai kin, zakcha lo ding la hi’ngal a; la khangdawng lai ah la mualphona zosia kha, hun hemil ta’n la tin, la meithâina ziak ah la zachatna zosia kha, he’pha talo ding la hi’ngal a.

ISAI 60:15

Nangma chu nutsia leh huat ah um in, kuama a hun limsak um talo maleu, kumtuang ah lopi tak dingin, hun bawl ing ka tin, khang tam takte kipakna pen hung hita’n la.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

ZEPHANIAH 3:19

Ziaphat chuleh, nangma hun tawdente zosia chu sawisa’ng ka. Kengbai chu hukdok ing ka tin, pâmpai ah umte chu pui khawm ing ka tin, a jachâknau chu pakchatna’n then piak ing ka tin; chuleh, lei chung zosia ah minthanna pia’ng ka.

ZEKARIAH 8:12

Chamna thâichi chu tu’ hi’n tin; grep gui in ga sua ta’n tin, lei inle ga hun sua ta’n ah, van dâichîm inle hun chap no kit ta’n tin; tichun, a um nalai sunte chun zia zosia chu lua ta’n au.

ZEKARIAH 9:12

Aw kinepna nei ah koltângte haw, la kulpi lam uh zuan kit tau in; a le’ni in hun tung ding kit ding ka hi ti, tu’ni ma ma hin ka puang ahi.

MATTHAI 25:46

Tichun, ziate lawi chu kumtuang gawtna chun sawl ta’n tin; midikte chu vang kumtuang hinna chun lutsak ta’n au, a tia.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

DAN LEKHABU 21:17

A doi lo zawknu tawh a chapau himaleh, a chapa upa pen ahi ziakin, a nei zosia lak ah a chan uh le’ni in a chan chuang ding ahi; a cha masa pen hi’na ziakin upa hi’na chu a chang him him ding ahi.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,