ISAI 61:3 - PATHIAN LEKHABU THIANGTHO (BSI)

³ Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

ISAI 61:3 ပူးပေါင်းရင်းမြစ်များ

ESTHER 8:15

Ziaphatchun, Judate â ding ah vakna leh kipakna, limna leh choihoina a um tâk ziakin, Mordekai chu a leng puan lopi, a dum leh a vam ah kisiam sil ah, sana lallukhuk khuk kawm ah, puan malngat sandup maikhûna kithuam in, Lengpa kiang ah kipat in a pawtdok ah, Susa khawpi sung ah chun limna leh kipakna kiko git chu a dul veng vung ziang tai.

ESTHER 9:22

Judate’n a mêlmateu ah kipat a suachâtnau leh, zia tha leh nite ah hin a lungngaina pen uh a kipakna niu a hung suak ah, a kâna ni ding uh a limna niu a hung suak tâk ziakin, nêk leh châk kipiaktuana leh genthei leh tasamte kiang ah thilpiak piakna ding ah mat ding ahi, ti in.

SAM 104:15

mihing thinlung kipaksak dingin uain la pia’n, a mai taina ding sathau tawh, a thinlung suk-hatna ding vaithum le la piai.

SAM 149:4

Lalpa‘n a mite a kipakpi sek ngal a; mi kingaitawmte chu gualzawna’n a cheimawi sek hi.

SAM 23:5

Ei do-te mit mu’n lei limbawl ah, ka luchang sathau la nu’ in, ka no hin a dimlêt zing hi.

SAM 30:11

Ka pûldona chu lim ah lâmna la chansak ta’n, ka saidip puan sil ei lipthâk piak in, kipakna’n lei thuam ta ahi;

SAM 30:12

tichun, ka hinna hi thip hiat hiat lo ah, nangma a hun pâktheina dingin. Aw Lalpa ka Pathian, la chung ah kumtuang in kipak zing ta’ng ka.

SAM 45:7

dik tatna la ngaina’n, nunsiatna chu la huai. Ziaziakchun, Pathian, la Pathian chun la gualte khêl lam in, nasa tak in limna sathau a hun nu’ ta ahi;

THUGENTU 9:8

La sil leh chênte chu vam zing hen la, la luchang chule sathaunu’ ding tasam ki’hen.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 26:2

A ginnau vopdet zing mifelte chu a luttheina ding un, kul kotkhakte chu hong un.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

JEREMIAH 31:13

Ziaphat chuleh, nungakte lim tak in lâm ta’n tiu in, tichun, a têk a khang kipak ma ma ta’n au. A lusûnnau limna’n chansak in, thamuan ing ka tin, a lungngainau limna’n chansak ta’ng ka.

EZEKIEL 34:29

Nêk leh châk kiningting tak in pia’ng ka tin, a gam uh kialna’n subuai ta pua’n tin, nam dangte musit in um kit ta pua’n au.

EZEKIEL 47:7

Ka chia kit phatin, lui pang lang tuak ah thingkung tam tak ka mu ta’n.

ZEKARIAH 3:5

Ziaphatchun, keima’n: “Lukhuk thak leh thiangtho tak hun khuksak un,” ka la ti’n. Tichun, lukhuk thak leh thiangtho in a hun thuam tau a; Lalpa vansawlchâk chu a kiang in a ding zing a.

MATTHAI 15:13

Ama chun, ka Pa van ah mi phu’ lo thing taphot chu bawdaw ding ahi.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

LUKA 15:22

Ahi’n, a pa chun a suakte kiang ah, kin tak in, “Puan phapen kha hun la’n silsak un; chuleh, khutsebi busak unla, kengtawdap le hun busak un.

JOHAN 15:8

Tam tak ah la ga ziak un ka Pa chu choihoi in a um sek hi; tichun, ka nungzuite hi’n lau.

JOHAN 16:20

Titakzet in ka hil la hiu, nanghaw chu kap in, lusûn in um in lau; khawvel chu vang kipak in a; nang uh lungngai tak in um in lau; himaleh, la lungngainau chu kipakna hung chang in a.

1 KORINTH 3:9

Kei uh chu Pathian naseppi, a suakte ka hiu in, nang uh chu Pathian louma leh Pathian In chu la hiu hi.

1 KORINTH 6:20

Man piak ah chawksa la hitau hi; ziaziakchun, la taksau ah chun Pathian chawihoi tau in.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

2 THESSALONITE 1:10

a mithiangthote suklopi ah um ding leh, ka hun thu hiatsak uh gin ziak ah a gingtute zosia lamdang sak ah um ding ah a hung phat leh,

HEBRAITE 1:9

Dikna chu la ngaina hen, diklona chu la hua ahi; ziaziakchun, Pathian, la Pathian in, “Kipakna sathau chu la gualte sâng ah chungnung zaw’n a hun mu tai,”

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

1 PETER 4:14

Khrista min ziak ah vau la hiu leh mi hampha la hiu; lopina leh Pathian Thagau chu la chung un a um tai.