ISAI 61:10 - PATHIAN LEKHABU THIANGTHO (BSI)

¹⁰ Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

ISAI 61:10 ပူးပေါင်းရင်းမြစ်များ

THILSIAM THU 24:53

Chuleh, suakpa chun dangka leh sana kicheinate, puante a hun ladok ah, Rebekah a pia ngal ah; a suapipa leh a nu kiang inle kicheina manpha tak takte chu a pia’n.

2 KHANGTHU 6:41

Tu’hin, Aw Lalpa Pathian, nang leh la hatna thuthung thingkuang hi tawh, la umna mun ah kipat in hung thodok ta’n. Aw Lalpa Pathian, la thiampute chu, hukdamna puan in kithuam tau hen; la mi ginumte chu, la phatna ziakin lim tau hen!

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

JOB LEKHABU 29:14

Dikna puan in ka kithuam ah, ei cheimawi un; ka thudikna chu puanâk chual leh, dialkop in ka mang hi.

SAM 132:16

A thiamputeu chu hukdamna’n thuam ing ka tin; a mi ginumteu chu lim in kiko in au.

SAM 132:9

La thiampute dikna’n kivan uh hen la, la mi ginum chu kipak in kiko hen.

SAM 28:7

Lalpa chu ka hatna leh ka phaw ahi’n; ka lungthim in ama chu ka muang ngam ah; tichun, panpi in ka um ta’n, ka lungthimle nasa tak in a kipak ta’n, keima’n La sa’n ama pâk ing ka.

SAM 35:9

Ziaphat chuleh, ka hinna hi Lalpa chung ah kipak intin, a hukdawna ziakin kipak ta’n a.

SOLOMON LÂ 1:10

La biang chu la kicheina tawh a kilawm in, la ngawng chu sana khi tawh a kilawm ngei!

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 17:10

Nang in la hukdamna Pathian la hemil ta’n, la kisêlna Suangpi chu la he’pha ta paw’ngal a; ziaziakchun, thâichi doi um tak tak te chîng malehchin le,

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 35:10

Tichun, Lalpa tatsate chu, hung kile’kit intiu in, La sa kawm in Zion ah hung intiu in, a luchung un kumtuang kipakna chu khuk ta’n au; kipakna leh nopna chang ta’n tiu in, lungngaina, thûm leh mauna chu lêng mang ta’n a.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 48:18

Ka thupiakte kha a la ngaisak hitama lechin aw! La vangphatna chu luipi luang gual leh, la lawtinna chule tuisuagiat kinawk gual in um ta’n tin;

ISAI 49:18

Hung khawdak inla, hun en vêl tiam in; a kikai khawm un, la kiang a hung tung tau hi. Lalpa chun, “Ka hin ziakin, ziate chu kicheina’n mang in la tin, mo kicheina gual in amau chu, kivanna’n mang in la,” a tii.

ISAI 49:4

Himaleh, keima’n, “A gimthawn ka hi tai, bangmalo ding leh a thawn ding bep in, ka hatna zosia ka la mang zo tai; ahi’n la, ka chung thu chu Lalpa ah um ahi’n, ka sepgim ga chu ka Pathian kiang in a um hi,” ka la ti tai.

ISAI 51:11

Tichun, Lalpa tatsate chu hung kile’kit in, La sa kawm in Zion ah hung in au; a luchung ua kumtuang kipakna khuk in, limna leh kipakna chang in, lungngaina leh lusûnna zosia bei ta’n a.

ISAI 51:3

Lalpa‘n Zion chu thamuan ding ahi ngâl a; a mun siatna zosia chu thamuan intin, a gamthip chu huan a hem gual in, a gamkeu haw chule Lalpa huan gual in hun siam in a. Kipakna leh limna ama ah um intin, kipak thugenna leh Lasak git het hita’n a.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

ISAI 56:7

amau chu ka tâng thiangtho ah pui tung ing ka tin, ka In pauchapna In ah chun, kipak tak ah um dingin siam ing ka. A hâlmang thillatteu leh a kithoinateu chu, ka mâichâm ah pom hita’n a. Ka In chu mi zosia â ding ah pauchapna In, hung hiding ahi ngal a.

ISAI 58:14

ziaphat chuleh, Lalpa ah chun kipak in la tin, lei mun sânna cha cha chuang dingin, hun siam ing ka tin; la pubulpi Jakob gochan ah chun, hun vâkva ing ka; ti’n, Lalpa kam chun a la gen ta’ngal a.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

ISAI 65:18

Himaleh, zia ka thilsiam ziak ah chun, lim leh kipak tak in um zing un; ngai tiam in, Jerusalem chu kipakna ding leh, a sung ah chêngte le limna hiding in ka siam ahi.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

EZEKIEL 42:14

Zia mun thiangtho ah nasem thiampute chu, a huang pawlam ah a pawtnop phat uh leh, a nasepnau sil leh chênte chu zia mun ah chun koitha’n tiu in, ziate chu a zek thiangtho ahi ngal ah; mipite umna lam ah a pawt daw mau in sil leh chên dang in a kithuam diu ahi,” a ti’n.

HABAKKUK 3:18

Lalpa ah chun kipak zing ing ka tin; ka hukdamna Pathian ah chun kipak zing ing ka.

ZEKARIAH 10:7

Ziaphat chuleh, Ephraim mite chu, gâlhat tak gual ah um in, uain a dawn lai ua a lungthim uh, a kipak gual in kipak ta’n au. A chateu in zia chu mu’n, lim ma ma intiu in; Lalpa ah chun a lungthim uh kipak ma ma ta’n au.

ZEKARIAH 3:5

Ziaphatchun, keima’n: “Lukhuk thak leh thiangtho tak hun khuksak un,” ka la ti’n. Tichun, lukhuk thak leh thiangtho in a hun thuam tau a; Lalpa vansawlchâk chu a kiang in a ding zing a.

LUKA 15:22

Ahi’n, a pa chun a suakte kiang ah, kin tak in, “Puan phapen kha hun la’n silsak un; chuleh, khutsebi busak unla, kengtawdap le hun busak un.

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

ROMTE 3:22

Zia chu Pathian dikna, Jesu Khrista ginna ziak ah ama taksang tapote kiang ah suklat ah um chu ahi; kuama khenchuamna a um pawngal a;

ROMTE 5:11

Zia bep chule ahi puai, kichamna, tu’ ei musakpa I Lalpau Jesu Khrista jal ah hin, Pathian chu I suang tau ahi.

GALATIA 3:27

La lak ua Khrista ah baptisma chang tapote kha Khrista ah chun la kivan tangal un.

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

PHILIPPI 4:4

Lalpa ah chun kipak un; ti kit ngen ing ka kipak un.

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

THUPUAN 21:2

Khawpi thiangtho Jerusalem thak chu, monu a pawsal â ding ah kichei gual ah siam tupsa, van ah kipat kitawl suk ka mu’n.

THUPUAN 21:9

Chun, belbu sagi a sung ah gawtna nunung sagite ah dim chawite lak ah, vansawlchâk pakhat chu ka kiang in a hung a, “Hung tiam in, monu, Belamno ji chu etsak ing ka,” a tia.

THUPUAN 4:4

Chuleh, lalchutpha kîmvêl ah chun lalchutpha sawmni leh pali a um a; zia lalchutphate chun upa puan vâm sil sawmni leh pali chû le ka mu; a luchung ua chun sana lallukhuk a khuk chiat ua.

1 SAMUEL 2:1

Hannah in zia gualah gen in a pauchapah: Ka lunggil hi Lalpa ah chun a kipak hi; ka hatna chu ka Pathian ah choisa’n in a um tai, Ka gualzaw’na ka kipak ziakin, ka kam in ka mêlmate ka engho tai.