ISAI 61:1 - PATHIAN LEKHABU THIANGTHO (BSI)

¹ Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

ISAI 61:1 ပူးပေါင်းရင်းမြစ်များ

SAM 102:20

suangkul tângte thûmna a het ah, thi ding ah umte thâdok ding leh,

SAM 147:3

Thinlung thasete a sudam ah, a liamnateu a tuam piak hi.

SAM 149:4

Lalpa‘n a mite a kipakpi sek ngal a; mi kingaitawmte chu gualzawna’n a cheimawi sek hi.

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

SAM 22:26

Migentheite chun ne’n tiu in vâ in au; ama hawlte chun Lalpa pakcha’n au. La lungthim uh kumtuang in hing zing ta hen!

SAM 25:9

Thunuaigolte chu lam dik in a pui hen, thunuaigolte chu a lampi a hil sek hi.

SAM 34:18

Lalpa‘n lungthim ah kisik ngawi ngawite chu a nai sek in, kinepna neilote chu a hukdok hi.

SAM 45:7

dik tatna la ngaina’n, nunsiatna chu la huai. Ziaziakchun, Pathian, la Pathian chun la gualte khêl lam in, nasa tak in limna sathau a hun nu’ ta ahi;

SAM 51:17

Pathian pom tâk ah kithoina chu, gitlona kisîk hi ahi’n; aw Pathian, lunggil kingainiam leh, kisik ngawi ngawi hi musit pua’n la.

SAM 68:7

Aw Pathian, la mite ma’ la hun pui ah, gamkeu la hun hawthen lai ah khan,

SAM 69:32

Thunuaigolte chun zia chu muu hen la, kipak tau hen; nang uh Pathian hawlte haw, la lungthim uh hihal in um ta hen.

PAWTDAWNA THU 28:41

Ziate chun la u Aron tawh, a chapate chu la thuam ding ahi; chuleh, amau chu sathaunu’ inla tin, la latdaw ah, la sukthiantho ding ahi; tichun, kei â ding ah thiampu na a septheina ding un.

PAWTDAWNA THU 29:7

Tichun, sathau nu’chi hun la’n la, a luchang sunkhum in; sathau chu la nu’ ding ahi.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 30:19

Aw Jerusalem ah chêng Zion mipite haw, kap ta pua’n lau. La kâ thawm uh chu hia’n lainat intin, a het phat phat leh hun dawnhu ngal ding ahi.

ISAI 30:26

Zia bep chule hilo in, Lalpa‘n a mite liamna a tuam piak ah, a thalchang in a sukliamnate a sukdam piak phat leh, thapi vak dan chu nisa gual hung hi’ntin, nisa vakna chule a le’sagi, ni sagi a vakna kigawm gual in hung vâk ta’n a.

ISAI 32:7

Michavaite chu chavai tak ah um in, thil phalo ngen a ngaituau a; migentheite siatna ding ngaitua’n zuau a gen un, mitasamte dikna thu le a le’lam in a heimang sek ui.

ISAI 40:9

Aw Zion, chanchinpha hun tuntu, mual sâng chung ah kal to in. Aw Jerusalem ah chanchinpha hun tuntu, a ngai thei pen in kiko inla, kikodok inla, lau kin; Judai gam ah khawpite kiang in: “La Pathian uh zia hin a um hi,” ti’n hil un.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 42:7

mitthûmte mit hi’vâk piak ding, suangkul tângte hukdok ding leh, suangkul thim lak ah umte puidok dingin.

ISAI 48:16

Ei hun nai unla, zia hi he tau in! A tîl ah kipat khan a gûk in ka gen pua’n, a hung um ah kipat in ka la um tai. Chuleh, tu’hin Lalpa Pathian in, a thagau ei pia’n, ei sawl tai.

ISAI 49:9

Suangkul tângte kiang in: “Hung pawtdok un,” a ti’n; thim lak ah umte kiang in: “Hung kilangdok un,” a ti’n. Lamlian dung ah ne malam pek intiu in, tâng gawchâk zosia chu, hampa hing phatna mun hita’n a.

ISAI 52:7

Zion kiang ah, “La Pathian in vai a hawm hi,” ti ah kichamna chanchinpha gen ding ah, thangko ding ah mual leh tângte chung ah, hung kalsuante chu a mêl uh a pha na e!

ISAI 52:9

Nanghaw hisiat ah um ta Jerusalem ah umte haw, kipak ah La sa’n hung kikodok tau in; Lalpa‘n a mite a thamuan in, Jerusalem chu a hukdok kit tai.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 57:18

A chiana lampiu chu ka mu zing ah, maleh, sudam ding ka hi; amau chu kaibât in, thamuan kit ing ka tin, lusûnte chu thamuanna pia ta’ng ka.

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

JEREMIAH 34:8

Jerusalem ah mipi zosiate kiang ah zalensak ding thuthung, Lengpa Zedekiah in a bawl zaw phatin, Lalpa‘n Jeremiah kiang in thu a hun gen a;

JEREMIAH 52:33

Tichun, Jehoiakim chun a suangkul ngâkna puan chu theng in, a dam sung sia chu nisi’n in Lengpa dawkan ah chun a kiang in an a ne den tai.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

HOSEA 6:1

“Hung un, Lalpa kiang lam ah kile’kit hitiu; ei puaitel chu ama ahiziak in, ama’n ei hi’dam ding ahi, ei vaw liam maleh ei tuam piak ding ahi.

THIAMPUTE LEKHABU 7:35

Zia hi Lalpa â ding ah thiampu nasêm ding Aron leh a chate sathau nu’ a hiu ah kipat, Lalpa â ding mei ah thillat kilânte lak ah kipat a chantum ding uh chu ahi;

MIKAH 3:8

Keima ka hileh vang Jakob kiang ah a bawsiatnau, Israel kiang ah a gitlonau ka hiatsak theina dingin, Lalpa thagau ziak ah chun thilhitheinate, vaihawmnate leh hatnate ah chun ka dim zing tho hi.

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 3:16

Jesu baptisma a chan zaw ah tui lak ah kipat a hung pawt phatin, van a hung kihong a, Pathian Thagau chu vakhu gual in a hung suk ah, a chung ah hung chû a mu tai.

LUKA 7:22

Jesu’n a dawnhu a, “Chia kit unla, la thil muteu leh la thil hiatteu hi Johan kiang in vagen un: Mitthûmte’n a muthei tau hen, kengbite keng in a chia tau in; phâkte sukthiantho in a um un, bengngong te’nle a hethei tau in, mithite le kaithaw in a um un; gentheite kiang ah le chanchinpha gen ahi tai.

JOHAN 1:41

Ama chun a masa pen in a suapipa Simon a hawldok ah, a mu phât in, “Messiah ka mu tau hi,” a tia (zia chu Sathaunu’, ti’na a hi).

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

2 KORINTH 3:17

Lalpa chu zia Thagau chu ahi’n; Lalpa Thagau umna taphot in zalenna a um sek hi.

2 KORINTH 7:6

Himaleh, lungkete thamuanpa Pathian in, Tita hung ziak chun ei thamuan in,

HEBRAITE 1:9

Dikna chu la ngaina hen, diklona chu la hua ahi; ziaziakchun, Pathian, la Pathian in, “Kipakna sathau chu la gualte sâng ah chungnung zaw’n a hun mu tai,”