ISAI 60:9 - PATHIAN LEKHABU THIANGTHO (BSI)

⁹ Tuikual gam tin ah umte chu ka jai ei ngâk in, Tarshish longliante chu hung masa’n, khual gamla tak ah kipat la chate, a sana leh dangkateu tawh hun pawkhawm dingin, Keima, Israel Mithiangtho Lalpa, la Pathian uh hin, Keima ei chawihoi theina ding un, la mipiteu chu ka chawisâng ta’ngal a.

ISAI 60:9 ပူးပေါင်းရင်းမြစ်များ

THILSIAM THU 9:27

Pathian in Japheth chu hi’lian hen la, Shem puanbûk ah chun um hen la; Kanaan chu a suak in um ta hen,” a hun ti tai.

1 LENGTE 10:1

Sheba ah lengnu chun Solomon minthanna (Lalpa jal ah a minthanna) a het phat in, ama patepna ding ah dotna haksa takte tawh a hung kuan a.

1 LENGTE 10:22

Lengpa chun Tarshish long honte chu tuisuagiat ah Hiram long honte chu tawh kiton in a nei a. Tarshish long honte chun kum thum dan ah khatvei sana, dangka, saiha, guldute leh vahuangte pua’n a hung sek ui.

1 LENGTE 22:48

Jehoshaphat in Ophir ah chia ah sana vapua dingin Tarshish longlian chi gual a bawl a; himaleh, long liante chu Ezion-geber ah a siat tak ziak un a chia ta puau hi.

1 LENGTE 8:41

Zia gual ma chun, la mi Israelte lak ah hilo, gam dang mi nangma min ziak ah gamla tak ah kipat a hung phat ua leh,

SAM 48:7

sualam hui in Tarshish long liante, a mût siat gual in a um tau.

SAM 72:10

Tarshish leh thialkâl tin ah lengte chunle, leiman hun chawi uh hen la; Sheba leh Sheba lengte’n le, thilpiak hun chawi tau hen.

SAM 97:1

Lalpa chu lal ahi! Lei hi lim ta hen; tuisuagiat ah thialkâl zosia kipak tau hen!

PAWTDAWNA THU 33:19

Chuleh ama chun, “Ka phatna zosia chu la ma-âng ah hun latsak ing ka tin, Lalpa min chu la ma-âng ah puangjak jel ing ka; tichun, ka lungsiat dingte chu lungsiat ing ka tin, ka khawtua dingte chu khawtua ding ka hi.

THUPILTE 18:20

Min a kamsuak un a gilpi vâna ding a kigen daw sek un, a mûk ah thu pawt in hitai ding ahi.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 2:16

Tarshish longlian leh, a khutsuak uh mêlpha tak takte chung in, hung tung ding ahi.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

ISAI 42:10

Lalpa pâk in La thak sau inla, kawlkil langkhat lam ah kipat, a langkhat lam tiang in pâk tau in! Tuisuagiat leh a sung ah chêng zosia, tuikual gam leh a sung ah chêng zosia’n le, a awu sua chiat tau hen.

ISAI 42:4

Khawvel ah a vaihawmna a dindaw masia, chautha pua’n tin, lungthuai diak pua’n a; thialkâl gam ah mite’n a thuhilna chu a la ngak zing ui.

ISAI 43:4

Ka mit mu ah lûl tak leh, ja-um tak la hi tâk ziakin, ka hun hepi a; tichun, la thatheng ah thuak dingin, nam dangte ka pedok in, la hinna tawh kitheng dingin, nam tinte chu ka pedok ta ahi.

ISAI 43:6

mal gam kiang in, “Hun pedok un,” ti’ng ka tin; sim gam kiang inle, “Tuchak ta kiu in, gamla tak ah kipat in ka chapate chu hun pui unla, leimong lam ah kipat in, ka chanute hun pui khawm tau in,

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 49:1

Tuisuagiat pang ah mite haw, ngai unla, gamla tak ah nam tinte haw, a la ngai tiam un! Ka piandaw ma’n Lalpa‘n ei la ko ta’n, ka nu sûl ah ka um lai ah kipat in, ka min a la phuak zo tai!

ISAI 49:22

Lalpa Pathian in zia gual hin a gen hi: Nam tinte lam in ka khut lâm ing ka tin, mitin kiang ah ka tepte’na tâkdok ding ka hi; tichun, la chapateu chu hun âng pai in, la chanuteu chu hun liangkawlosot in lau.

ISAI 51:5

Kin tak in ka hukdamna hun naisak ing ka tin, ka hukdamna pawtdok in, ka khutbân in mi tinte chung ah vaihawm ding ahi; kawlkil tiang ah mite’n ei ngâk un, ka khutbân chule a kinepnau ahi.

ISAI 55:5

Ngai un, la hetngai lo namte chu hun ko in la tiu in, Lalpa la Pathian, Israelte Mithiangtho chun, a hun chawihoi tâk ziakin, nangma hun he’kha ngai lo namte chunle, hun zuan ta’n au.

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

ISAI 60:4

Hung khawdak inla en tiam in; a hung kipâ khawm un, la kiang in a hung khawm ui; la chapate chu khual gamla tak ah kipat hung intiu in, la chanute chule amau donte chun hun pai in au.

ISAI 60:6

Midian leh Ephah gam ah sangawngsau tuaidawng hon tawh, sangawngsau hon in hun tuam in au; Sheba ah chêng zosia hung in au. Sana leh begawte hun pua’n tin uh, Lalpa pâkchâtna chu hung puangjak ta’n au.

ISAI 66:12

Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

JEREMIAH 3:17

Ziaphat chuleh, Jerusalem chu Lalpa lalchutpha ti hung hita’n tin, Jerusalem ah Lalpa umna chun, nam tinte hung khawm in au; a lungthim ngaituanau phalo tak chu lochal tak in zui zing ta pua’n au.

JEREMIAH 30:19

Ziate ah kipat chun kipak thugenna leh, kichawlimna husa hung pawt in a. Mi tam tak hiding in hun hi’pung ing ka tin, tawm them hita pua’n au; ja’um tak in siam ing ka tin, musit um hita pua’n au.

EZEKIEL 39:7

Chun, ka mipi Israelte lak in ka min thiangtho hiatsak tâng ka tin; tichun, ka min thiangtho sukbuak kit sak ta pua’ng ka; ziaphat chuleh, namtin in Keima hi Lalpa, Israel Mithiangtho chu ka hi ti he ta’n au.

MIKAH 4:13

Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.

MIKAH 7:12

Zia ni chuleh, Assuria gam leh, Aigupta gam ah kipat Luipi lian tiang in, tuisuagiat gâl langkhat ah kipat, gâl langkhat lam tiang in, tâng khat ah kipat tâng dang tiang chan in, la kiang in hung ta’n au.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

ZEKARIAH 14:14

Judah inle Jerusalem ah chun gâldo ta’n a. Tichun, a kîmvêl ah nam zosiate sum leh pâi, sanate, dangka thikte, sil leh chênte chu tam tak la khawm ta’n au.

LUKA 2:32

vâk, Jentelte salvâk ding leh, la mi Israelte lopina ding chu,” a tia.

JOHAN 17:26

La min chu ka taklang ta’n, hun taklang jel ding ka hi; hepina, nang in keima lei hepina ngei chu amau ah a umtheina ding leh, amau ah keima le ka um zing theina dingin, a tia.

NASEPTE 9:15

Himaleh, Lalpa chun a kiang in, “Chia mai in; ama hi Jentelte leh lalte tawh Israel chate kiang ah ka min pawlut ding ah matchâk ding ah ka têl ahi;

GALATIA 3:26

Khrista Jesu gin ziakin Pathian chate la hung hi chiat tau hi.

GALATIA 4:26

Himaleh, pakhatnu zawk chu, chung lam Jerusalem ahi’n, suak ahi puai, zia ngei chu eihaw nu ahi.

JOSHUA 9:9

Amau chun a kiang in, “Lalpa la Pathian min ziakin, la suakte hi gamla tak ah kipat hung ka hiu; la minthan dan leh Aigupta gam ah la thilbawl zosia leh,