ISAI 60:6 - PATHIAN LEKHABU THIANGTHO (BSI)

⁶ Midian leh Ephah gam ah sangawngsau tuaidawng hon tawh, sangawngsau hon in hun tuam in au; Sheba ah chêng zosia hung in au. Sana leh begawte hun pua’n tin uh, Lalpa pâkchâtna chu hung puangjak ta’n au.

ISAI 60:6 ပူးပေါင်းရင်းမြစ်များ

THILSIAM THU 10:7

Kush suante chu: Sheba, Havilah, Sabtah, Raamah leh Sabteka a hiu a. Raamah suante chu: Sheba leh Dedan a hiu a.

THILSIAM THU 25:13

Zia hi Ishmael chate min, a pian dan dungzui ua kitian dan chu ahi: Ishmael chapa upa pen chu Nebaioth ahi’n; a bân ah Kedar, Adbeel, Mibsam,

1 LENGTE 10:2

Nungzui tam tak tawh Jerusalem khua’n a hung ah; gimtuite, sana tam tak tawh suang mantamte tawh, sangawngsau a hun puaksak a; Solomon kiang a hung tun phatin, a lunggil ah um zosia chu a dong tai.

2 LENGTE 8:9

Tichun, Hazael chun thilpiak, Damaska van chikim, sangawngsau sawmli puakkhop sêt a keng ah, ama kimupi dingin a chia tai. A lut ah, a ma-âng in, “La chapa Aram ah Lengpa Ben-hadad in, ‘Zia ka damlo’na kipat hin ka damdok kit diam? ti vadong in,’ tia ei sawl ka hi,” a tia.

1 KHANGTHU 1:33

Midian chate chu: Ephah, Epher, Hanokh, Abida leh Eldaah a hiu a, ziate zosia hi Keturah suante chu a hiu hi.

2 KHANGTHU 9:1

Sheba gam ah Lengnu chun Solomon minthan dan chu a la het phat in, Jerusalem khua hungah, ama patepna ding ah dotna haksa tak tak te dong dingin nungzui tam tak tawh, gimtuite, sana leh suang mantam, tam tak sangawngsau ah hun pua’n a hungah. Solomon kiang a hung tun phatin, a lungthimah a ngaitua zosia chu pholdok in a holimpi tai.

SAM 67:4

Namtin chu kipak uh hen la, lim in La sau hen, nang in mi tin chu dangdâk neilo in, vai la hawm piak ah, lei chung ah namtin la kaibât ziak ah hin. (Selah)

SAM 72:10

Tarshish leh thialkâl tin ah lengte chunle, leiman hun chawi uh hen la; Sheba leh Sheba lengte’n le, thilpiak hun chawi tau hen.

SAM 72:15

Dam sawt hen la, Sheba gam ah sana chu piak hi hen! Ama â dingin pauchap piak zing hi hen la, nitum in maljawlna dot piak in um zing ta hen.

ISAI 30:6

Negeb ah ganchate chung thu ah chunggikna hung tung ding chu: Lungkhamna leh lungjinna gam, sakeibakneipi leh sakeibakneichal hâm laite, gûlsia leh gûl lengtheite lak haw theng in, a nei leh lamteu sabiltungte puaksak in, a go thilteu chu sangawngsaute puaksak in, amau â ding ah phatchuamna bei mite kiang in vachia in au.

ISAI 42:10

Lalpa pâk in La thak sau inla, kawlkil langkhat lam ah kipat, a langkhat lam tiang in pâk tau in! Tuisuagiat leh a sung ah chêng zosia, tuikual gam leh a sung ah chêng zosia’n le, a awu sua chiat tau hen.

ISAI 45:14

Zia gual hin Lalpa‘n a gen a: Aigupta gam ah hausakna leh, Ethiopia gam ah sumkawlveina thil zosia, mi duangting tak tak Sabeante chule, la kiang ah hung intiu in, nang uh chang ta’n la tiu in, la nung uh hun zui ta’n au; thîkkol but kawm ah hung in, la mau ah hung khiangkho ta’n au. La kiang ua la jangainau don in, “Nang uh kiang bep hin Pathian a um in, kuama dang kiang in a um puai; ama tilo ngâl Pathian dang him him a um puai,” hun ti ta’n au.

ISAI 60:9

Tuikual gam tin ah umte chu ka jai ei ngâk in, Tarshish longliante chu hung masa’n, khual gamla tak ah kipat la chate, a sana leh dangkateu tawh hun pawkhawm dingin, Keima, Israel Mithiangtho Lalpa, la Pathian uh hin, Keima ei chawihoi theina ding un, la mipiteu chu ka chawisâng ta’ngal a.

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

EZEKIEL 27:22

Sheba leh Raamah ah kiveite chun, la thilneite tawh kithenpi ding in gimtui phapen pente, suangmantam chitinte leh sanate a hun puau hi.

ZEPHANIAH 3:10

Ethiopia gam ah lui gâl lam te tiang ah, ka mipi kithejakte’n a thil piakteu hun chawi khawm ta’n au.

ZEKARIAH 14:16

Ziaphat chuleh, Jerusalem hun do namtin lak ah hing leh dam nalai sunte chu kumsin ah Bawkcha Kût mang ding leh Lalpen, sepai honte Lalpa chibai bûk dingin chia to zing ta’n au.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MATTHAI 2:11

In sung ah a lut ua, a nu Mari tawh nausen chu a muu a; bokkhup in chibai a bûk ua, a gobawmteu hong in, kipakna thilpiak sana, begaw leh murra a piau a;

ROMTE 15:9

A jangaina ziak ah, Jentelte’n Pathian a chawihoi theina ding un. “Ziaziakchun, Jentelte lak ah chun, chawihoi ing ka tin, La min pâk in La sa’ng ka,” ti zik gual ah khan.

DAN LEKHABU 32:43

Aw vante haw leh, a mipite leh, pathian zosiate haw ama chu ho tau in! Ama’n a chate thisan phuba la ding leh, a mêlmate chung ah phuba la dingin, ama mudate dit kit in, gam chu a mite â ding ah, sukthiantho kit ding ahi ngâl a”.

PHILIPPI 2:17

Ahi, la ginnau thillat chung in Pathian â ding ah butthâk ah um ding hi lengle ka kipak hi, la leng un ka hun kipakpi hi.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

VAIHAWMTE 6:5

Amau leh a gancha honteu tawh, a puanbûkteu tawh, khaubepi hon bang hial in a hung kuan to tau a; amau leh a sangawngsauteu chu simsên ding gual ahi puau ah; a gam susia ding mawng ah hung kuan a hiu a.

VAIHAWMTE 7:12

Midiante leh Amalekte, chuleh Sualam gam ah mite zosia chu zia phâijawl ah chun khaubepi hon gual mai in a dim met mut tau a; chuleh, a sangawngsauteu tamdan chule tuisuagiat pâm ah piaunêl gual mai ah simsên ding gual ahi puau a.