ISAI 60:5 - PATHIAN LEKHABU THIANGTHO (BSI)

⁵ Ziaphat chuleh, mu’n la tin vâkdok ta’n la; la lungthim thanuam talua’n kipak intin, tuisuagiat ah hausakna leh, namtin hausakna chu la kiang ah, hun paw tung ding ahi ngal un.

ISAI 60:5 ပူးပေါင်းရင်းမြစ်များ

SAM 119:32

La thupiak lampi del ing ka tin, ka hiatthiamna lei suklet piak ta’ngal a.

SAM 34:5

Ama en unla, hung vâk tau in; tichun, zachakna mêl pu ta pua’n lau.

ISAI 23:18

A veipun leh a lawdawte chu, Lalpa kiang ah lat thiantho in hung um ta’n ah; a lawknate chu koltup in khol pua’n tin, a veipunte chun Lalpa tawh ah umte nêk ding leh sil leh chên pha tak tak kiningting tak in pia ta’n a.

ISAI 54:2

La puan In mun chu kêk lian inla, la chênna puanjakte chu jak pal in; îtcha kin la, la khauhualte chu zopbe inla, a hênnate chule khêndet in.

ISAI 60:11

La kul kotkhakteu kikhak man ta pua’n tin, a sun a jan in kikhak ta pua’n a; tichun, namtin in a hausaknau hun puak lut piak intiu in, a lengteu in ma’ hun pui in au.

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

ISAI 66:12

Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

MATTHAI 25:16

Talent nga changpa chu a kuandok ngal a, sumkawl a vavei ah, talent nga dang a vaveipung a.

NASEPTE 10:45

Zektan mi Peter hun zuite chun, Jentelte chung ah le Thagau Thiangtho butthâk ah a um chu a muu in mak a sa ma ma ziang ua;

NASEPTE 11:17

Lalpa Jesu Khrista a gin phat un, Pathian thilthawnpiak, eihaw ei piak gual kha a kiang ua a piak tâk nung ah chun, kei hin Pathian nial ding gual ka hem?” a ti’n.

NASEPTE 24:17

Tu’hin kum bang a hem jat nung in, ka chipite â ding ah thilpiak leh thillat chu pua’n ka hung a.

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.

ROMTE 15:26

Makedonia leh Akaia gam ah umte chun, Jerusalem ah mithiangtho umte lak ah a gentheite chu, a sum leh paiteu kikoppi a nuam un.

2 KORINTH 10:15

Midangte nasep gimna kisuanpi ah, a khêl a vâl ah kisuang ka hi puau hi; la ginnau a hung pun ah, la lak ua sepna ding ka gam uh a hung let jel ding chu ka kineppiu ahi;

DAN LEKHABU 33:19

Tâng ah mipi a ko khawm un, kithoina dik tak chu a pia tau a; tuisuagiat ah hausakna a lua un, piunêl ah go phûmguk a chên ui.

THUPUAN 21:24

Namtin hukdamte chu a vâk ah chun leng intiu in; lei ah lalte’n a lopinau chu som lut in au.

THUPUAN 21:26

Namte lopina leh ja’umna chu som lut hita’n a.

1 SAMUEL 2:1

Hannah in zia gualah gen in a pauchapah: Ka lunggil hi Lalpa ah chun a kipak hi; ka hatna chu ka Pathian ah choisa’n in a um tai, Ka gualzaw’na ka kipak ziakin, ka kam in ka mêlmate ka engho tai.