ISAI 60:2 - PATHIAN LEKHABU THIANGTHO (BSI)

² Lei hi thim in khû in, mipite chu thimna sâ tak chun hun tuam intin; himaleh, Lalpa vâk in hun sal in, a lopina chu la chung un hung kilang ding ahi.

ISAI 60:2 ပူးပေါင်းရင်းမြစ်များ

1 LENGTE 8:11

Lalpa In chu Lalpa lopina’n a lua dim tâk ziakin, thiampute chu sûmpi ziak ah chun nasem in a ding thei ta puau hi;

SAM 102:16

Lalpa‘n Zion chu tung ding kit intin, a lopina kithuam in hung kilang kit in a.

SAM 80:1

Aw, Israelte vengpa, belam hon gual ah Josephte puipa, la bil hun daw in! Nangma cherubte chung ah kichupa, hung vakdok inla,

ISAI 2:5

Aw Jakob Inkuan ah mite haw, hung unla, Lalpa vâk ah hin leng dial dial tai tiu!

ISAI 4:5

zia hun chuleh, Lalpa‘n Zion tâng umna mun zosia leh mipite kikhopna mun taphot chu, sûn ah sûmpi leh jan ah meikuang vâk hun siam piak in a. Lopina zosia bân ah chun vênbitna um ta’n a.

ISAI 58:10

gilkial kiang ah an la piak ua, sukgenthei ah umte tâksapna la somdawl ua leh, la vakna chu thim lak ah chun hung kilang ta’n tin, la thimna chule sûnchang lai tak gual in, hung vâk ta’n a.

ISAI 58:8

Ziaphat chuleh, la vakna jingkal phalvak gual in, hung suak intin, la natna kin tak ah sukdam hung hita’n la; la dik zia chu la ma-âng ah chia pek intin, Lalpa lopina chu la nung lam ah a hun vêngtu hita’n a.

ISAI 62:1

A dik zia sûn lai gual ah a hung vâkdaw a, a hukdamna le thaumei kuang tak gual ah a hung vak masangsia chu, Zion ziakin thip hiat hiat pua’ng ka tin, Jerusalem ziakin kichawl hiat hiat thei pua’ng ka.

ISAI 66:11

a nawitui chu chêp ah, thamuanna awmtâng ah lungkim tak ah la umtheina ding un; a lopina nasa tak chu chên ah, lungdam tak ah du’tawk ah la chêp theina ding un.

ISAI 8:22

chuleh, lei lam nga’n tiu in; himaleh, lungjinna leh thimna bep mu ding a hiu, lunggimna’n thi’n tiu in; chuleh, thimna sâ tak ah naw lut in um ta’n au.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

EZEKIEL 10:4

In mai tualjawl ah cherubte chung ah kipat chun Lalpa lopina chu a kipandok ta’n; chuleh, tempul chu meikhu’n a dim ah, a huang sung chule Lalpa lopina vâk in a dim tai.

THIAMPUTE LEKHABU 9:23

Mosi tawh Aron chu mipi kikhopna biakbûk sung ah chun a lut ua; chun, Lalpa lopina mi zosia lak in a hung kilang tai.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

KISIMNA LEKHABU 16:19

Ziaphatchun, Korah in mipi chu kikhopna puanbûk kotkhak bul in a hun ko khawm ta’n. Lalpa lopina chu mipi zosia ma âng ah chun a hung kilang ta mai a.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

MATTHAI 23:19

Bang gual bep ah muthei lo la hitau em? Thilpiak leh a thilpiak hi’thiangtho mâichâm chu khoi a thupi zaw em?

MATTHAI 23:24

Nanghaw puitu mitthumte haw! Thosi thitthiang in, sangawngsau la val ui!

JOHAN 1:1

A tîl in Thu a um a, Thu chu Pathian tawh um ahi’n, Thu chu Pathian ahi.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 8:55

ama chu helo maleu chinle, keima’n vang ama chu ka hia’i; ama chu ka hepuai ti leng, nanghaw gual tho ah zuau thei hiding ka hi; himaleh, ama chu ka hia, a thule ka jawm ahi.

NASEPTE 14:16

Ama chun malai ah khan, namtin in amau lampi chiat a hawu a phal piak in;

NASEPTE 17:23

Khawpi sung ah ka vâk vêl vêl in, la ho leh biak danteu hi ka mu ta’n, mâichâm pakhat ah chun lekha kizik, “Hetlo Pathian Kiang Ah,” kiti ka mu hen. Zia hetlo ah la biak uh chanchin chu ahi ka hun hiatsak nop.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

2 KORINTH 3:18

Ei un vang mai khu’lo in, lîmet gual in Lalpa lopina salvâk in, lopina kipat lopi zaw diak in, ama kibatpi hiding in Lalpa Thagau ah hi’danglam in I um ui.

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: