ISAI 60:18 - PATHIAN LEKHABU THIANGTHO (BSI)

¹⁸ La gam sung un thagum sua’na hetphâk hita pua’n tin, kisuksiatna leh siat kibawlna him him, la gamgi sung un hetphâk hita pua’n a; la kulbâng uh chu Hukdamna, la kul kotkhakteu chu Pakchatna hun ti ta’n lau.

ISAI 60:18 ပူးပေါင်းရင်းမြစ်များ

ISAI 26:1

Zia ni phat chuleh, Judah gam ah zia La hi sak hunghita’n a: Khawpi det tak I nei ui; gual zaw’na chu kulbâng leh khawpi ûmna gual in a siam hi.

ISAI 11:9

Ka tâng thiangtho ah chun, kuama a kisusia leh kihi’na um ta pua’n a; tui in tuisuagiat a chup gual hin, lei chu Lalpa hetna’n hung dim ding ahi ta’ngal a.

ZEKARIAH 9:8

Ziaphat chuleh, ka In ah vêngtu gual in chêngden ta’ng ka tin; tichun, kuama’n a suk a to in pal ta pua’n au; a nuaisia dingin kuama hung ta pua’n au; tu’hin vang, keima mit ngei in ka mu ta’ngâl a.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

MIKAH 4:3

Ama’n nam tam takte kikâl thu tan intin, gamla tak ah nam hat takte chung thule khen piak in a; a chemjamteu lou kaina thîk dingin sek ta’n tiu in, a cheichateu chu chemkon dingin sêk ta’n au; nam khat in nam dang khat chung ah chemjam lek ta pua’n tiu in, kido danle kizil diak ta pua’n au;

2 SAMUEL 7:10

Chuleh, ka mipi Israelte â dingin mun pakhat guat piak ing ka tin, amau chu phudet ing ka tin; amau gam ngei ah chun thamuang tak in chênsak ding ka hi; ka mipi Israelte chung ah vaihawm dingte ka guat ni’ kipat in, migilote chun tu’ma lam gual khan sugenthei kit ta pua’n tin uh;

SAM 147:14

La gam sung ah muanna a pia’n; gehu bu phapen pen in a hun hi’dim hi.

ISAI 26:2

A ginnau vopdet zing mifelte chu a luttheina ding un, kul kotkhakte chu hong un.

ISAI 51:19

Zia thil panite hi la tuak ding a um ah, kua’n a hun dâpi ta diam? Hi’gamna leh hi’siat dim dem hun ah, kialna leh chemjam lênna, kua’n a hun thamuan ta diam?

ISAI 54:14

Dikna ziakin phudet hi’n la tin; sukgentheina chu tawh kigamla ta’n la; lau him him talo ding la hi’ngal a. Tizat umna’nle hun gamlat ta’n a, la kiangnai ah le hung talo ding ahi ngal in.

ISAI 56:5

Ka Insung, ka bâng in a ûm kîmvêlna sung ma ma hin, chapate leh chanute sâng ah phazaw, amau hetzingna ding pia’ng ka; kumtuang ah a min ding uh pia’ng ka tin, tichun, bangmatik in pai thâk hita pua’n a.

ISAI 60:11

La kul kotkhakteu kikhak man ta pua’n tin, a sun a jan in kikhak ta pua’n a; tichun, namtin in a hausaknau hun puak lut piak intiu in, a lengteu in ma’ hun pui in au.

ISAI 60:17

Sum-eng thasâng ah sana, thîk thasâng ah dangka, thing thasâng ah sum-eng, suang thasâng ah thîk hun pia’ng ka. Nanghaw enkol dingin thamuanna chu, guat ing ka tin; sep leh bawl ah hun kaihuai dingin, Dikna chu hun guat piak ta’ng ka.

ISAI 61:11

Lei in thâihing a kêdawsak ah, huan ah thâichi kitû a kêdaw sak gual in, Lalpa Pathian in nam tinte ma-âng in, dikna leh choihoina chu hun kêdawsak ding ahi.

ISAI 62:4

Nangma chu, “Azubah” ti ah ko in um ta pua’n la tin, la gam uh chule, “Shemamah” ti ah gensim in um ta pua’n tin, nang uh chu, “Hephzibah” ti hizaw ta’n la tin; la gam uh chule, “Beulah” ti hita’n a; la chung ua Lalpa a lungdam tâk ziakin, la gam uh chule kichenpi kît ding ahi ngâl a.

ISAI 62:7

Jerusalem khua chu a tundin kit a, khawvel pumpi pakchat ah a siamdaw kit masang sia, nanghaw, Lalpa hezing tapote chu, kimawk chawl ziang kiu inla, ama le kichawl damsak kiu in.

ISAI 62:10

Chia theng unla, kul kotkhak ah chun chia theng un; mipite hungna ding lampi bawl tau in; vuk dim unla, lamlian chu siamphau inla, suangtumte chu zen thiang un. Namtin in a mutheina ding un, puanlap chu khaisâng un!

EZEKIEL 42:20

A sîk li’n a te’ zo ta’n. A kîmvêl bâng in a ûm ah, a dung tong za nga leh a vai tong za nga a ting ah; zia chu mun thiangtho leh mipi vantang kidaidanna’n a pang hi.

ZEPHANIAH 3:19

Ziaphat chuleh, nangma hun tawdente zosia chu sawisa’ng ka. Kengbai chu hukdok ing ka tin, pâmpai ah umte chu pui khawm ing ka tin, a jachâknau chu pakchatna’n then piak ing ka tin; chuleh, lei chung zosia ah minthanna pia’ng ka.

ZEKARIAH 2:5

Kei chu a kîmvêl ah mei kulbâng hi’ng ka tin, a lailung ah lopina chu hiding ka hi, Lalpa chun a tii,” ti hi vagen in, ei tia.

ZEKARIAH 2:9

Tu’hin en in, amau kãl in ka khut lâm ding ka hi, amau suakte ma ma simmaw in um in au; ziaphat chuleh, sepai honte Lalpa chun ei sawl ka hi ti hechian ta’n lau.