ISAI 60:16 - PATHIAN LEKHABU THIANGTHO (BSI)

¹⁶ Nam tinte hausakna leh, leng leh lalte nei leh lam zosia chomgam ta’n la; zia tak chuleh, Jakob, Mihatpa, nangma hun Tanpa, la Hukdampa chu, Keima Lalpa hi ka hi ti hun he ta’n lau.

ISAI 60:16 ပူးပေါင်းရင်းမြစ်များ

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

ISAI 1:24

Ziaziakchun, Hat Chungnung, sepai honte Lalpa, Israelte lak ah Mi Hat chun: E hei! Ka mêlmate chung ah hin, ka lungnatna buntha’ng ka tin, ka gâlte chung in phuba la mai ing ka!

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 19:20

Zia chu sepai honte Lalpa â ding ah, Aigupta gam ah tepte’na leh hiatpitu hung hi’ntin; amau sugentheite ziak ah Lalpa a hun ko phat uh leh, amau hukdok ding hun sawl piak intin, amau panpi in, hukdok in a.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 29:24

Thagau ah hi’khialte chun, hun hethiam ta’n tiu in, phunchiakte chunle, zilsakna thu pom thei ta’n au, ti in.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

ISAI 43:11

Kei, Keima hi Lalpa chu ka hi, Keima tilo ngal hukdampa dang a um puai.

ISAI 45:15

Nangma ngei chu ama leh ama kisêlgu, Pathian tak tak chu la hi; aw Israelte Pathian, Hukdampa ngei chu.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

ISAI 49:23

Lengte chu la pateu hung hita’n tiu in, lengnute chule a hun dontu la nuu hung hita’n au. La ma-âng un lei tual si hial in hung bokkhup intiu in, la kengpêk ua leivui nasan, hun liak thian piak ta’n au. Ziaphat chuleh, Keima hi Lalpa ka hi ti hun he ta’n lau; keima ei ngâkte chu mualpho ngai ngai pua’n au.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 52:6

Ziaziakchun, ka mipite’n ka min hun he ta’n tiu in; zia hun phat chuleh, a kiang ua thugen chu keima ka hi ti hun he ta’n au; keima a genpa chu zia hin ka um hi.

ISAI 59:20

Chun, Jakob Inkuan ah mi, a hi’khelnau haisante kiang ah chun, a Tan pau gual in Zion ah chun, hung ding ahi, Lalpa‘n a tii.

ISAI 60:17

Sum-eng thasâng ah sana, thîk thasâng ah dangka, thing thasâng ah sum-eng, suang thasâng ah thîk hun pia’ng ka. Nanghaw enkol dingin thamuanna chu, guat ing ka tin; sep leh bawl ah hun kaihuai dingin, Dikna chu hun guat piak ta’ng ka.

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

ISAI 63:16

Abraham in ei helo in, Israel inle ei la ngaisak lo maleh, nang chu ka Pau la hi’ngâl a. Nangma chu, Aw Lalpa, ka pau la hi’n, masanglai ah kipat him ah, ei Hukdokpa chu la min ahi.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

ISAI 66:14

Hun mu ta’n la tin, tichun, la lungthim chu kipak ma ma ta’n a; la gûte chu hampa gual in haldok kit ta’n a; Lalpa khut in a suakte a umpi zing hi ti het hi’ntin, a lungdam lona chu a mêlmate chung in tung ta’n a.

JEREMIAH 15:21

Mi nunsiate khut ah kipat hun hukdok ing ka tin, khawksak beite mat phâk lo dingin, hun hukdok ding ka hi.

EZEKIEL 34:30

Keima, Lalpa a Pathian uh hin umpi zing ka hi ti leh, Israelte Inkuan hi ka mite a hiu ti hun he ta’n au, Lalpa Pathian in a ti ahi.

THUPUAN 21:24

Namtin hukdamte chu a vâk ah chun leng intiu in; lei ah lalte’n a lopinau chu som lut in au.

THUPUAN 21:26

Namte lopina leh ja’umna chu som lut hita’n a.