ISAI 60:12 - PATHIAN LEKHABU THIANGTHO (BSI)

¹² Kua’ nam leh lenggamle nangma nasem nuam lo taphot chu, zâhuai tak ah sukmanthai in hung um in au.

ISAI 60:12 ပူးပေါင်းရင်းမြစ်များ

THILSIAM THU 27:29

Nam chuam chuamte’n la na sêm uh hen la, chi chuam chuamte’n chibai hun bûk tau hen: la suapite chung ah leng in um inla; la nu chate’n chibai hun bûk tau hen: Hânsia hun law tapo chu, hânsialaw khum in um uh hen la, maljawlna hun pe tapo chu, maljawlna piak in um tau hen,” a ti tai.

SAM 108:13

Pathian panpi’na jal in hangsan tak in do ing ka tiu in; ama chu ei do-te ei tawden piak dingpa chu ahi ngal a.

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

ISAI 14:2

Chuleh, namtin a mun un hun pui khawm kit intiu in; tichun, Israel Inkuante chun Lalpa gam ah chun, namtin ah mite chu suak numei leh suak pawsal in nei ta’n au; amau sal ah a la mante kha sal in man zaw ta’n tin uh, amau a la tawdente kha hun tawden ta’n au.

ISAI 41:11

La chung ah hachang thak zosia chu, himualpho leh hi’zachat in um in au; nangma hun dâl tapo chu, bangmalo suak in mangthai in au.

ISAI 54:15

Kua a hem khat in kinakna a hun patdaw leh le, zia chu keima ah kipat hipua’n tin; a hun kinakpi tapo chu, nangma ziakin kipûk ngal in au.

JEREMIAH 12:17

Ahi’n la, kua namle ka thu ngailo taphot chu, a zung un kaldok ing ka tin, susia ding ka hi, Lalpa‘n a tii.

DANIAL 2:34

La et zing lai in, suangtum khat, mihing khut ah kisêk hilo khat hin a kengpêk thîk leh tung kihel chu a hun sepnawn dim dem tai.

DANIAL 2:35

Chuleh, thîk tawh, tung tawh, sum-eng tawh, sanate chu a leng un nipi lai ah buphual ah busi gual mai in a buang dim dem tau ah; chuleh, hui in a hun mût mang ta’n, a um nau him himle mu ding a um ta puai. Himaleh, zia milim hun sepnawn suangtum chu mual lian tak hung suak in, lei chung pumpi a hun lua suak tai.

DANIAL 7:18

Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

ZEKARIAH 9:10

Ephraim ah kipat kângtalai leh, Jerusalem ah kipat kido’na sakol chu hi’mang in a; kidona thalngul chu hi’bong in, namtin kichamna ding thu pia’n a; a lenggam chu tuisuagiat langkhat ah kipat, langkhat lam tiang hi’ntin; Lui lian ah kipat, lei mong langkhat lam tawp tiang huap in a.

MATTHAI 21:44

Kuale zia suang chung ah kipûk chu kitat jak ding ahi; a del den khâkte vâng vâng chu del pen mai ding ahi, a tia.

LUKA 19:27

Chuleh, ka mêlmate, a chung ua ka vaihawm ding zadate kha le, zia lam ah hin hun pui un la, ka ma-âng ngei ah hin that un,’ a tia,” ti’n a gen a.