ISAI 60:1 - PATHIAN LEKHABU THIANGTHO (BSI)

¹ Hung kipan inla, hung vâk in; la vakna a hung tung ta’n, Lalpa lopina chun a hun salvâk ta’ngal a!

ISAI 60:1 ပူးပေါင်းရင်းမြစ်များ

SAM 102:16

Lalpa‘n Zion chu tung ding kit intin, a lopina kithuam in hung kilang kit in a.

SAM 87:3

Aw Pathian khawpi! Nangma ah thil lopi takte chu a gen sek ui.

ISAI 2:5

Aw Jakob Inkuan ah mite haw, hung unla, Lalpa vâk ah hin leng dial dial tai tiu!

ISAI 24:23

Zia ni phat chuleh, thapi kisel ta’n tin, nisale zakcha ta’n a; Sepaite Lalpa chun, Zion tâng leh Jerusalem ah chun, vai a hawm ding ziak leh, a mipi puitute ma-âng ah a lopina, a tâklat tâk ding ziak in.

ISAI 28:5

Zia hun chuleh, sepai honte Lalpa chu, a mipi um nalai sunte â dingin, a lopinau pâkcha khî leh, a lallukhuk uh jemna hung hita’n tin;

ISAI 35:2

thupi tak in hung lûn kit intin, kipak tak ah La sa’n lim ta’n a. Lebanon lopina chu, Karmel leh Sharon lalna chu tawh, a kiang ah piak hita’n ah. Lalpa lopina, I Pathian uh lalna chu mu ta’n au.

ISAI 4:5

zia hun chuleh, Lalpa‘n Zion tâng umna mun zosia leh mipite kikhopna mun taphot chu, sûn ah sûmpi leh jan ah meikuang vâk hun siam piak in a. Lopina zosia bân ah chun vênbitna um ta’n a.

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 58:8

Ziaphat chuleh, la vakna jingkal phalvak gual in, hung suak intin, la natna kin tak ah sukdam hung hita’n la; la dik zia chu la ma-âng ah chia pek intin, Lalpa lopina chu la nung lam ah a hun vêngtu hita’n a.

ISAI 62:1

A dik zia sûn lai gual ah a hung vâkdaw a, a hukdamna le thaumei kuang tak gual ah a hung vak masangsia chu, Zion ziakin thip hiat hiat pua’ng ka tin, Jerusalem ziakin kichawl hiat hiat thei pua’ng ka.

ISAI 62:2

Namtin in la dik zia hun mu’n tin uh, leng zosia’n le la lopina hun mu ta’n au; tichun, Lalpa‘n a hun phuak piak, min thak khat ah ko hung hita’n la.

ISAI 66:11

a nawitui chu chêp ah, thamuanna awmtâng ah lungkim tak ah la umtheina ding un; a lopina nasa tak chu chên ah, lungdam tak ah du’tawk ah la chêp theina ding un.

ISAI 9:2

Thim nuai ah chiate’n vâk nasa tak a mu tau; thimpi’n a jinkhumna gam ah chêngte chung ah chun, vâk a hung suak tai.

EZEKIEL 43:4

Sualam nga kotkhak ah kipat Lalpa lopina a hung lût phat ah chun,

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

MATTHAI 4:16

‘Thim nuai ah chu te chun vâk lopi tak chu a mu tau in, thina lîm guam ah chu te chung ah chun, vâk a hung suakdok tai,’ tia a gen kha a hung guitun theina dingin”.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

LUKA 2:32

vâk, Jentelte salvâk ding leh, la mi Israelte lopina ding chu,” a tia.

JOHAN 1:9

Vâk dik tak, mitin salvâk ding chu khawvel ah hung ahi.

JOHAN 12:46

Kei khawvel salvâk ding ah hung ka hi, kuale ei ging chu thim lak ah a um zing lona ding un.

JOHAN 3:19

Zia hi thiamlo channa chu ahi, vâk chu khawvel in a hung a; himaleh, mite’n vâk sâng in thim a dawi zawu hi, a thil hi’teu a phatlo ziakin.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

PHILIPPI 2:15

Khangthak gilo leh lungkawite, khawvel ah a lak ua aksi vâkte gual ah la chênnateu lak ah, Pathian cha gensiat bei leh thiangtho,

1 PETER 4:14

Khrista min ziak ah vau la hiu leh mi hampha la hiu; lopina leh Pathian Thagau chu la chung un a um tai.

THUPUAN 21:11

Pathian lopina chu nei in, a vak dan chu suang mantam phapen, jaspar suang gual ahi’n, krustal suang gual in a val a.

THUPUAN 21:23

Khawpi salvâk ding ah chun nisa a ngâi pua’n, thapi le a ngai puai; Pathian lopina chun a salvâk ah, Belamno chu a vâk uh ahi tai.

THUPUAN 22:5

Jan um ta pua’n tin; thaumei vâk leh nisa vâk le ngai ta pua’n tin; Lalpa Pathian in amau chu salvâk ta’n tin; kumtuang in vaihawm ta’n au.