ISAI 6:7 - PATHIAN LEKHABU THIANGTHO (BSI)

⁷ Vansawlchâk chun zia meiâm chu ka mûk a hun bî ah, ka kiang in: “Tu’hin, zia meiâm hin la mûk a bî tâk ziakin, la bawlkhialna zosia lâkmang a hita’n, la gitlona le ngaidam ahi tai,” a hun ti’n.

ISAI 6:7 ပူးပေါင်းရင်းမြစ်များ

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

ISAI 53:5

Himaleh, ei haw bawlkhialna ziak ah hiliam ah um leh, I dukdaklona ziak ua vok thidup ah um ahi ngâl a; ama gawtna thok ziak ah ei haw sukdam ah um in, ama kivok thidupna ziak ah, sukdam ah um I hi’ngâl un.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

ISAI 57:19

A gamla leh a nai tuam ah umte haw, thamuang unla, thamuang tak in um un, Lalpa‘n a tii; tichun, sudam ding ka hi.

JEREMIAH 1:9

Ziaphatchun, Lalpa‘n a khut a hun thadok a, ka mûk a hun khoi a; chuleh, Lalpa‘n ka kiang in: “Ngai in, la mûk ah ka thu ka koi tai.

DANIAL 10:16

Ziaphatchun, mihing mêlpu khat in ka lei a hun khoi ah; chuleh, thu gen dingin ka kam ka ka’n, ka âng ah dingpa kiang in, “Aw Lalpa, zia kilâkna ziak ah hin ka chung ah natna hung tung in, tha leh zung him him ka nei ta puai.

ZEPHANIAH 3:9

Ziaphat chuleh, mipite pau thiangtho in then piak ing ka tin, lungthim kithu gual ah Lalpa min chu, a hun ko ua, a na a sep khawm theina ding un.

ZEKARIAH 3:4

Vansawlchak chun a âng ah dingte kiang in, “A kithuamna puan nîn tak chu lîpthâk piak un,” a ti’n. Chuleh, a kiang in, “Ngaitia, la mawnate ka lâk mang piak ta hen, kithuamna ding puan thak hun pia ding ka hi,” a ti tai.

KISIMNA LEKHABU 16:46

Mosi chun Aron kiang in, “La gimtui hâlna kuang khan mâichâm ah kipat meiâm luak inla, gimtui buak khum inla, mipite kiang lam ah kin tak in chawi in; a gitlonau thoidamna ding bawl piak kin in, Lalpa ah kipat in lungnatna a pawt ta’n, thi’na hisia a leng pan tai,” a tia.

MATTHAI 9:2

Mi lawi khat in, zeng pakhat a lupna phêk pum in lâng in a kiang lam in a hun jawn ua; Jesu’n a ginnau a mu phât in zeng kiang ah chun, “Ka chapa, thamuang tak in um in; la gitlona ngaidam ahi tai,” a tia.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.