ISAI 6:6 - PATHIAN LEKHABU THIANGTHO (BSI)

⁶ Ziaphatchun, Vansawlchâkte lak ah khat chun, châiche khat in mâichâm ah meiâm vachepdok in, ka kiang lam in a hung leng phei a.

ISAI 6:6 ပူးပေါင်းရင်းမြစ်များ

PAWTDAWNA THU 25:38

Chuleh, châichete leh mei-ek luakna ding kuangte chule sana thiang ah siam ding ahi.

ISAI 6:2

A chung lam ah Vansawlchâkte’n a ching un; tha paguk chiat a nei ui: A tha’u pani chiat in a mai a lia piak un, a dang pani chiat ah chun a keng a tuam piak un, a dang panite ah chun a leng chiat ui.

JEREMIAH 1:9

Ziaphatchun, Lalpa‘n a khut a hun thadok a, ka mûk a hun khoi a; chuleh, Lalpa‘n ka kiang in: “Ngai in, la mûk ah ka thu ka koi tai.

EZEKIEL 10:2

Puan malngat ah kithuampa kiang ah chun, “Cherubte kiang ah kângtalai kengte lak ah chun chia in; cherubte lak ah meiâm chu la khut dim in vaham inla, khawpi sung ah thejak in,” a hun tia. Ka et zing leh ama le a chia ngala.

THIAMPUTE LEKHABU 16:12

Lalpa âng ah mâichâm ah kipat in mei lâkna kuang, meiâm ah dim hun la’n tin; gimtui gawtnelsa a khut dim a chawi in puanjak sung lam ah chawi lut in;

KISIMNA LEKHABU 16:46

Mosi chun Aron kiang in, “La gimtui hâlna kuang khan mâichâm ah kipat meiâm luak inla, gimtui buak khum inla, mipite kiang lam ah kin tak in chawi in; a gitlonau thoidamna ding bawl piak kin in, Lalpa ah kipat in lungnatna a pawt ta’n, thi’na hisia a leng pan tai,” a tia.

MATTHAI 3:11

Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

NASEPTE 2:3

Meikuang gual ah kilang lei a hung um ah, a hung kihawmjak ah, amau haw a chang chiat tau a.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

HEBRAITE 1:7

Himaleh, vansawlchâkte chung thu ah chun, “A vansawlchâkte chu hui a chansak in, a nasemte chu meikuang a chansak hi,” a la ti’n.

HEBRAITE 13:10

Mâichâm I nei ui, a chung ah thillatte chu biakbûk nasêmte’n a nethei puau hi.