ISAI 6:5 - PATHIAN LEKHABU THIANGTHO (BSI)

⁵ Keima’n, “Ka chung a gikna e! Mûk thianglo ka hi, mûk thianglo lak ah chêng ka hi, a mangthai chu ka hita hi, ka mit in Lengpa, Sepai honte Lalpa chu ka mu ta’ngal in,” ka ti hen.

ISAI 6:5 ပူးပေါင်းရင်းမြစ်များ

THILSIAM THU 32:31

Chuleh, Penuel a khêl phatin, nisa hung suak in a hun sal ta’n, a malpigu ziak ah chun a kibai tai.

SAM 24:10

Zia lopina Lal chu kua a hem? Sepai honte Lalpa chu, lopina Lal ahi.

PAWTDAWNA THU 24:10

tichun, amau cheng chun, Israel Pathian chu a mu tau a. A keng pêk nuai ah chun sapphire suang mantam ah kisiam lampi kizutnâm khat a la um ah; a thian dan chu van thiang sing seng tawh bang ahi.

PAWTDAWNA THU 3:6

Ama chun a gen zom pek ah, “Keima hi la pa Abraham Pathian, Isak Pathian leh Jakob Pathian chu ka hi,” a tia. Mosi’n Pathian a et ngam lo ziakin a mai chu a sêl tai.

PAWTDAWNA THU 33:20

Himaleh, ka mêl vang mu thei pua’n la: kuama ka mêl mu ngal ah, dam zing um ngai him him lo ahi ngal in,” a tia.

PAWTDAWNA THU 4:10

Himaleh, Mosi chun Lalpa kiang in, “Aw ka Lalpa, la suak kiang ah bangma la gen masang inle dan gual lo leh la gen nung ah hinle, kei chu thu genthei lo leh dangawk ka hi,” a tia.

PAWTDAWNA THU 6:12

Himaleh, Mosi chun Lalpa kiang in, “Ngaitia, Israel mipite nasan in ka thu a ngaisak ta puau ah; kei tawhbang ah thugen theilo hi Pharaoh in ei la ngaisak ding a hem?” a tia.

PAWTDAWNA THU 6:30

Himaleh, Mosi chun Lalpa kiang in, “Ngaitia, thugen thiamlo ka hi, bangti’n em Pharaoh in ka thu a ngai ding?” a tia.

ISAI 24:16

Kawlmong ah kipat in, Mithiangtho pâkna La sak git I hiau hi. Himaleh, keima’n: Lungkham ah thi ding ka hi tai! Lungngai ah thi ding ka hi tai, ka chung a gik na e! Mi dawhathûk chun dawhathûk tak in a bawl in, dawhathûk chun dawhathûk zaw sêm in a bawl hi, ka ti hen.

ISAI 29:13

Lalpa‘n zia gual hin a gen a: “Zia mite hin kamthiam in ei nai un, mûk thiam in ei ja’bawl un, a lungthim uh vang a gamla ma ma hi; keima ei biaknau chule, mihing thupiak dangnâl thu ah zil thiamna mai mai ahi;

ISAI 33:17

La mit in lengpa mêlphatna mu’n la tin, gam lian tak kithung chu mu’n lau.

ISAI 59:3

La khutteu chu thisan ah sukbuak a la hita’n, la khutzungteu chule khawlona sukbuak a la hi zo ta’ngal a; la mûk un zuau thu a gen tau a, la lei un nunsiatna thu ngen, a gendok ta’ngal a.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

JEREMIAH 1:6

Ziaphatchun keima’nle, “Katei, Lalpa Pathian! Ka naupang talua nalai in, thu gen dan ka hepuai,” ti’n ka dawnhu a.

JEREMIAH 51:57

A milian leh a mi pilteu, gam awpte, vaihawmte leh, a sepai hangsante natiang in dawn khamsak ding ka hi; lum den intiu in, khanglo kit ta pua’n au; Lengpa, a min Sepai honte Lalpa chun a ti ahi.

EZEKIEL 12:2

Mihing, thunung lo Inkuante, mit nei ngal ah muthei lo leh, bil nei ngal ah hetheilote lak ah chêng la hi;

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

DANIAL 9:20

Pauchap ah, ka gitlo’na leh ka mipi Israelte gitlona thupha chawi ah, Lalpa ka Pathian âng ah, ka Pathian tâng thiangtho ah ding ah dotpiakna bawl a,

HABAKKUK 3:16

Ka het phât in ka sunggil a kithing ah; a git chun ka mûknote lau in a kithinsak hi. Ka gusung un muatna a lut in, ka nuai ah ka kalsuante a kilîng hi. Kei uh ei do’te chung ah siatna nikhua hung tung ding chu; thipbek in ka ngâk ta mai ahi.

KISIMNA LEKHABU 17:12

Israelte chun Mosi kiang in, “A chavai gam chu ka hitau hi; a thi mang zo ding chu ka hitau in, ka leng un a mangthai zo chu ka hitau!

VAIHAWMTE 13:22

Chun, Manoah in a ji kiang in, “Pathian I mu tâk ziakin, thi ngei ngei ding I hi,” a tia.

VAIHAWMTE 6:22

Ziaphatchun, Gideon in Lalpa vansawlchâk ahi ti a hun hechian ta’n; chuleh, Gideon in, “Ei panpi in, Lalpa Pathian! Lalpa vansawlchâk tawh kimâitua ah kimu ka hi’ngâl ah,” a tia.