ISAI 6:2 - PATHIAN LEKHABU THIANGTHO (BSI)

² A chung lam ah Vansawlchâkte’n a ching un; tha paguk chiat a nei ui: A tha’u pani chiat in a mai a lia piak un, a dang pani chiat ah chun a keng a tuam piak un, a dang panite ah chun a leng chiat ui.

ISAI 6:2 ပူးပေါင်းရင်းမြစ်များ

THILSIAM THU 17:3

Abram in a mai ah lei si hial in a bokkhup ah, ziaphatchun, Pathian in a kiang in thu a gen a:

1 LENGTE 19:13

Elijah chun zia aw chu a het phat in, a puanâk chual mong in a mai a tuam ah, a pawtdok ah kawlhawm kot ah chun a vading tai. Ziaphat chun, a kiang in aw chun, “Elijah, zia hi bang bawl la hem?” ti’n a hun hoah.

1 LENGTE 22:19

Ziaphatchun, Mikaiah in, “Ziaziakchun, Lalpa thu a la ngai in: Lalpa chu a lalchutpha chung ah kichu’n ka mu’n, a kiang in van sepai zosia chu a vei leh chang in a ding un.

1 LENGTE 6:24

Cherub pakhat tha chu tong nga ah sau a hi’n, cherub pakhat zawk tha chule tong nga ah sau ahi; pakhat thamong ah kipat a dang thamong chan chu tong sawm ahi.

1 LENGTE 6:27

Cherubte chu In sungnung lam pen ah a koi ah; cherubte chun a tha’teu a zâk gêl ua; pakhat zawk tha langkhat chun bâng langkhat a si’n, a dang tha langkhat chun bâng langkhat a si kit hi; a tha lailung lam zawk gêl uh chu a kisukha tua ui.

1 LENGTE 8:7

Cherubte chun a tha’teu chu thuthung thingkuang umna mun chung in a jak ua; tichun, cherubte chun thuthung thingkuang leh a jawlte chu a khû tau hi.

NEHEMIAH 9:6

Chun, Ezra in, Nangma bep hi Lalpa chu la hi; nang in van leh a sung ah um zosia leh, lei leh a chung ah um zosia leh, tuisuagiat leh a sung ah um zosia hi la siam ah. A leng un hinna la pia’n, van lam ah um zosia’n le a hun ho ui.

JOB LEKHABU 1:6

Ni khat chu Pathian chate chu Lalpa kiang in a hung kilâk tau ah, a lak un Setan le a hung vâk lut a.

JOB LEKHABU 15:15

Pathian in a mithiangthote nasan a taksang zo pua’n, van mite chule ama mit mu’n a thiangtho zo puau in,

JOB LEKHABU 4:18

A suakte natiangle a muang zo pua’n, a vansawlchâkte diklona nasan a mu sek in;

SAM 103:20

Aw nang uh a vansawlchâkte haw, nanghaw a thu ngai ah zawm sek, a nasemte haw, Lalpa chu pâk tau in.

SAM 104:4

huizang chu sawlchâk in la mang a, mei leh meikuang chu la nasemte a hiu.

SAM 18:10

Cherub khat chung ah chuang in a leng mang tai; hui thâte mang in kin tak in a hung tai.

SAM 89:7

mithiangthote kikhopna a lau uh Pathian, chung lam ah a kiang ah um zosia lak ah, thupi leh ja um tak chu kua dang a hem?

PAWTDAWNA THU 25:20

Cherubte chu ki-ângngat in ja’ngaina chutpha chu a thau ah lia in, a chung ah chun jak khum gêl in au. Ja’ngaina chutpha lam chu Cherubte chun a âng ngat gêl ding uh ahi.

PAWTDAWNA THU 3:6

Ama chun a gen zom pek ah, “Keima hi la pa Abraham Pathian, Isak Pathian leh Jakob Pathian chu ka hi,” a tia. Mosi’n Pathian a et ngam lo ziakin a mai chu a sêl tai.

PAWTDAWNA THU 37:9

Cherubte chun ja’ngaina chutpha lia dingin a chung in a thau a jak gêl un. Cherubte chu ki-ângngat tua in, ja’ngaina chutpha chu a mai lam uh a ngat gêl ui.

ISAI 6:6

Ziaphatchun, Vansawlchâkte lak ah khat chun, châiche khat in mâichâm ah meiâm vachepdok in, ka kiang lam in a hung leng phei a.

EZEKIEL 1:11

zia gual mêlpu chiat chu a hiu. A tha’teu chu a chung un a jak chiat un; thilhingte chun tha pani chiat a nei un, a thau sutua chiat in, a thau panite chun a taksau a tuam chiat ui.

EZEKIEL 1:24

A kipat daw phat ua leh a tha jap git uh, tui tam tak gi tawhbang leh, Bangkim Hitheipa aw gual ah gi leh, sepai hon husa gual in ka he hen; a kichol phat un a tha’teu chu a khaitha chiat tau a.

EZEKIEL 1:4

Ka et leh, mallam ah kipat in thigawpi a hung hâng ah; sûmpi nasa tak, a kîmvêl vâk in a tuam leh, meikuang zul zul, chuleh meikuang lailung ah mei âm pem pum tawh bang khat a um a.

EZEKIEL 1:6

Maichang pali leh thâ pali a nei chiat ui.

EZEKIEL 1:9

a thau chu a kisumat chiat in; ma lam zuan in a chiau ah, kiheilo in a chia pek ui.

EZEKIEL 10:16

Cherubte a chiau leh a kengpeitele a pang un a kitawl ngal un; chuleh, cherubte’n lei tual ah kipandok ding ah a tha’teu a jak phat ua leh, a pang ua a keng peite chu a kihei ngai puau a.

EZEKIEL 10:21

Maichang pali a nei un, thale pali chiat a nei ui; chuleh, a tha nuai un mihing khut tawhbang a nei chiat un.

DANIAL 7:10

A ma-âng ah kipat in mei a hung pawtdok in; a sâng ah mun sâng tam takte’n a na a sep piak un, a kiang in a sîng ah mun sîng tam takte a ding kîmvêl ui. Thutanna hun a pan un, lekhabute a phêt tau a.

DANIAL 9:21

ka pauchapna thu ka gen zing lai in, nitâk lam kithoi hun in, mu’lawkna ka la musa, mi pakhat Gabriel chu, kin tak ah hung leng in ka kiang a hung tung ta’n.

ZEKARIAH 3:4

Vansawlchak chun a âng ah dingte kiang in, “A kithuamna puan nîn tak chu lîpthâk piak un,” a ti’n. Chuleh, a kiang in, “Ngaitia, la mawnate ka lâk mang piak ta hen, kithuamna ding puan thak hun pia ding ka hi,” a ti tai.

LUKA 1:10

A gimtui hâl sung ah chun mipi zosia In mai ah pauchap in a la um un.

HEBRAITE 1:7

Himaleh, vansawlchâkte chung thu ah chun, “A vansawlchâkte chu hui a chansak in, a nasemte chu meikuang a chansak hi,” a la ti’n.

THUPUAN 14:6

Chun, lei ah um nam tin, chitin, pautin leh mitinte kiang ah gen ding, kumtuang chanchinpha nei vansawlchâk pakhat vanlai jawl ah lêng ka mu’n.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

THUPUAN 7:11

Chun, vansawlchâk zosia chun, lalchutpha leh upate leh thilhing palite kîmvêl ah ding in, lalchutpha ma ah chun bokkhup in Pathian chu a ho un;

THUPUAN 8:13

Ziazaw chun, ka et leh muthongpi khat vanlai jawl ah leng in, aw ngai tak in, “Vansawlchâk pathum um nalaite chun a pengkul uh a mût phat ua leh, lei chung ah um nalaite chung a gik hi, a gik hi, a gik hi!” a ti ka hia’n.