ISAI 6:11 - PATHIAN LEKHABU THIANGTHO (BSI)

¹¹ Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

ISAI 6:11 ပူးပေါင်းရင်းမြစ်များ

SAM 74:10

Aw Pathian, mêlmate chun, bang chan a hem ei nuisan ding uh? Mêlma chun kumkhua’n la min, hun samsia ding a hiu em?

SAM 79:5

Aw Lalpa, bang chan a hem la lungnat nâk lai ding? La itthîk siatsona chu mei gual ah kuang ding a hem?

SAM 90:13

Aw Lalpa, hung kile’kit ta’n! Bang chan a hem la lungnat ding? La suakte hi khawtua ta’n.

SAM 94:3

Aw Lalpa, mi nunsia chu bang chan, mi nunsia chu bang chan him him, ki-uansak tak ah um ding a hiu em?

ISAI 1:7

La gam uh nutsia’n a um ta’n, la khawpiteu mei in a kâng tum tai; la mit muu in la lou gateu chu, gam dang mite’n a ne zo tau hi; gam dang mite’n a nuaisia tâk ziak un, a hawm ah nutsia in a um zo tai.

ISAI 13:12

Mihingte chu sana thiangtho sâng ah, vâng zaw’n hun siam ing ka tin; mihingte chule Ophir sana sâng in, hung vângzaw ta’n au.

ISAI 3:26

A kotpiteu chu lusûn in, kâ La’n awi ta’n au; hisiat dim dem ah um in, suksiatsa’n tual ah kichu ta’n au.

ISAI 3:8

A kamsuak leh a thilbawl dan uh, Lalpa dodâlna leh pâmpaina ngen ahiziak in, Jerusalem chu a kisui ta’n, Judah chu a kipûk tai.

ISAI 32:14

Lal In chu taisan ah um in, mipi ah dim khawpi chule, nutsia ah hung um ding ahi ngal un; tângsâng leh a chung ah gâlvênbûk chu, gammâng hung hiden ta’n tin, gam sabiltungte kipakna mun leh, belam hon tatna mun hung hita’n a;

ISAI 35:1

Gamthip leh gam gawchâk chu hung lim ta’n tin, gamkeu chu kipak in hung lûn kit ding ahi; sahei gual in,

ISAI 5:9

Sepai honte Lalpa‘n a kipau tiamna ka hia’i: mathei lo in, In lian leh mêlpha, tam takte hi a sung ah chêng ding um lo ah a hawm ah nutsia in hung um ding a hiu.

ISAI 60:15

Nangma chu nutsia leh huat ah um in, kuama a hun limsak um talo maleu, kumtuang ah lopi tak dingin, hun bawl ing ka tin, khang tam takte kipakna pen hung hita’n la.

ISAI 64:10

La khawpi thiangthote chu gamthip a chang zo tau a, Zion chu gamthip a suak ta’n; Jerusalem chu a hawm ah nutsia ahi tai.

JEREMIAH 22:6

Judah Inkuante chungchâng in, Lalpa‘n zia gual hin a la gen ta’ngal a: Nang hi, kei â ding ah Gilead leh, Lebanon tângvûm tawhbang la hi; himaleh, gamkeu leh khawpi, kuama chên lo’na hun siam ding ka hi.

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

JEREMIAH 44:2

sepai honte Lalpa, Israelte Pathian in zia gual hin a gen a: Jerusalem leh Judai gam ah khawpi zosia chung ah, siatna ka tunsak zosia hi la mu suak kêi un. Vak en ma tiam un; tu’ni hin nutsia ah um in, kuama a chêng ta puau hi;

JEREMIAH 52:27

Chuleh, Babulon Lengpa chun zia zosia chu Hamath gam ah Riblah ah chun a that sik sek tai. Chutichun, Judai gam ah mite chu a gam paw lam un sal ah puimang in a um zo tau hi.

EZEKIEL 6:6

La mâichâm uh suksiat leh chomnâm a hiu ah, la milimteu khet buang leh khet gawp a hiu ah, la gimtui khuamteu sat bot a hiu ah, la khut nasep zosiau phiatnâm a hitheina dingin, la chênnau mun taphot ah la khawpiteu a hawm ah nutsia hi’ntin, la thoimualteu chule suksiat dik dek hita’n a.

DANIAL 8:13

Ziaphatchun, mithiangtho khat in thu a hun gen ah, zia thugenpa kiang ah chun, a dang khat in a hun dawnhu kit chu ka hia’n: “Hâlmang thillat thu leh thil phalo bawl ziak ah nutsiana leh mun thiangtho leh van hotu tawdenna la mu kilâkna hi bang chan hiding a hem?” a hun tia.

THIAMPUTE LEKHABU 26:31

La khawpiteu giauchang in siam ing ka tin, la mun thiangteu le mun thip chansak ing ka tin, la gimtuiteu le a la hîp ta pua’ng ka.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

MIKAH 2:4

Zia ni chuleh, elho’na La hun sak khum ta’n tiu in; lusûnna La thasiat um tak hun sak khum ta’n au: “Suksiat dim dem ka hi tai; Lalpaka mite gochan ei lak piak in, bang gual ah ei lâk mang piak ahi tam le! Sal ah ei mante lak in ka lou uh a kihopsak tau,” ti in.

MIKAH 5:11

chuleh, la gam ah la khawpiteu chu sumangthai ing ka tin, la kulpi det zosiau chule suchim ta’ng ka tin;

MIKAH 6:13

Ziaziakchun, ke’nle nasa tak in, ka hun khên pûk pan ta hen, la gitlonate ziakin ka hun sugam ta la hi.

MIKAH 7:13

Ahi’n, gam chu a sung ah chêngte ziak leh, a thilbawl gateu ziak ah chun nutsia in um ta’n au.

DAN LEKHABU 28:62

Lalpa la Pathian thu la mat nop lo ziak un, tu’ma lam ah van ah aksi jat hial ah tamte kha, tawmcha bep hung hita’n lau.

DAN LEKHABU 28:63

Chuleh, nangmau phatna ding bawl leh hipunna ding bawl thanuam ma ma Lalpa chu, nanghaw hun hi’mangthaina ding leh bang malo ah hun siam ding chu a lung lam tak hung hita’n tin; chuleh, la luana ding ua la lutnau gam ah kipat ma ma hin, nang uh jukdok in um ta’n lau.