ISAI 6:1 - PATHIAN LEKHABU THIANGTHO (BSI)

¹ Lengpa Uzziah a thi kum in, Lalpa chu lal chutpha kichu, sâng tak leh lian tak in ka mu’n; chuleh, a puansil mongte chun tempul sung a lua dim hial a.

ISAI 6:1 ပူးပေါင်းရင်းမြစ်များ

1 LENGTE 22:19

Ziaphatchun, Mikaiah in, “Ziaziakchun, Lalpa thu a la ngai in: Lalpa chu a lalchutpha chung ah kichu’n ka mu’n, a kiang in van sepai zosia chu a vei leh chang in a ding un.

2 LENGTE 15:7

Tichun Azariah chu a pu leh pate kiangah chun a ipmu ta’n, David khawpi ah a pu leh pate thân in a vui tau ah, chun, a chapa Jotham chun ama thasâng in vaihawm in a hung pang tai.

2 KHANGTHU 18:18

Ziaphatchun, Mikaiah chun a kiang in, “Ziaziakchun, Lalpa thugen hi a la ngai in: A vei leh chang ah van mipite ding kîmvêl in Lalpa chu a lalchutpha kichu’n ka mu hen.

JOB LEKHABU 42:5

Nang chu bil ah het mai in ka la hia’n, tu’hin vang ka mit ngei in ka hun mu tai.

SAM 108:5

Aw Pathian, vante chung lam pek ah choisa’n in um in la, la lopina chu lei chung zosia ah chawihoi in um ta hen.

SAM 113:5

Chung lam lalchutpha kichu, Lalpa I Pathian gual chu kua a hia,

SAM 46:10

“Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

PAWTDAWNA THU 24:9

Ziaphatchun, Mosi, Aron, Nadab, Abihu tawh Israel upa sawm sagite chu a chia to tau a;

ISAI 1:1

Amoz chapa Isai in Judai gam ah lengte: Uzziah, Jotham, Ahaz leh Hezekiah a lal lai un, Judah leh Jerusalem chung thu ah kilâkna a la mu lawk a.

ISAI 12:4

chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

EZEKIEL 1:1

A kum sawmthumna, tha li’na, zia tha ni nga a tin ni chun, Khebar lui pang ah saltângte lakah ka um pet in, van a hung kihong ah, Pathian kilâknate chu ka mu ta’n.

EZEKIEL 10:1

Chuleh, ka vak et leh, cherubte luchung a bêlkuang tawhbang ah khu’suk chung ah chun, sapphir suang mantam gual ah kilang, lalchutpha mêlpu khat a um a.

EZEKIEL 10:4

In mai tualjawl ah cherubte chung ah kipat chun Lalpa lopina chu a kipandok ta’n; chuleh, tempul chu meikhu’n a dim ah, a huang sung chule Lalpa lopina vâk in a dim tai.

DANIAL 10:17

Bangti’n ka Lalpa suak hin ka Lalpa chu ho thei ding ka hi tam? Kei la kithing in, tha leh zung him him ka nei ta puai,” ti’n ka dawnhu a.

DANIAL 7:9

Ka et zing leh, lalchutphate a hung kidaw a, Tuan ah tâng ah mi chun a lalchutpha a hun lua ah, a puan chu vûk gual in a vâm a, a sam chu samul vâm a bang hi; a lalchutpha meikuang ahi’n, a kengte le meikuang ahi.

KISIMNA LEKHABU 12:8

Thugûk le hilo ah kichian tak in, ama tawh kimaitua in ka kiho un, ama’n Lalpa mêl chu a mu ta ahi. Bang ding ah ka suak Mosi gensiat chu lau lo la hiu em?” a tia.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 12:41

Zia thute hi Isai in a lopi dan a mu’n, a kiang ah thu a gen lai ah kha a la zik ahi.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

THUPUAN 15:8

Ziaphatchun, tempul chu Pathian lopina leh thilhitheina khu’n a dim ta’n; vansawlchâk pasagite’n gawtna pasagi chu a sukbutin masiau tempul sung ah chun kuama a lût thei ta puau hi.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

THUPUAN 4:10

upa sawmni leh palite chun lalchutpha kichû chu, a ma-âng ah bokkhup in a ho sek un; kumtuang ah hing zing pa ma ah chun a lallukhukteu chu a koithâu ah, chibai a bûk sek ui.

THUPUAN 4:2

Ziaphatchun, thakhat in thagau in ka hung um ta’n; ngai tiam un, van ah chun lalchutpha khat a hung kidaw ah; zia chun mi pakhat a kichû.

THUPUAN 4:3

Zia lalchutpha hung kichupa chu jaspar leh sardis suang gual in a kimu’n; chun, lalchutpha kîmvêl ah chun uizo, emeral suang gual in a jam a.

THUPUAN 4:9

Zia thilhing palite chun kumtuang ah hing zing lalchutpha ah kichu chu a chawihoi un, jana a piau ah, kipak thu a gen phat ua leh,

THUPUAN 5:1

Ziazaw chun, lalchutpha kichupa khut changlam ah chun, lekhabu zial a pêk langtua ah kizik, tepte’na sagi ah kitepte ka mu’n.

THUPUAN 5:7

Ama chu a hung ah, lalchutpha kichupa khut changlam ah kipat chun, lekhabu chu a la ta’n.

THUPUAN 6:16

Mual leh tâng leh suangpite kiang ah chun, “Lalchutpha kichupa mit mu leh Belamno lungnatna kipat chun ei sêl unla, ei deldên ta un: