ISAI 59:9 - PATHIAN LEKHABU THIANGTHO (BSI)

⁹ Ziaziakchun, vaihawmna dik ah kipat chun, ka gamla tau in, diktatna chun ei pha zo ta puai; vâk ka hawl unla, thimna bep a hizawi; vâkna hawl lai chu thim lak in ka chia tau hi.

ISAI 59:9 ပူးပေါင်းရင်းမြစ်များ

JOB LEKHABU 19:8

Ka kân zaw lo ding dâi ei kai khum ah, ka lampite chu thim a khu’khum hi.

JOB LEKHABU 30:26

Himaleh, thilpha ka hawl lai in, thil phalo ka chung in a hung tung ah; vâk ka ngak lai in, thimna a hung tung hi.

SAM 82:5

Hetna leh hetthiamna him him neilo in, thim lak in a vâk vêl vêl un; leilung kingakna zosia chu a kilîng tai.

THUPILTE 4:19

Mi nunsiate lampi chu, khûk thim tak gual ahi’n; a bang pen ah kisui a hiu le a hethei ngai puau hi.

ISAI 5:30

Zia ni chuleh, tuisuagiat gi hum hum gual in, amau haw do-na’n hamgi hum hum ta’n au. Gam chu kua’nle a vak et chun, thimna leh lungkhamna bep in dim zo ta’n a; tichun, vâk nalua chule sûmpi’n lia thim zo ta’n a.

ISAI 59:11

Savom gual in ka ngîk un, vakhu gual in ka thûm lit lit ui. Vaihawmna dik ka la ngâk un, ahi’n la, a um ta puai; hukdamna ka ngâk un, ahi’n la, keimau ah kipat in a gamla ma ma hi.

ISAI 59:14

Vaihawmna dik chu le’bul in a um ta’n, diktatna chu gamla tak in a ding den tai; thutakna chu khawlai tualjang in, a kipal pâi ta’n; chuleh, thudikna chun mun a nei ta puai.

ISAI 59:8

Kichamna lampi a he’pha puau in, a tawi leh channau ah chun, vaihawmna dik a um puai. A lampiteu chu a kawi lumlet thei pen in a bawl un, zia lampi haw kha ta’ chun, thamuanna a he’pha puau hi.

ISAI 8:21

Lunggim tak leh gilkial in gam chu chuan suak intiu in; a gil uh a kial phat leh a lung uh na’n tin, a lengpau leh a pathianteu samsia’n au. A mitteu van lam nga’n tin uh;

ISAI 8:22

chuleh, lei lam nga’n tiu in; himaleh, lungjinna leh thimna bep mu ding a hiu, lunggimna’n thi’n tiu in; chuleh, thimna sâ tak ah naw lut in um ta’n au.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 14:19

Judah chu la nol kei ziang ahi tam? La lungthim in Zion chu ki’dak ziang la hi tam? Kei uh â ding ah sukdam zaw hi talo ding ah, bang ding ah ei vaw pâi la hem? Muanna ka hawl un ka mu puau in; damna ka hawl un tizatna ka mu zaw tau hi!

JEREMIAH 8:15

Thamuanna I hawl un, ahi’n la, thilpha bangma I mu puau hi; sukdamna hun I hawl un, ahiziak in, tizatna ngen a hizaw tai.

KÂ LATE 3:2

ei naw mang ah, a tawp in vâk um lona ei puilût ta’n;

KÂ LATE 4:14

Kotzing ah mitthûm gual in a vâkvai zo tau in, thisan ah kisubuak zo in, a nîk leh puanteu nasan, kua’ma sukkhak thei a hita puai.

AMOS 8:9

Lalpa Pathian in, “Zia ni chuleh sûnchang lai in, nisa tumsak ing ka tin, sûnchang lai tak in lei chung thimsak ding ka hi.

MIKAH 1:12

Maroth ah chêngte chun vang, thilpha hung tung ding chu, a ngâkla ma ma tau in, ahi’n, Lalpa ah kipat in vangsiatna a hung tung in, Jerusalem kotpi bul a hung tung tai.

HABAKKUK 1:13

Thil phalo en dingin la mitte, a thiangtho talua hen, thil phalo bawlte chu la entha pei puai; bang ziak ah mi dawhathûkte la ngaithei ah, amau sâng ah diktat zaw te a valzaw tak uh leh, thipsan hiat hiat la hem?

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.