ISAI 59:8 - PATHIAN LEKHABU THIANGTHO (BSI)

⁸ Kichamna lampi a he’pha puau in, a tawi leh channau ah chun, vaihawmna dik a um puai. A lampiteu chu a kawi lumlet thei pen in a bawl un, zia lampi haw kha ta’ chun, thamuanna a he’pha puau hi.

ISAI 59:8 ပူးပေါင်းရင်းမြစ်များ

SAM 125:5

A lampi kawi ua chiapette vang, Lalpa‘n thil phalo bawlte chu tawh gawt khawm ta’n a. Israelte chung ah thamuanna um ta hen!

THUPILTE 2:13

thil phalo bawlte chun lam dik jamsan in lamthim lam a zuan un;

THUPILTE 2:15

a lampiteu chu a kawi lumlet in, mi puikawite lampi chu ahi.

THUPILTE 21:8

Midiklote lampi chu a kawi in, mi lungthim thiangte lampi chu a zang hi.

THUPILTE 28:18

Kuale dik tak ah um tapo chu bit intin, diklo tak ah um tapo chu kawkhûk ah kilîk lût in au.

THUPILTE 3:17

A lampite chu nun khawnopna lampi ahi’n; a jawite chule lungmuanna ahi.

ISAI 48:22

“Mi nunsiate â dingin, thamuanna him him a um puai,” Lalpa chun a tii.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

ISAI 59:11

Savom gual in ka ngîk un, vakhu gual in ka thûm lit lit ui. Vaihawmna dik ka la ngâk un, ahi’n la, a um ta puai; hukdamna ka ngâk un, ahi’n la, keimau ah kipat in a gamla ma ma hi.

ISAI 59:9

Ziaziakchun, vaihawmna dik ah kipat chun, ka gamla tau in, diktatna chun ei pha zo ta puai; vâk ka hawl unla, thimna bep a hizawi; vâkna hawl lai chu thim lak in ka chia tau hi.

ISAI 65:2

Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

JEREMIAH 5:1

Jerusalem khawpi kotzing ah chun tai vêl unla, en vêl un la kansui un! dik tak ah bawl leh, thu dik hawl mi pakhat bêk la muu em, khawpi sung kil leh kâk hun hawl tiam un, Jerusalem ka ngaidam theina dingin.

MATTHAI 23:23

Nanghaw, lekhazikte leh Pharisai miphalêmte haw, la chung uh a gik hi! La thâichiteu lak ah pudinate, mawsawlate leh pathikhawmte natiang in sawm ah khat la piau a; dan thupiak poimaw tak tak, vaihawmna dan, jangaina dan leh ginna dante hi bangma’n la ngai puau ah; a dangte chu haisan diak lo in, ziate chu la hiding him uh ahi.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

ROMTE 3:17

thamuanna lampi a hepuau hi.