ISAI 57:7 - PATHIAN LEKHABU THIANGTHO (BSI)

⁷ Mual leh tângsâng leh lian zosia chung in, la jalkhunteu la dawu in; zia vûm tiang ah chun, kithoina lân dingin la kal to sek un.

ISAI 57:7 ပူးပေါင်းရင်းမြစ်များ

ISAI 57:3

Nanghaw, mitvaidawi thiam chate, nawchizuakte leh ângkawmte suan leh pâkte haw, hung un.

ISAI 65:7

amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

JEREMIAH 3:2

Tângjawl lam en in la mit te to in la en tiam in! La lup lonau khoi tak a um em? Gamthip ah umna tum neilote gual in, lam pâm ah la ngaijawngte ngâk in la kitung hi. La zawnthânhuaina leh la nunsiatna’n, gam chu la subuak zo tai.

JEREMIAH 3:6

Lengpa Josiah lal lai in Lalpa‘n ka kiang in thu a hun gen a: Mi ginum lo Israel in tângsâng tincheng ah kal to in, thinghing bullîm nuai tincheng ah nawchizuak ah a kihibuakna zozai pihi la mu em?

EZEKIEL 16:16

La sil leh chên khenkhatte chu, la thoimual cheina’n la mang ah, zia tak ah chun la kizuak thanghuai ta’n; zia gual thil hi kuama’n a la bawl kha pua’n, tu’nung inle kuama’n bawl pua’n au.

EZEKIEL 16:24

lam pâm mun awng tin ah kemdaw in, mun thawveng la kisiam a;

EZEKIEL 16:25

lambom tin ah mun thawveng la kisiam ah, la mêlphatna la zuak ah, la thanhuaina hi’pung dingin a hun haw kha taphot kiang in la kipia’n.

EZEKIEL 23:17

Chuleh, Babulonte chu a kiang ah kingaina jalkhun ah chun a hung tau ah, a mi dawichâkna chun a kihi’buak zo tai; amau tawh a kisubuak zaw phatin, a mêl hi’danglam in a jam mang tai.

EZEKIEL 23:41

lal gual ah nuam tak in jalkhun in la kichuuah, la âng ah dawkan la dawu ah, a chung in ka gimtui leh sathau la koi un.

EZEKIEL 6:13

A milimteu ma-âng ah a gimtui hâlna munteu, gangpi thingbuk nuaite, thinghing bul tinte, tângsip tin leh mualsang tinte chung leh, a mâichâm bul tin ua a milimteu lak ah a mithi luangteu a um zeng zung phat leh, kei hi Lalpa ka hi ti hun he ta’n au.