ISAI 57:6 - PATHIAN LEKHABU THIANGTHO (BSI)

⁶ Phâijawl ah suangpêk zol tak tak te lak ah, la chantum ding uh a um in; amau, amau haw ma ma chu la vâng ua kia a hiu; amau kiang ah chun dawnchi kithoina tuite chu, la sungtha sek un, nêkthei le la pesek uh hilo a hem? Zia thilte ah chun lungdam ding ah, lei ngaituau a hem?

ISAI 57:6 ပူးပေါင်းရင်းမြစ်များ

ISAI 65:11

Himaleh, nanghaw Lalpa nungngat ah, ka tâng thiangtho hemil ah, vangphatna Pathian hona dawkan bawl ah, vangphatna ding ah zu no sungdimte chu,

ISAI 66:3

Bawngchal that tapo chu mihing that gual hi’ntin; belamno kithoina ding ah lân tapo chu, uicha gawl ât tan gual hi’n a; thâiga ah kithoina bawl tapo chu, vokcha thisan ah kithawi gual hi’n a; gimtui hâl ah hetzingna ding ah thilpiak lân tapo chu, milim âng ah maljawlna don gual hi’n a. Zia gual mite chun amau bawldan bep pha a sau ah, a thil ki’dak um bawl uh chu, a lungthim un thâtnop um a sau hi.

JEREMIAH 19:13

Jerusalem ah In zosia, Judah lengte In zosia leh, van lam thilte ho’na ding ah thilpiakte lân ah, pathian dangte kiang ah dawnchi thillat butthâkna In zosia pum in, Topheth mun gual hial in sukbuak in hung um ta’n a.

JEREMIAH 3:9

Zawntat thanhuaina chu bangma’n a ngai lo ziakin, gam chu a supolche zo ta’n, suangpi tin leh thing zosia chu a thânhuaipi zo tai.

JEREMIAH 32:29

Zia khawpi do ah hung kuan Kaldaite chu hung lut in, Baal â ding ah kithoina latna In zosia leh, pathian dang kiang ah dawn chi sungtha ei sulungnate In zosia chu, mei ah hung hâl in, kâng tum in a.

JEREMIAH 5:29

Zia thilte ziak ah hin, gawt lo ding ka hem? Zia gual thilbawl namte chu, thuk lo ah koi mai ding ka hi em? Lalpa‘n a ti ahi.

JEREMIAH 5:9

Zia thilte ziak ah chun gawt lo ding ka hem? Zia tawhbang ah um namte chu, thuk lo ah umsak mai ding ka hem? Lalpa‘n a ti ahi.

JEREMIAH 7:18

Van lal kiang ah lat ding, vaithum kanna ding a chateu in thing a chom un, a pateu in mei tik in, a nuteu in vaithum a mêk ui; chuleh, ka lungnat choktho dingin pathian dangte kiang in dawnchi thillatte a sungdok ui.

JEREMIAH 9:9

Zia haw zosia ziak ah chun gawt lo diak ding ka hem? Lalpa‘n a ti’n; zia gual namte chu, thuk lo thei ding ka hi em?

EZEKIEL 20:39

Aw Israel mipite haw, ka thu la ngai lo ding vânglak uh leh, tu’ kipat hin chiau inla, mitin in la milimteu ho mai tau in; ahi’n la, la thilpiakteu leh la milimteu in ka min hi’buak ta kiu in.

HABAKKUK 2:19

Thingbong kiang ah, “Hung khanglo tiam in,” tite leh, suangtum kiang ah, “Hung tho in,” tite chung chu a gik hi! Mi a hil thei awm? En tia, sana leh dangka tui kiluan khum mai ahi’n, a sung ah hinna a um puai.