ISAI 57:5 - PATHIAN LEKHABU THIANGTHO (BSI)

⁵ Gangpi thing leh thinghing bulnuai tincheng ah, thanghuai tak in la kikawi un; nanghaw, phâijawl tincheng leh, suangpi kawhawm tincheng ah la chasenteu, kithoina that sekte kha hilo la hiu em?

ISAI 57:5 ပူးပေါင်းရင်းမြစ်များ

1 LENGTE 14:23

Amau inle, thingbul nuai tin leh mual sâng tin chung in thing milimte, mihing limte leh thoimualte a bawl tau a.

2 LENGTE 17:10

Thingbuk nuai leh tâng sâng sâng ah te chun milim siamkawm a kikoi chel chul ziang tau a.

2 LENGTE 17:7

Zia gual chun, Israelte chun Aigupta gam ah Lengpa Pharaoh khut nuai ah pat puidokpa, Lalpa a Pathian chung un thil gilo a hun bawl kit ua; pathian dang a hun ho kit tau hi.

2 LENGTE 23:10

Chuleh, Molekh ah a chapa a hem a chanu a hem, mei ah kithoina kuama’n a mat tâk lona ding un, Hinnom chate umna phâizang ah Topheth chu a vasubuak tai.

2 KHANGTHU 28:3

Hinnom chapa Phâicham ah kithoinate bawl in, Israel mipite ma-âng ah a la um, Lalpa‘n a la nawdaw piak namte’n ki’dak um tak a la bawlteu chu bawl in, a chapate le a la lân tai.

PAWTDAWNA THU 32:6

Tichun, a jing ah chun ma tak in a tho ua, hâlmang kithoina a lân ua, kichamna thilpiak le a hun lau ah; mipite chu ne leh dawn dingin a chukhawm ua, tawtbawl dingin a ding tau a.

ISAI 1:29

La limpi ma ma gangpi thingte ziak ah chun mualpho ta’n la; huan ding ah la têlnau munte chule, la mualphonau hung hizaw ta’n a.

JEREMIAH 17:2

a tu leh chateu in thingbul tin leh mualvum tincheng leh, gamlak tincheng ah a mâichâmte uh leh a dawikhuamteu chu a hezing ngal un.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 3:6

Lengpa Josiah lal lai in Lalpa‘n ka kiang in thu a hun gen a: Mi ginum lo Israel in tângsâng tincheng ah kal to in, thinghing bullîm nuai tincheng ah nawchizuak ah a kihibuakna zozai pihi la mu em?

JEREMIAH 32:35

Hinnom chapa phâijawl ah chun, a chateu leh a chapateu Molekh kiang ah, mei ah lat ding ah a piakna ding un Baal thoimualte chu a tung ding tau a; zia chu ka thupiak le a hipua’n, ka lungthim ah le ka la gêl khâk lo, Judai gam ah mite thil phalo tak a la bawlsak guat ziak uh ahi.

JEREMIAH 50:38

A tuiteu chawp kang ah do ding khawkhâl chu! A gam uh milim in a dim in, milimte chu limpi in a ngolpi zo ta’ngâl un.

JEREMIAH 51:7

Babulon chu Lalpa khut ah sana no, khawvel pumpi dawn kham sak chu ahi; namtin in a uain chu a dawn un, tichun, namtin chu a ngol zo tau hi.

JEREMIAH 7:31

Hinnom chapa guam ah chun, a chanuteu leh a chapateu mei ah latna dingin Topheth thoimualte a siam ui; zia gual ah chu bawl dingin thu ka pepua’n, ka ngaituana’nle a um kha puai.

EZEKIEL 16:20

Kei â ding ah chanu chapa lei hinpiakte chu, a kiang ua kithoina dingin la pia nalai a. La thanhuaina hile hun tawk nai lo ding a hem!

EZEKIEL 20:26

Keima hi Lalpa ka hi ti a hettheina ding un, a cha lutîl uh kithoina a piak ua, a hung tizat theina ding un, a thilpiak ma mau in ka hi’buak ta ahi.

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

EZEKIEL 20:31

La thilpiak uh lân ah, la chateu mei ah la lat phat ua leh, tu’ni tiang in la milimteu tawh, nanghaw kisubuak bep la hiu. Aw Israel Inkuante haw, nanghaw dot in um ding ka hem? Ka hin sungsia, nanghaw dot leh ho in um pua’ng ka, Lalpa Pathian in a tii, ti in.

EZEKIEL 6:13

A milimteu ma-âng ah a gimtui hâlna munteu, gangpi thingbuk nuaite, thinghing bul tinte, tângsip tin leh mualsang tinte chung leh, a mâichâm bul tin ua a milimteu lak ah a mithi luangteu a um zeng zung phat leh, kei hi Lalpa ka hi ti hun he ta’n au.

THIAMPUTE LEKHABU 18:21

La Pathian min hi’tempot dingin la suante lak ah mi him him Molekh ho’na ding ah la lat lo ding ahi: Keima hi Lalpa chu ka hi’ngâl a.

KISIMNA LEKHABU 25:6

Ziaphatchun, Israelte lak ah mi pakhat in, kikhopna biakbûk kotbul ah a la kâ veng vung lai tak un, Mosi leh mipite mit mu in Midiante numei khat a Inkuan lak un a hun pui lût a.

DAN LEKHABU 12:2

La suan daw ding uh namte’n a pathian uh a ho’nau mun zosia, tângsâng ah te, mual chung ah te leh thing bawk lîm nuai zosia le la hisiat dim dem ding uh ahi.

THUPUAN 18:3

A thanhuainau lungnatna uain chu a dawn khawm ua, lei ah lalte chun a thanhuai piu a, amanu nopsakna ah chun, lei ah sumkawlveite a hausak khawlaw tau a”.