ISAI 57:18 - PATHIAN LEKHABU THIANGTHO (BSI)

¹⁸ A chiana lampiu chu ka mu zing ah, maleh, sudam ding ka hi; amau chu kaibât in, thamuan kit ing ka tin, lusûnte chu thamuanna pia ta’ng ka.

ISAI 57:18 ပူးပေါင်းရင်းမြစ်များ

SAM 23:2

Ama’n hampa hing dip dep munte ah ei kualsak sek ah; tui kiting dai hii hiai munte ah ei pui in;

SAM 51:12

La hukdam limna chu ei pia kit inla, la thu mang zing thei dingin ei vop in.

SAM 94:19

Ka lungthim a lungjin lai in, la thamuannate’n ka hinna a suhal kit sek hi.

THUGENTU 9:4

Hing leh dam ah umte tawh kizop nalaite â dingin kinepna a um nalai in, sakeibaknei thisa sâng in, uicha hing chu a phazaw ngal a.

ISAI 1:18

Lalpa‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 19:22

Lalpa‘n Aiguptate suchimit intin, a sukchimit te chu hi’dam kit in a; Lalpa lam hun nga ta’n tiu in, tichun, ama’nle a dotnau a la ngaitha’n, hi’dam in a.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 30:26

Zia bep chule hilo in, Lalpa‘n a mite liamna a tuam piak ah, a thalchang in a sukliamnate a sukdam piak phat leh, thapi vak dan chu nisa gual hung hi’ntin, nisa vakna chule a le’sagi, ni sagi a vakna kigawm gual in hung vâk ta’n a.

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

ISAI 51:12

Kei, Keima hi ka hi nanghaw hun thamuanpa chu; a thi mang ziang thei mihing bep leh, hampa gual ah vul kit ziang ding haw hi, bang ding ah lau la hiu em?

ISAI 52:12

Kinaw tak ah la chiau ngai pua’n tin, lauthawng ah taidaw le ngai pua’n a; Lalpa chun la mau pui intin, Israelte Pathian chun la nung uh, hun dâl ding ahi ngâl a.

ISAI 53:5

Himaleh, ei haw bawlkhialna ziak ah hiliam ah um leh, I dukdaklona ziak ua vok thidup ah um ahi ngâl a; ama gawtna thok ziak ah ei haw sukdam ah um in, ama kivok thidupna ziak ah, sukdam ah um I hi’ngâl un.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 58:11

Lalpa‘n hun pui huai zing ta’n tin, tâng gawchâk mun inle, la tâksap zosia hun tua intin, la gu leh châng zosia hihat in a. Tichun, tui in a chapno zing, huan tawhbang ta’n la tin, tuinâk pha tak, a tui kang ngai lo gual chu, hung hita’n la.

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 30:17

Amau in nang chu pâm pai ah um ahi tai, ti’n tiu in: “E he Zion hi! Kuama’n a ngaisak ta puau hi!” a hun ti ziak un, la hisêlna hun pia kit ing ka tin, la beliamte chu sudam kit ding ka hi ta’ngâl a, Lalpa‘n a tii.

JEREMIAH 31:3

gamla tak ah kipat in Lalpa a hung kilang tai. Kumtuang hepina’n ka hun hepi la hi; ziaziakchun, la chung in ka gin um zing ahi.

JEREMIAH 33:6

Tungding kit in, sudam kit ding ka hi; sudam ing ka tin, hausakna kiningting tak leh bit tak in umsak kit ing ka.

ZEKARIAH 1:13

Lalpa vansawlchâk ei kihopi’pa chu, aw nem tak leh thamuan um tak in a hun dawnhu ta’n.

LUKA 15:20

Tichun, a kipan ah, a pa kiang lam a zuan tai. Ahi’n, gamla tak ah kipat in a pa’n a hun mu ta’n, a hepi ma ma ah, a del ah, a ngawng kawi in a chawp ngawi ngawi tai.

ROMTE 5:20

Sukkhialna a kilat tam zawk diak theina dingin dan chu a hung lut a. Himaleh, gitlona a punna chun hepina le a pung zaw diak sek hi.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.