ISAI 57:17 - PATHIAN LEKHABU THIANGTHO (BSI)

¹⁷ Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

ISAI 57:17 ပူးပေါင်းရင်းမြစ်များ

THUGENTU 6:9

Duthusam mai mai sâng in mit ah mu ngei chu a pha zaw’n; zia hile bangmalo mai mai leh lunggimna bep ahi.

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

ISAI 2:7

A gam uh sana leh dangka’n a dim a, hausakna lam ah chun a chintawk a um puai; a gam uh sakol in a dim ah, sakol kângtalai nei tam tâkluat ti le a nei puau hi.

ISAI 42:24

Jakob chu kua’n gâl hing ah mat ding ah pia’n, Israel chu suammangte khut ah kua’n a la piak a hem? A chung ah I la gitlonau, a lampi I zui tâk lo uh, a dan le I la zop tâk lo uh, Lalpa chu hilo a hem?

ISAI 45:15

Nangma ngei chu ama leh ama kisêlgu, Pathian tak tak chu la hi; aw Israelte Pathian, Hukdampa ngei chu.

ISAI 56:11

Uicha chu a gawlsan un, vâ chintawk a nei puau hi. Belampute’nle hiatthiamna a nei puau in; a leng un amau lawkna ding bep ngaitua in, amau lampi chiat a zui zo tau hi.

ISAI 64:9

Aw Lalpa, lungna talua kin la, ka khawlonau chu hezing ziang kin. Ngai inla, ngaitua tiam in, ka leng un la mipite ka hiu.

ISAI 66:3

Bawngchal that tapo chu mihing that gual hi’ntin; belamno kithoina ding ah lân tapo chu, uicha gawl ât tan gual hi’n a; thâiga ah kithoina bawl tapo chu, vokcha thisan ah kithawi gual hi’n a; gimtui hâl ah hetzingna ding ah thilpiak lân tapo chu, milim âng ah maljawlna don gual hi’n a. Zia gual mite chun amau bawldan bep pha a sau ah, a thil ki’dak um bawl uh chu, a lungthim un thâtnop um a sau hi.

ISAI 8:17

Jakob Inkuante mulo ding ah kisêl mang Lalpa chu ngâk ing ka tin, ama ah chun kinem zing ing ka.

ISAI 9:13

Mite chun amau vaw’pa lam chu a nga nuam nai diak puau a; sepai honte Lalpa lam chule a hawl nuam diak puau hi.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 3:14

Aw, mi ginum lo chate haw, hung kihei kit un, Lalpa‘n a tii; nang uh hun neipa ka hi’ngal a. Khawpi khat ah mi pakhat, Inkuan khat ah mi pani a hem, hun lakhawm ing ka tin, Zion ah hun pui tung ding ka hi, ti in.

JEREMIAH 3:22

“Aw, chapa gin umlo te haw, hung kile’kit un, la ginumlo nau hun hi’dam piak ing ka”. “Ngai in, ka hun zuan ui, nang Lalpa chu ka Pathian uh la hi’ngal a”.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 51:13

Nanghaw, tui tam tak lak ah chêng ah, go thil ah hausa ma ma, la hinnau gui a ta’n tâk ziakin, la tawpnau chu a tung tai.

JEREMIAH 6:13

A neu pen ah kipat a lian pen tiang in, lawkna lam in a huaihap un; jawlnei ah kipat thiampute tiang in, mitin in diklo tak in a bawl chiat tau hi.

JEREMIAH 8:10

Ziaziakchun, a jiteu chu midang pia’ng ka tin, a louteu chule a gâlteu pia’ng ka; a lak ua a neu pen ah kipat a lian pen tiang in, lawkna diklo ah huaihap ngen a hiziak un; jawlnei ah kipat thiampu tiang in, zuau thu ngen in thil a bawl tau hi.

JEREMIAH 8:6

A la ngaitha’n, ngaisak malengle, thu dik gen a um puau hi; kuama a nunchan phalo uh haisan a um puau in, “Bang ka la bawl khial ah a hem?” a ti zing ui. Sakol gâl do-na mun ah lu bungbut ah a pan gual un, mi tin amau majawn chiat in a kihei tau hi.

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

LUKA 12:15

Chuleh, Jesu chun, a kiang un, “Chingthei un! Huaihapna lak ah chun kiveng un! Nei leh lam leh thil hauna mai hi mihing dampi pen ahi puai,” a tia.

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

1 TIMOTHI 6:9

Himaleh, hausak nuamte chu thepna’n a lut sek un, thil ngolhuai leh a hi’sethei nopnate thâng in a awk un, ziate chun siatna leh manthâina’n mite a tum lutsak sek ahi.

2 PETER 2:14

A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.