ISAI 57:15 - PATHIAN LEKHABU THIANGTHO (BSI)

¹⁵ Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 57:15 ပူးပေါင်းရင်းမြစ်များ

THILSIAM THU 21:33

Abraham in Beer-sheba ah chun thing pakhat a phu ah; zia tak ah chun El-Olam min chu a ko ta’n.

1 LENGTE 8:27

Himaleh, Pathian chu leichung ah hin chêng tak tak ding la hem? Van leh van sang pen inle a hun dawl pua’n, zia ka In sak diak diak hin hun dawl pua’n a!

2 KHANGTHU 34:27

zia mun thu leh a sung ah chêngte chung thu kigen haw la het ah, Pathian âng ah kisik leh kingainiam tak ah la umna ziakin, ka ma-âng ah la puante botthêk ah, la hung kâ tâk ziakin, ke’nle la ni’na chu ka la ngaitha tai, Lalpa‘n a tii.

JOB LEKHABU 22:29

Mite tawden ah a um phat ua leh, a kiletsak ziak ahi la tiu ah; mi kingainiamte ama’n a hukdok sek ngâl a.

JOB LEKHABU 6:10

Zia chu ka thamuanna hung hita’n tin; thok zaw lo ding khop natna ka tuak inle, lim tak in um thei ding ka hi, Thiangtho Pa thute chu ka kilepsan paw’ngâl a.

SAM 111:9

A mite kiang in tatna a hun sawl a, a thuthung chu kumtuang â dingin a guat tai. A min chu Thiangtho leh tizat um ahi.

SAM 115:3

Ka Pathian uh chu vante ah khin a um in; a nop dan dan in bangkim a bawl sek hi.

SAM 123:1

Aw nang, vante ah lalchutpha ah chupa, nangma lam in ka mit ka hun te to hi!

SAM 138:6

Lalpa chu sâng tak in um maleh, mu tawm ah umte chu a ngaitua sek hi; michapote vang gamla tak ah kipat in a muchian hi.

SAM 138:7

Buaina lak ah chia malengle, ka mêlmate lungnatna lak ah kipat in lei vêngbit ah; la khut la hun jakdok ah, tichun, la khut changlam in lei hukdok sek hi.

SAM 147:3

Thinlung thasete a sudam ah, a liamnateu a tuam piak hi.

SAM 34:18

Lalpa‘n lungthim ah kisik ngawi ngawite chu a nai sek in, kinepna neilote chu a hukdok hi.

SAM 34:19

Haksatna tam tak mi dik in a tuak ding a um in, himaleh, zia zosia pat chun, Lalpa‘n a hukdok sek hi.

SAM 51:17

Pathian pom tâk ah kithoina chu, gitlona kisîk hi ahi’n; aw Pathian, lunggil kingainiam leh, kisik ngawi ngawi hi musit pua’n la.

SAM 51:19

tichun, kithoina dik tak, hâlmang thilpiak leh hâlmang pumpiak chung ah hin, kipak ta’n la tin; ziaphat chuleh, la mâichâm ah, bawgchalte lat hita’n a.

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

SAM 93:2

la lalchutpha chu masang lai ah kipat, la sukdetsa a hita’n; nang chu kumtuang ah umsa la hi tai.

SAM 97:9

Aw Lalpa, leilung zosia chung ah, Chungnung pen la hi’ngal a; nangma chu pathian zosia chung pek a, chawihoi in la um hi.

SAM 99:3

Amau in la min lopi leh lau um chu hun pâk tau hen. Ama a thiangtho ngal a!

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 15:13

La tatdawsa la mite chu, la lainatna’n la puidok ah: La hatna’n amau chu la chênna, mun thiangtho tiang in la pui tung a.

PAWTDAWNA THU 15:18

Lalpa’n kumtuang, kumtuang in vaihawm ding ahi,” a tiu a.

PAWTDAWNA THU 40:34

Ziazaw chun, kikhopna biakbûk chu sûmpi’n a hun khû ta’n; tichun, Lalpa lopina chun biakbûk chu a hun lua dim tai.

PAWTDAWNA THU 40:35

Sûmpi’n a chup zing ziak leh, Lalpa lopina’n biakbûk chu a lua dim zing ziakin, Mosi chu kikhopna In sung in a lût thei ta puai.

THUPILTE 16:19

Mi kiletsakte tawh gal lâk thil kihop sâng in, mi chagate tawh lungthim kingaitawm tak ah um khawm a pha zawi.

THUPILTE 8:23

Kumtuang ah kipat leh leilung kisiam ma him inle, a lim tak ah kipat in sukdet ka la hi tai.

ISAI 18:4

Zia gual hin Lalpa‘n ka kiang in a gen ngal a: Sûnpi nilum lai tak gual leh, pawltâk khawlum lai ah jan daikia gual in, ka chênna mun ah kipat in thipbek in hun en suk ing ka.

ISAI 33:5

Lalpa chu choisa’n in a um tai, chung lam sâng tak ah chêng ahiziak in; Zion chu vaihawmna dik leh felna’n hi’dim ding ahi;

ISAI 40:28

He’kha lo la hem? A la he’kha nai lo la hem? Lalpa chu Kumtuang Pathian ahi’n, kawlmong tiang Siamtu chu ahi. Ama chu chau ngai lo leh chawl ngai lo ahi; a thil hiatthiamna chu suidaw ding gual ahi puai.

ISAI 52:13

En un, ka nasempa chu lawting in a; ama chu chawihoi leh choisân ah um in, sâng tak ah koisân in hung um ding ahi.

ISAI 6:1

Lengpa Uzziah a thi kum in, Lalpa chu lal chutpha kichu, sâng tak leh lian tak in ka mu’n; chuleh, a puansil mongte chun tempul sung a lua dim hial a.

ISAI 6:3

Zia gual hin a kidawngtua in a kiko ua: “Sepai honte Lalpa chu: A thiangtho hi, a thiangtho hi, a thiangtho hi; a lopina’n lei pumpi a lua dim hi,” ti in.

ISAI 63:15

La chênna thiangtho leh ja’um tak, van ah kipat in hun thîl suk in en tiam in. La phatchuam ngaina leh la hatna kha, khoilam ah um ahi tam? La lungthim ah lei ngainatna leh, lei khawtuana keima ah kipat hin lâkmang ahi tai.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

KÂ LATE 3:41

Van ah Pathian lam in I khutteu jak in, I lungthimteu in nga’to hitiu.

EZEKIEL 16:63

la thilbawl dan zosia ka ngaidam phat leh, la het zing ziak ah la zachat man ah bangma gen ding neilo in, la kam ka hawm ziang ding la hi, Lalpa Pathian in a ti ahi.

EZEKIEL 9:4

a kiang in, “Khawpi sung hawtheng inla, Jerusalem khawpi sung ma ma hawtheng in; chuleh, khawpi sung ah ki’dak um tak ah thil a kibawl ziak ah, khawksa tak ah thûm leh mau zosia chu a chalkiu ah tepte’na bawl in,” ti’n a hun gen a.

DANIAL 2:11

Lengpa thil dot hivâng thil haksa ta lua ahi, mihingte lak ah um hilo pathiante lo’ngal in hedok thei pua’n au,” a tiu a.

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

ZEKARIAH 2:13

Mizosiate haw, Lalpa âng ah chun thip chil chel tau in, ama chu a mun thiangtho ah kipat in a hung thodok ta ahi.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 6:9

Zia hi la pauchap dan ding uh chu ahi: “Ka Pau van ah um, la min ja in um hen la,

LUKA 1:49

Hat Chungnungpa chun kei â dingin thil lopi tak a bawl ta’n; a min chu thiangtho ahi.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

NASEPTE 3:14

Mithiangtho leh dik tak chu doi lo in, tualthat pakhat la kiang ua piak dingin la don zawu a;

ROMTE 1:20

Khawvel siamtil ah kipat ama kumtuang thilhitheina leh, a van hin dan, mit ah mu theilo chu, a thilsiamte ah kipat chun hiat thiam leh mu in a hung um tai; kuama’n suanlam a nei theilona ding un.

2 KORINTH 1:4

Kei un Pathian ah kipat thamuanna ka nei uh, zia thamuanna chu lunggim gentheite ka thamuan theina ding un, lunggim gentheina lak inle ama’n ei thamuan zing hi.

2 KORINTH 2:7

Ngaidam unla, thamuan tau in, chutilochun a lungngaina’n val zo kha’n a.

2 KORINTH 7:6

Himaleh, lungkete thamuanpa Pathian in, Tita hung ziak chun ei thamuan in,

DAN LEKHABU 33:27

Ama’n tuanah tângah pathiante a nuaisia ah, malai ah thuneite chu a tawden ah; la mêlmate la âng un a del mang a, a kiang un, “Hi’mangthai un,” a tii.

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

JAKOB 4:6

Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

THUPUAN 15:4

Aw Lalpa, kua a hem nang lau lo ah, la min chawihoi lo ding um? Nang bep chu thiangtho la hi’n, nam zosia hung intiu in, la ma’n hung bokkhup ding a hiu, la dikna nasepte chu a kilat tâk ziakin,” ti in.

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.

1 SAMUEL 2:2

Lalpa gual ah mithiangtho dang a um puai, nangma tilo ngâl chu; I Pathian uh tilo ngâl Suangpi dang a um puai.