ISAI 57:13 - PATHIAN LEKHABU THIANGTHO (BSI)

¹³ La patau phat uh leh, la milim lâk khawm haw chun hun hukdok tau hen! Hui in tokmang hen la, hu in mût mang ziang ta hen. Himaleh, keima ei bêl taphot chun, gam hi hun lua in, ka tâng thiangtho hi go in hun lua ta’n au.

ISAI 57:13 ပူးပေါင်းရင်းမြစ်များ

2 LENGTE 3:13

Elisha chun Israel lengpa kiang in, “Nang â ding bang bawl ding ka nei em? La jawlneipate kiang a hem, la jawlneinute kiang a hem in vachia ta’n la,” a tia. Himaleh, Israel lengpa chun a kiang in, “Ahipuai; Moab kiang ah piakdaw ding bep ah kei uh lengte pathum ei hung kodokpa hi Lalpa ahi,” a tia.

JOB LEKHABU 21:18

Bang jat vei tak hui in a mut mang sek chângvai leh, thigua’n a tawmang sek busi gual in a um sek awm?

SAM 1:4

Mi nunsiate vang zia gual chu ahi puau hen, busi hui in a tawmang gual bep ahi zawu hi.

SAM 118:8

Mihingte kisuanpi sâng in, Lalpa bêl chu a pha zawi.

SAM 125:1

Lalpa muang mite chu Zion tâng, suklîn gual lo, kumtuang ah um zing ding gual chu a hiu in.

SAM 37:11

Thunuaigolte chun vang gam hi lua in au; vangphatna nasa tak chên in au.

SAM 37:22

Lalpa maljawlna dongte chun gam hi lua intiu in, a sapsiatte chu mangthai in au.

SAM 37:29

Midikte chun gam hi lua in, kumtuang in chêng in au.

SAM 37:3

Lalpa chu ging inla, thilpha bawl ta’n; tichun, zia gam ah hin bit tak in um zing ta’n.

SAM 37:34

Lalpa ngâk inla, a lampi haw zing in; gam chu lua dingin hun chawihoi in a; tichun, mi nunsiate siatna chu a la mu’n la.

SAM 37:9

Mi nunsiate chu paithâk in, hung um ding ahi ngal un; Lalpa ngâkte chun vang gam hi la lua’n au.

SAM 58:9

A het masang unle hampa gual ah sât thâk a la hitau ah; a hing zing ahi lai unle, hachangthak tak in, Pathian in phiat mang ding ahi!

SAM 84:12

Aw, sepai honte Lalpa, nangma hun taksang taphot chu mi hampha a hiu.

THUPILTE 28:25

Mi du-âm chun kinakna a chokdok sek in; ahi’n, Lalpa ah ginna nga zing mi chu suk-hausat in um ding ahi.

ISAI 11:9

Ka tâng thiangtho ah chun, kuama a kisusia leh kihi’na um ta pua’n a; tui in tuisuagiat a chup gual hin, lei chu Lalpa hetna’n hung dim ding ahi ta’ngal a.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ISAI 25:4

Migentheite’n kisêlna’n a hun mang un, a lungdon lai ua tasamte kisêlna la hi’n; thigawpi lak ah bitna leh, nisa lak ah dailîm la hi. Phalbi lai ah thigawpi gual ah mi huhamte’n a nawu a,

ISAI 40:24

Phû ahi masang leh, tû ahi masang leh lei ah a zung uh a thâk masang un, a chung uh a hun mût sak phatin, a vuaitha zo tau ah; busi gual in huipi chun a tokmang tai.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 45:20

Namtin lak ah a suakcha sunte haw, hungkhawm unla, hung kipung khawm in, ei hun nai tiam un! A thing milimteu paw tawl tawl ah, amau hukdok theilo pathian ho zingte chu, hetna nei lo a hiu.

ISAI 49:8

Lalpa‘n zia gual hin a gen a: Doisakna hun in ka la dawnhu a, hukdamna ni hin ka hun panpi tai; gam nutsia sa lua kit ding leh, go ah lua ding gam chu hawm piak dingin, nam tinte â ding ah thuthung gual in, hun pia ding ka hi.

ISAI 56:7

amau chu ka tâng thiangtho ah pui tung ing ka tin, ka In pauchapna In ah chun, kipak tak ah um dingin siam ing ka. A hâlmang thillatteu leh a kithoinateu chu, ka mâichâm ah pom hita’n a. Ka In chu mi zosia â ding ah pauchapna In, hung hiding ahi ngal a.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

ISAI 65:11

Himaleh, nanghaw Lalpa nungngat ah, ka tâng thiangtho hemil ah, vangphatna Pathian hona dawkan bawl ah, vangphatna ding ah zu no sungdimte chu,

ISAI 65:25

Ngei leh belamno in an ne’khawm ta’n tin, sakeibaknei inle bawngchal gual in bupawl ne ta’n tin; leivui chu gûl an hung hita’n a. Ka tâng thiangtho ah chun kuama kisuknat leh, kisuksiat tuana um ta pua’n a, Lalpa‘n a ti ahi.

ISAI 65:9

Jakob ah kipat suan leh pâk pian dawsak ing ka tin, Judah ah kipat in ka mualte lua ding siam ing ka; ka têlchuamte chun go chu lua in, ka suakte chu zia tak ah chun chêng ta’n au.

ISAI 66:20

Israel chate’n Lalpa In ah bêl thiangtho ah thillat ding a hun choi sek gual ua khan, Jerusalem ah ka tâng thiangtho ah chun, Lalpa kiang ah lat dingin namtin lak ah kipat in la suapiteu chu, sakol chung ah te, sabiltung chung ah te leh gancha hat tak tak te chung in hun pui khawm in au.

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

JEREMIAH 22:20

Lebanon tâng ah kal to in kikodok unla, chuleh, Bashan ah chun la awu suau in; la gual ngaite a leng un suksiat ahi tâk ziak un, Abarim ah kipat chun kap jak tau in.

JEREMIAH 22:22

La hotuteu chu hui in tok mang intin, la ngainatteu chu sal ah tâng in au; ziaphat chuleh, la gitlonau zosia ziakin, mualpho tak leh beidong tak in um ta’n lau.

JEREMIAH 30:14

La gual ngaite’n a hun hemil zo tau in, nang a hun ngaisak ta puau hi; la bawlkhial a huaisiat ziak leh, la gitlona a tam bêk ziakin, mêlma’n lainatna pang lo ah a gawt gual leh, gâlte gawt gual in ka hun soisak la hi.

EZEKIEL 20:40

Ka tâng thiangtho, Israel tângsip ah chun Israel mipi zosia’n, zia gam ah chun ka na sêm ding ahi ngal un; zia mun ah chun amau pom ta’ng ka tin, la thawlawmteu leh la thilpiak lûl takteu chu, la thilzek thiangthoteu tawh a la dawi ta’ng ka, Lalpa Pathian in a tii.

HOSEA 13:3

Ziaziakchun, amau chu jingkal phâisûm a hem, jan dâichîm bei kit pai ziang sek gual a hem leh, phual ah busi hui in a mut mang gual leh, tukvan ah meikhu leng mang gual chu hi’n au.

JOEL 3:17

Chutichun, kei Lalpa la Pathian uh, ka tâng thiangtho, Zion ah ka chêng hi ti hun he ta’n lau. Jerusalem chu thiangtho intin, mikhualte’nle haw malam kit ta pua’n au.

ZEKARIAH 7:13

Amau ka ko lai ah ei ngaisak lo gual un, ke’nle ei hun ko phat uh leh ngaisak lo ding ka hi, sepai honte Lalpa chun a tii;

VAIHAWMTE 10:14

Chiau inla, pathian ah la têl zawkteu kiang ah khan vadon tau in; la lungkhamnau ah kipat in hun hukdokleu hiding a paw’m!” a ti piak a.