ISAI 57:1 - PATHIAN LEKHABU THIANGTHO (BSI)

¹ Midik chu a mangthai in, ahi’n, kuama’n a ngaisak puau in; mi kipumpiakte chu pui mang in a um un, kuama’n a hethiam puau hi. Midik chu siatna hung tung ding ah kipat in, lâk mang in a um un; zia chu kuama’n a hethiam puau in;

ISAI 57:1 ပူးပေါင်းရင်းမြစ်များ

1 LENGTE 14:13

Israelte zosia chun kâ intiu in, vui in au; Lalpa, Israelte Pathian lung lam ah pha, Jeroboam Inkuan ah ama bep ah chun mu ahiziak in, ama bep chu Jeroboam Inkuan ah mi thân ah, kivui hiding ahi.

2 LENGTE 22:20

Ziaziakchun, la pu leh pate kiang in hun pui ing ka tin, nangma chu thamuang tak ah thân ah chia ding la hi; ziaziakchun, zia mun chung ah ka thil tunsak dingte hi nangma mit in vang mu pua’n la, Lalpa‘n a tii,’ tiu in,” a tia. Tichun, lengpa kiangah chun zia thu chu a tut tau hi.

2 KHANGTHU 32:33

Hezekiah chu a pu leh pate kiang in a la ipmu ta’n; David pu leh pate thân kaltona mun ah chun a vui tau a; Judai gam leh Jerusalem khua chêngte zosia chun a thi ni chun ja’na nasa tak in a bawl tau hi. Ama chapa Manasseh chun a thasâng in vai a hawm tai.

2 KHANGTHU 34:28

Zia mun leh a sung ah chêngte chung ah siatna ka hun tunsak dingte chu la mit ah mu man lo dingin, nang chu vang la pu leh pate kiang in hun chawl damsak ta’ng ka tin, thamuang tak in la thân ah sial in um ta’n la, a tii, ti hil un,” a tia. Zia thu chu lengpa kiang in a hil kit tau hi.

2 KHANGTHU 35:24

Tichun, a suakte chun a kângtalai ah kipat hun zawn tha’n, ama kângtalai dang pakhat ah chuan sak in, Jerusalem khua lam in a taipi tau a. Zia tak ah chun a thi ta’n, a pu leh pate thân pakhat ah chun a vui tau hi. Judah mipi leh Jerusalem khua mipi zosia chun Josiah chu a sûn tau hi.

SAM 12:1

Aw Lalpa, ei panpi in, Pathian ngaisak mi la a um ta paw’ngal in; mihing chate lak ah mi ginum a um ta puai.

SAM 37:37

Dem kailote tepte inla, midiktat chu kansui in: kicham nuamte chun suan leh pâk, tasam lo ding ahi ngal un.

ISAI 42:25

Ziaziakchun, a chung un a lungnatna meiâm leh, a gâldo’na lungnatna huaisia a hun butthâk khum tai; a kîmvêl ah mei hun sêmkuang maleh, a hethiam diak pua’n; ama a hun kâng kha hial ta na’n, a ngaikhawk diak puai.

ISAI 47:11

Himaleh, la dawi thiamna’n a zaw lo ding, la chung ah vangsiatna hung tung in a; la hi’dai theilo ding ah siatna khawk tak, la chung ah hung tung ding ahi; la hetkhol lo in, phut lo ah la chung ah manthaina hung tung ding ahi.

ISAI 47:7

Nang in, “Kumtuang ah lengnu hiding ka hi,” la ti ziakin, zia thilte chu la lungthim inle la la ngaitua kha pua’n, a tawpna ding uh le la he’pha diak puai.

ISAI 57:11

Kua la lau ziak leh la kichâk ziak ah zuau gen ah, keima ei hemil ah, la lungthim ah le ei gêl kha talo la hitau em? Thipbek ah um in, ka mit ka sîn san ziak ah ei lau lo la hiu maw?

JEREMIAH 18:11

Ziaziakchun, tu’hin Judah mipite leh, Jerusalem ah chêngte kiang in, zia gual hin Lalpa‘n a gen hi, vati’n: En un, la chung ua thil phalo tunsak ding leh, nanghaw do ah thil phalo guanggal ding ah bêl vêlpa chu ka hi. Tu’hin, la leng un, la thil phalo bawl uh chu hun haisan unla, la umchan uh leh la thilbawl zosiau siamphau in, ti in.

JEREMIAH 22:10

Mithite chu kâ kiu inla, sûn diak kiu in; hung kile’kit ah a piannau gam mu kit talo ding ah, pui mang ah umte chu kâ zaw tau in.

EZEKIEL 21:3

Israel gam kiang in: Lalpa‘n zia gual hin a gen hi ti’n: Nanghaw do in ka hung kuan hi, ka chemjam a pâi ah kipat jukdok ing ka tin, la lak ua midik hi’n mi nunsia hileh, sât tan sik sek ding ka hi.

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

KISIMNA LEKHABU 23:10

Leivui gual ah tam Jakob Inkuan leh, leivui kitung gual ah tam Israelte chu, kua a hem sim thei ding? Midik gual in thi zaw mai ka tin, ka tawpna le amau tawpna gual hi zaw mai hen,” a hun ti tai.