ISAI 56:6 - PATHIAN LEKHABU THIANGTHO (BSI)

⁶ Chun, gam dang mi, Lalpa hun zawm ah, a nasêm ding leh Lalpa min ngaina, a suak ding ah hung kipia, a cholni subuak lo ah chang thiangtho a, ka thuthung tudet taphot chu,

ISAI 56:6 ပူးပေါင်းရင်းမြစ်များ

1 LENGTE 8:41

Zia gual ma chun, la mi Israelte lak ah hilo, gam dang mi nangma min ziak ah gamla tak ah kipat a hung phat ua leh,

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 44:5

Mi khat in, “Lalpa â ka hi,” hun ti’n tin; midang khat chu Jakob min ah ko in hung um in au; midangte chun a khutbân un: “Lalpa â,” ti zik intiu in, Israel chu a nam min dingin hun mang ta’n au.

ISAI 58:13

Ka ni thiangtho ah nangma lawkna ding bep hawl ah, sabbath ni bangmalo ah ngai lo ah, tawden lo ah la um ah, sabbath ni hi kipakna ni la hi’sak ah, Lalpa ni Thiangtho chu la jabawl nâk chun; jabawl tak ah, nangma thu kinoptel lo ah, nangma nopna lam bep bawl lo ah, nangma lawkna ding bep la hawl lo nâk chun;

ISAI 60:10

Gam dang mite chun la kulbâng uh hun bawl piak intiu in; chuleh, a lengteu chunle la nau hun sep piak ta’n au; ka lungnat ziakin ka hun vaw pâi ta’n, maleh, ka hun doisakna ziakin, la chung in ja’ngaina ka nei tai.

ISAI 61:5

Mêlhetlote hung kisalâ in, la belam honteu hun vâk piak intiu in, gam dang mite chun la lou uh hun kai piak in, la grep guiteu hung ha’piak in au;

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

JEREMIAH 50:5

Zion lam nga’n, a lampi ding dong malam pek in, kumtuang thuthung, bangmatik ah le hetmil tâk lo ding ah Lalpa tawh kizopna nei in hung khawm ta’n au.

EZEKIEL 20:13

Himaleh, Israel Inkuante chu gamthip ah khan ka chung in a hel un; ka dan bawlte zui lo in, ka thuguatte chu zawm lo in, zia chu zawm ah mi tin in a hinna ding uh chu a nol tau ah; chuleh, ka sabbath nite le huaisia tak in a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

EZEKIEL 47:22

Nanghaw tawh gam dang mi, la lak ua chêngden ah cha leh naunei ta te kiang in gochan dingin la kihop diu ahi. Amau chu Israelte cha ma ma leh a gam ah piangte gual ah la pom diu ahi; amau le la lak un, Israel phung tin lak ah gam chanvo la guan piak diu ahi.

ZEKARIAH 6:15

Gamla tak ah umte chu Lalpa tempul sakpi dingin hung in au; zia phat chuleh, sepai honte Lalpa chun la kiang un ei sawl ahi ti hechian ta’n lau. Lalpa la Pathian uh aw pha tak ah la ngaithâk uh chun, zia gual ah chun hung guitung ngei ngei ding ahi, a tii, ti’n gen in, a ti tai.

NASEPTE 11:23

Ama tun phatin, Pathian hepi dan chu a mu in a kipak ma ma ah, phatchuamngai tak ah Lalpa tuzing dingin a tîlkho tai;

NASEPTE 2:41

Tichun, a thugen pomte chu a baptis tau a; zia ni chun mi sâng thum vêl belap in a um ui.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

1 KORINTH 16:22

Lalpa hepi lo taphot chun, hânsia dong uh hen. I Lalpau chu, a hung hi! Maranatha!

2 KORINTH 8:5

Zia chule ka kinep gual lo tak in, Pathian doilam in, amau ngei Lalpa kiang leh keimau kiang in a kipemasau a;

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

EPHESA 6:24

I Lalpau Jesu Khrista chuai lo ah hepite chung in, a hepina chu um zing ta hen. Amen.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

THUPUAN 1:10

Lalpa ni’ chun thagau in ka hung um ah, zia lai tak ah chun pengkul gi gual in aw ngai tak in,