ISAI 56:5 - PATHIAN LEKHABU THIANGTHO (BSI)

⁵ Ka Insung, ka bâng in a ûm kîmvêlna sung ma ma hin, chapate leh chanute sâng ah phazaw, amau hetzingna ding pia’ng ka; kumtuang ah a min ding uh pia’ng ka tin, tichun, bangmatik in pai thâk hita pua’n a.

ISAI 56:5 ပူးပေါင်းရင်းမြစ်များ

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 26:1

Zia ni phat chuleh, Judah gam ah zia La hi sak hunghita’n a: Khawpi det tak I nei ui; gual zaw’na chu kulbâng leh khawpi ûmna gual in a siam hi.

ISAI 43:7

ka min ah kiko mimal tin chu, ka lopina ding ah ka siam leh, ka la bawlsa la hiu,” hun tiding ka hi.

ISAI 48:19

la hin la choite chu piaunêl gual ah tam in, la suan leh pâkte chule suangchang jat hita’n au; a min uh thaimang in um ngai pua’n tin, ka ma-âng ah kipat hi’mangthai in, umlo ding hive’n.

ISAI 55:13

Hampa lingnei ke’na mun ah chun, châkthingte hung kekdok ta’n tin; theimi lingbuk ke’na mun ah chunle, vaisuaklu hung kek ta’n a; zia chu Lalpa â ding ah kumtuang ah, tepte’na leh mêlchikna hung hita’n tin, kuama’n ziate chu vât tha ta pua’n au.

ISAI 56:7

amau chu ka tâng thiangtho ah pui tung ing ka tin, ka In pauchapna In ah chun, kipak tak ah um dingin siam ing ka. A hâlmang thillatteu leh a kithoinateu chu, ka mâichâm ah pom hita’n a. Ka In chu mi zosia â ding ah pauchapna In, hung hiding ahi ngal a.

ISAI 60:18

La gam sung un thagum sua’na hetphâk hita pua’n tin, kisuksiatna leh siat kibawlna him him, la gamgi sung un hetphâk hita pua’n a; la kulbâng uh chu Hukdamna, la kul kotkhakteu chu Pakchatna hun ti ta’n lau.

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

ISAI 62:2

Namtin in la dik zia hun mu’n tin uh, leng zosia’n le la lopina hun mu ta’n au; tichun, Lalpa‘n a hun phuak piak, min thak khat ah ko hung hita’n la.

ISAI 66:20

Israel chate’n Lalpa In ah bêl thiangtho ah thillat ding a hun choi sek gual ua khan, Jerusalem ah ka tâng thiangtho ah chun, Lalpa kiang ah lat dingin namtin lak ah kipat in la suapiteu chu, sakol chung ah te, sabiltung chung ah te leh gancha hat tak tak te chung in hun pui khawm in au.

ISAI 66:22

Tichun, lei thak leh van thak, ka siam dingte chu ka ma-âng ah, umzing ta ding a hiziak un; zia gual ma chun, la suan leh pâkte leh, la min chule umden ta’n a, Lalpa‘n a tii.

ZEPHANIAH 3:20

Ka hun lak khawm phat leh In lam ah hun pui tung ta’ng ka; lei chung ah mi zosia lakah chawihoi leh, minthang ah ka hun bawl ding ziakin la mit mu ngei un, la saltânnau ah kipat ka hun tundin kit tak leh, Lalpa‘n a tii.

MATTHAI 16:18

Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.

JOHAN 1:12

Himaleh, ama a la lop ah, a min gingte chu Pathian chate hitheina a piai.

EPHESA 2:22

Nanghaw le ama ah chun, Thagau ah Pathian chênna mun ding ah lepkhawm la hitau hi.

1 TIMOTHI 3:15

ka hung vâigei khâk leh, Pathian Inkuan ah bang gual ah um ding a hem ti la hetna dingin ahi; zia ngei chu Pathian hing kochuam, thutak khuam leh kulpi chu ahi.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

THUPUAN 3:5

A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.

1 SAMUEL 1:8

A pawsal Elkanah chun a kiang in, “Hannah, Bang ding ah kap la hem? Bang ding ah an ne nuam lo la hem? Bang a hem la lungkham? Chapa sawmkhat sângah poimaw zaw hilo ka hem?” ti’n a gen a.