ISAI 55:1 - PATHIAN LEKHABU THIANGTHO (BSI)

¹ Dangchâk zosia tui tamna lam ah hin hung un; dangka neilote le hung unla, hung kichawk in dawn un! Hung unla, uain leh bawngnawi, dangka ngai lo in, a man bei in hung kichawk tau in.

ISAI 55:1 ပူးပေါင်းရင်းမြစ်များ

SAM 143:6

Ka khut nangma lam ah ka hun jak in, ka hinna gamkeu gual in, nangma ngâi in a dangchâk hi.

SAM 63:1

Aw Pathian, nang chu ka Pathian la hi’n; hun hawl ing ka, ka hinna hi nangma thangai in a dangchâk a; tui umlo’na gamkeu leh dangkeuna mun ah hin, ka taksa hin a hun thangai tun tun ahi.

THUPILTE 8:4

Aw nanghaw mihingte haw, ka hun uau la hiu, ka kona aw hi mihing zosia â ding ahi.

THUPILTE 9:1

Pilna chun a In ding a sa hen, bankhuam pasagi a phut hi.

THUPILTE 9:5

“Hung unla, ka vaithum hi hung neu inla, ka uain heltuaksa hile hung dawn un.

SOLOMON LÂ 1:2

A mi chawpna mûk chun ei chawp hen! La hepina chu uain sâng in a phazaw ngal in;

SOLOMON LÂ 1:4

Ei pui in, kin tak in chia hitiu! Lengpa’n a pindan ah ei pui lût tai. Nangma ah chun lim ing kau; la hepina chu uain sâng in ka limpi zaw; a hun hepi takzet uh ahi.

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

ISAI 1:19

Thu la mat ua la nop phot uh leh, gam phatna hi hun ne’n la tin uh,

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 52:3

Lalpa chun zia gual hin a la gen ta’ngâl a: Bangmalo mai mai ah zokdaw in la um un, a man bei ma ah tatdaw kit ding la hiu.

KÂ LATE 5:4

Tui dawn man ka piak uh a ngai ta’n; thingle ka chawk uh a ngai tai.

EZEKIEL 47:1

Chuleh, Tempul kotkhak lam chun ei pui kit a; ngaitia, tempul In mai nuai ah kipat tui hung pût in, sualam zuan in a luang ta’n (Tempul chu sualam nga ahiziak in;) chun, tui chu simlam kâi in a luang suk pek ah, Tempul In tual simlam gei ah mâichâm nung lam tiang chun a luang tai.

EZEKIEL 47:9

Zia tui luanna taphot chun, tui ah ganhing zosia hing kit ta’n tin, sanga tam tak hung um kit ta’n a; zia tui luanna taphot ah tuisuagiat tui chu hi’thian hingal ta’n a; tichun, zia tui luanna taphot ah chun, bangkim hing kit ziang ding ahi ngal a.

HOSEA 14:4

A thutak lonau ah kipat in sudam ing ka tin, a thawn in amau hepi ta’ng ka; amau chung ah ka lungnatna a bei ta ngal a.

JOEL 3:18

Zia ni chuleh, tângte chun uain thum vatsak ta’n tin, mualte ah chun bawngnawi luang intin, Judai gam ah lui guam zosia chun, tui luang ta’n a; Lalpa In ah kipat in tuinâk hung luangdok intin, Wadi Shittim chu tui in buak khum ta’n a.

ZEKARIAH 10:7

Ziaphat chuleh, Ephraim mite chu, gâlhat tak gual ah um in, uain a dawn lai ua a lungthim uh, a kipak gual in kipak ta’n au. A chateu in zia chu mu’n, lim ma ma intiu in; Lalpa ah chun a lungthim uh kipak ma ma ta’n au.

ZEKARIAH 2:6

Hung tho un! Hung tho un! mallam gam ah kipat in jam mang un, Lalpa‘n a tii. Van hui palite gual in gam tin ah ka hun thejak ta’ngal a, Lalpa‘n a tii.

ZEKARIAH 9:15

Sepai honte Lalpa chun, amau humbit ta’n tin, amau in vaisuangse septe chu, tawden in val zo ngâl ding a hiu; a thisan uh belbu ah dim zu gual ah dawn in, mâichâm bul ah kileibua gual chu hi’n a.

MATTHAI 10:8

Damlote hi’dam unla, mithite kaitho unla, phâkte hi’thiangtho unla, thithate le nawdok un; a thawn in la muu ah, a thawn in vapiau in.

MATTHAI 13:44

Van gam chu lou ah go phumguk gual ahi kit hi: Zia chu, min a mu’n, a sêlgu, kipak tak in a chia ah, a nei zosia zuak in zia lou chu a chaw tai.

MATTHAI 26:29

Ka hun hil la hiu, ka Pa gam ah nang uh tawh a thak ah ka dawn ding ni a tun masia, tu’kipat zia grep ga tui hi dawn talo ding ka hi, a tia.

MATTHAI 5:6

Dikna ngai ah gilkial leh dangchâkte chu mi hampha a hiu; Tai leh niansak ah um ding ahi ngal un.

NASEPTE 8:20

Himaleh, Peter chun a kiang in, “La dangka tawh mangthai khawm ta’n, Pathian thilthawnpiak chu dangka sum ah chawk thaw ding la guat ziakin.

ROMTE 3:24

Khrista Jesu tatna jal ah chun, a hepina ziakin a thawn ah thiamchansak I hitau hi;

1 KORINTH 3:2

Bugum hilo in, nawitui in ka hun vâk tadi la hiu; bugum nethei la hi nailo ziak un, tu’tiang hinle la nethei nai puau hi.

1 PETER 2:2

Hukdamna la khanlet theina ding un, nausen piang limte gual in, thagau lam nawitui thiang chu ducha zing un;

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

THUPUAN 3:18

la hung hausak theina dingin, sana mei ah hâl thian leh, la ngawnchang hina a kilat lona ding, puan vâm tawh ka kiang ah hung chaw ding leh, la mutheina ding ah la mit nu’ ding damdawile hung kichawk dingin, ka hun thumop la hi.

RUTH 4:1

Boaz chu khawpi kotbul in a chia to pai ziang ah, zia tak ah chun a vakichu ta’n. Chuleh, Boaz in a la gen, a gamngâk dingpa chu a hung phatin, Boaz in a kiang in, “Gualpa, zia hin hung inla, hung kichu tiam in,” a ti’n. Ama le a vachia ah, a kichu ta’n.