ISAI 54:8 - PATHIAN LEKHABU THIANGTHO (BSI)

⁸ Ka lungnatna huaisia tak ziakin, chomkhat ka hun kisêl mangsan ah; maleh, kumtuang hepina ziakin, hun lainat zing ta’ng ka, ti’n Lalpa, nangma hun Tanpa chun a gen hi.

ISAI 54:8 ပူးပေါင်းရင်းမြစ်များ

SAM 103:17

Lalpa ngilnei hepina vang, ama laute chung ah kumtuang ah pat, kumtuang tiang in um intin; a dikna chule a suan a pâkte tiang in um intin;

SAM 103:4

la hinna thi’na khûk ah kipat hukdok in, ngilneina leh khawtuana a khuksak in,

SAM 13:1

Aw Lalpa, bang chan a hem? Kumtuang ah ei hemil ding la hi tam? Bang chan a hem kei ah kipat la mai la sêl mang ding?

SAM 27:9

Ka mu lo dingin la mêl sêlgu kin la, lungna’n la suak hi ei sawl mang ziang kin la; nang chu ei panpipa la la hi’ngal a. Ei panpi kin inla, ei nusia him him kin! Aw Pathian, ka kihukhinna la hi’ngal a.

SAM 30:5

A lungnatna chu hun chomkhat bep dai ahi’n; a doisakna chu vang damsung dai ahi. Kâ-na chu a jan giak mai thei, ahi’n, jingkal ah chun kipakna a hung tung ngal sek hi.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 26:20

Hung un, ka mite haw, la pindan un lut unla, kot kikhak khum tau in! Lungnatna hun a bei masia, hun chomkhat vakisêl mang tau in.

ISAI 40:27

“Ka buaina hi Lalpa‘n a he’pha pua’n, ka chung thu hi ka Pathian in a ngaisak ta puai,” bang ding ah Jakob in ti’thei ah, Israel in zia gual ah chu gen thei la hiu em?

ISAI 45:15

Nangma ngei chu ama leh ama kisêlgu, Pathian tak tak chu la hi; aw Israelte Pathian, Hukdampa ngei chu.

ISAI 47:6

Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

ISAI 48:17

Nangma hun Tanpa, Israel Mithiangtho, Lalpa chun zia gual hin a gen hi: Keima hi Lalpa la Pathian, la phatna ding ah hun hilpa, la chiana lampi hun kaibâtpa chu ka hi.

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 49:26

Nang uh hun nuaisiate chu, amau taksaphe ma ma nêksak ing ka tin; zu a dawn gual un a thisan uh dawnsak ding ka hi. Ziaphat chuleh, mi zosia’n Keima hi, nang hun Hukdampa leh Tanpa, Jakob Mithiangtho, Lalpa ngei chu ka hi, ti hun hechian ta’n au.

ISAI 54:10

Tângte chu tawl mang ah um in, mualte chu lakdaw in hung um ziang maleu le, ka ngilneina chun hun nusia pua’n tin, kilemna thuthung chu lâkdaw hita pua’n a, ti’n nangma hun lainatpa, Lalpa chun a ti ahi.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 60:10

Gam dang mite chun la kulbâng uh hun bawl piak intiu in; chuleh, a lengteu chunle la nau hun sep piak ta’n au; ka lungnat ziakin ka hun vaw pâi ta’n, maleh, ka hun doisakna ziakin, la chung in ja’ngaina ka nei tai.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

ISAI 64:7

La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.

ISAI 8:17

Jakob Inkuante mulo ding ah kisêl mang Lalpa chu ngâk ing ka tin, ama ah chun kinem zing ing ka.

JEREMIAH 31:3

gamla tak ah kipat in Lalpa a hung kilang tai. Kumtuang hepina’n ka hun hepi la hi; ziaziakchun, la chung in ka gin um zing ahi.

JEREMIAH 33:26

Jakob leh ka suak David suan leh pâkte chu pâmpai in, a lak ua khat chale Abraham, Isak leh Jakob suante chung ah vaihawm ding in a la koi lo ma ding hivêng aw. Ahi’n la, amau vangphatna pia tungding kit in, lainat ding ka hi’ngâl a, ti in.

JEREMIAH 51:5

Israelte Mithiangtho mit mu in, a gam uh gitlona’n dim maleh, Israelte leh Judate chu sepaite Lalpa, a Pathian uh chun a nusia diak puai.

EZEKIEL 39:29

chuleh, Israel Inkuante zosia chung ah ka Thagau ka butthâk phat leh, amau chu kisêl mangsan ta pua’ng ka, Lalpa Pathian in a tii, ti in.

HABAKKUK 3:2

Aw Lalpa, la minthanna thu ka la he ta hen; aw Lalpa, la thilbawl tiza in ka ding mai hi. Keimau hun sung in hun hi’hal kit inla, ka hun sung ma mau hin hun hiatsak inla; la lungnatna tawp khawk inle ja’ngaina hemil kin.

ZEKARIAH 1:15

chuleh, kinoptel tak ah um namte chung in ka lung a na ma ma hi; ka lungnatna neucha ahi lai in siatna huaisia zaw diak a hun bawl un.

ZEKARIAH 1:16

Ziaziakchun, Lalpa‘n zia gual hin a gen hi: Ja’ngaina tawh Jerusalem lam ka hun nga kit tai; zia sung ah chun ka In sak hi’ntin, Jerusalem chung ah chun te’na kithungdok kit ta’n a,” sepai honte Lalpa chun a tii.

ZEKARIAH 10:6

Judah Inkuan mite suhat ing ka tin, Joseph Inkuan ah mite chu hukdok ing ka. Amau chu ka lainat ma ma ziakin, ka paithâk khâk ngai lo gual in puidok kit ing ka; kei Lalpa a Pathian uh ka hia, amau dawnhu ta ding ka hi’ngâl a.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

1 TIMOTHI 1:16

Himaleh, ziaziak tak ah chun ahi jangaina chu ka mu; chutia, a gilo pen keima ah Jesu Khrista dawtheina kim latsak ah um chu, tu’nung ah ama hun gingte chun, kumtuang hinna a mu ding uh chu etsakna hiding in.