ISAI 54:7 - PATHIAN LEKHABU THIANGTHO (BSI)

⁷ Hun chomcha sung â ding bep in ka hun nusia in; maleh, lainatna lian tak in hun pui khawm kit ding ka hi.

ISAI 54:7 ပူးပေါင်းရင်းမြစ်များ

SAM 106:47

Aw Lalpa, ka Pathian uh, ei hukhing inla, namtin lak ah kipat in ei pui khawm kit in; la min thiangtho chu ka hun pâk ua, nangma pâkna chu ka kisuanpi theina ding un.

SAM 107:3

gamtin ah kipat, sualam leh tumlam ah kipat leh mallam leh, simlam ah kipat a pui khawm zosia’n le gen uh hen.

SAM 30:5

A lungnatna chu hun chomkhat bep dai ahi’n; a doisakna chu vang damsung dai ahi. Kâ-na chu a jan giak mai thei, ahi’n, jingkal ah chun kipakna a hung tung ngal sek hi.

SAM 30:6

Ke’n vang ka hinkhua nop lai ni hin, “Bangmatik in kilîng pua’ng ka,” ka ti’n.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 26:20

Hung un, ka mite haw, la pindan un lut unla, kot kikhak khum tau in! Lungnatna hun a bei masia, hun chomkhat vakisêl mang tau in.

ISAI 27:12

Zia ni phat chuleh, Euphrates luipi kipat Aigupta Wadi tiang in, buchil in hun chil in a; chun, aw Israelte haw, pakhat khat ah lâk khawm in hung um ta’n lau.

ISAI 27:8

Amau chu nawdawna sal ah pui mang in a umsak ah, a lungnatna’n sualam thigawpi a mût mangsak tai.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 49:18

Hung khawdak inla, hun en vêl tiam in; a kikai khawm un, la kiang a hung tung tau hi. Lalpa chun, “Ka hin ziakin, ziate chu kicheina’n mang in la tin, mo kicheina gual in amau chu, kivanna’n mang in la,” a tii.

ISAI 49:21

Ziaphat chuleh, la lungguk in, “Ziate haw hi kua ei hun hinpiak a hitau em? Kei chu la chate sûn ah cha nei theilo, sal ah pui mang ah um leh, naw mang ah um ka hita’n, a leh, ziate haw hi kua’n a la kaitua ahi tam? Keima ngawn ah nutsia in ka la um ah, ziate haw hi khoi tak ah hung kipan a hiu em?” hun ti ta’n lau.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

ISAI 60:10

Gam dang mite chun la kulbâng uh hun bawl piak intiu in; chuleh, a lengteu chunle la nau hun sep piak ta’n au; ka lungnat ziakin ka hun vaw pâi ta’n, maleh, ka hun doisakna ziakin, la chung in ja’ngaina ka nei tai.

ISAI 60:4

Hung khawdak inla en tiam in; a hung kipâ khawm un, la kiang in a hung khawm ui; la chapate chu khual gamla tak ah kipat hung intiu in, la chanute chule amau donte chun hun pai in au.

ISAI 62:4

Nangma chu, “Azubah” ti ah ko in um ta pua’n la tin, la gam uh chule, “Shemamah” ti ah gensim in um ta pua’n tin, nang uh chu, “Hephzibah” ti hizaw ta’n la tin; la gam uh chule, “Beulah” ti hita’n a; la chung ua Lalpa a lungdam tâk ziakin, la gam uh chule kichenpi kît ding ahi ngâl a.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

ISAI 66:18

A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

JEREMIAH 51:5

Israelte Mithiangtho mit mu in, a gam uh gitlona’n dim maleh, Israelte leh Judate chu sepaite Lalpa, a Pathian uh chun a nusia diak puai.

KÂ LATE 3:31

Lalpa‘n kumkhua’n pâmpai lo ding ahi.

KÂ LATE 3:32

Hi’lungngai maleh, a ja’ngaina nasa tak dungzui in, lainatna hun nei ding ahi ngal a;

EZEKIEL 36:24

Namtin lak ah kipat leh gamtin ah kipat hun pui khawm in, nangmau gam ma ma ah hun pui lût ta’ng ka.

MIKAH 4:6

Lalpa “Ziaphat chuleh, kengbaite kai khawm ing ka tin, del mang ah um leh ka sukgenthei ah umte chu, kai khawm ding ka hi,” a tii.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

EPHESA 1:10

Zia a doilam lunggil chu, hunbî a hung tun phat leh, thil zosia: Van ah umte leh lei chung ah umte chu, Khrista ah gawm khawm in, suktua sik sek ding ti hi ahi.

DAN LEKHABU 30:3

Lalpa la Pathian un hun tung ding kit in, hun khawtua ta’n tin; chuleh, Lalpa la Pathian un namtin lak ah a hun thejakna gam zosia ah kipat in hun puikhawm kit ta’n a.

JAKOB 4:6

Himaleh, hepina tam zaw diak a pesek hi; ziaziakchun, “Pathian in mi kilestsakte a do in, mi kingaitawmte chu doisakna a pesek hi,” ti ahi.

2 PETER 3:8

Ahi’n la, doitakte haw, zia thu hi hemil kiu in: Lalpa ngai in ni khat hi kum sang khat gual ahi’n, kum sang khat hile ni khat gual ahi, ti hi.